Matiö 15:36 - Kuö Dëdrä Jenɛɛsë Rutë

³⁶ 'Ɔnya dɔrɔ 'flɔɔbü ‑uunsɔɔlʋ nyra ‑srülü 'wʋ, 'ɔ 'bɩaa' Nyɔsʋa 'tɛtrɛɛkʋ, 'ɔnya 'böblö 'iin ‑tɩa 'ɔnya ‑nyɩ 'iin 'ɔa 'wʋnyɛrɛnyüü ü ‑päälä 'ümɩ 'iin 'lɩ.

Matiö 15:36 Referans Kwoze

Rɔmënyüü 14:6

Nyɔɔ ma 'daa ‑taa jrüülü ‑si ‑mölöö 'wʋ nɩ, 'Pläkänyɔɔa ‑gʋ 'ɔ nö 'imɩ. ‑Mɔlɔ jöa' diia 'fɩɔ nɩ, 'Pläkänyɔɔa ‑gʋ 'ɔ jö 'imɩ, Nyɔsʋa 'ɔ 'trɛɛ. ‑Bɛ ‑mɔlɔ 'nyɩ jia' diia 'fɩɔ nɩ, 'Pläkänyɔɔa ‑gʋ 'ɔnyɩ ji 'imɩ, Nyɔsʋa 'ɔ 'trɛɛ.

Lukë 22:19

'Ɔnya dɔrɔ 'flɔɔ 'wʋ; 'ɔ bɩaa' Nyɔsʋa 'tɛtrɛɛkʋ, 'ɔnya 'böblö 'uun ‑tɩa 'ɔnya ‑nyɩ 'ümɩ 'uun; 'ɔ ‑nëma: «'Na fugba bäsaa, ä 'saraa' 'ana ‑gʋ. 'Ba nʋ 'imɩ 'amä 'na ‑gä plɛ 'pa.»

Akëtë 27:35

'Ɔ bɩaa' 'lɩsasakʋ nɩ, 'ɔnya dɔrɔ 'flɔɔ 'wʋ, nyüüa 'fɩɔa 'klɩ 'ɔnya 'trɛɛ Nyɔsʋa, 'ɔnya 'böblö 'uun ‑tɩa 'ɔnya jidɛɛ.

Jaan 6:11

Jesu nya dɔrɔ 'flɔɔlʋ 'wʋ, 'ɔnya 'trɛɛ Nyɔsʋa, 'ɔnya ‑päälä 'uun 'ɔa 'wʋnyɛrɛnyüü ‑bɛ 'ɔa 'wʋnyɛrɛnyüü ‑päälä 'uun nyüülü kɔ kɔa' ‑wälɩ 'lɩ. 'Asɩ 'ɔ ‑päälä bɩa 'üün ‑srü 'lɩ 'sɩmɩ ‑moloo ma ‑wa.

1 Korɛɛntënyüü 10:31

'Ii känyrɩ, 'ama jidɛɛ 'aiɛ 'ama 'mla nɩ, dɛɛ o dɛɛ 'a nöa', 'ba nʋ 'imɩ Nyɔsʋaa 'bʋalakʋa 'nyrɩklɩa ‑gʋ.

Jaan 6:23

‑Goli ‑mɩdoo nya sɔ bätälä 'ü 'daraa' Tiberiadë, 'ünya ji ‑plɩɩlɩ Jesu 'trɛɛrɛ käa' Nyɔsʋa ‑bɛ 'ü jia' 'flɔɔ, 'ia ‑gba.

Lukë 24:30

'Ü bä ɩ 'töwlö ‑gälɩ 'ümä dɛɛji ɔ, 'ɔnya dɔrɔ 'flɔɔbö 'wʋ, 'ɔnya 'trɛɛ Nyɔsʋa; 'ɔnya 'böblö 'uun ‑tɩa, 'ɔnya ‑nyɩ 'ümɩ 'uun.

Lukë 22:17

'Ɔnya dɔrɔ ‑köwö 'wʋ, 'ɔ bɩaa' Nyɔsʋa 'tɛtrɛɛkʋ nɩ, 'ɔ ‑nëma: «'Ba blökälɩ, 'ba ‑sie 'uun 'ana ‑tɔrʋpɩɔ.

Matiö 14:19

'Ɔnya ‑gbala nyüü ü 'wawla 'sipi ‑gälɩ 'kä. 'Ɔ dɔrɔa' 'flɔɔbü ‑gböölü nyra ‑srü 'sɔɔlü 'wʋ nɩ, 'ɔnya 'jrara cɛ 'nyü 'kä 'ɔnya 'trɛɛ Nyɔsʋa. 'Ɔ bɩaa' Nyɔsʋaa 'tɛtrɛɛkʋ nɩ, 'ɔnya 'böblö 'flɔɔ nyra ‑srülü ‑tɩa, 'ɔnya ‑nyɩ 'iin 'ɔa 'wʋnyɛrɛnyüü 'ümä 'iin nyüülü 'lɩ ‑päälä.

Matiö 15:35

'Ɔnya ‑gbala nyüülüa 'fɩɔ ü 'wawlakä.

1 Korɛɛntënyüü 14:16

‑Ama nʋ ‑na ‑susu ‑bɛ ‑ama 'bʋala Nyɔsʋa nɩ, nyüülü kʋa' ‑plɩɩ ü poa' 'nyakli nɩ, ‑asɩ 'ünya nʋ ‑bɛ 'ünya 'daa «'Asɩ i bä» le? 'Be 'ünyɩ 'nu wiili ‑paaa' 'wli ‑a ‑o.