Matiö 14:5 - Kuö Dëdrä Jenɛɛsë Rutë

⁵ 'A 'ia ‑gʋ Erɔɔdë 'bata ɔ 'bla Jaan, ‑maa nyüüa ŋalɛ 'bla 'ɔɔn, 'be 'üa 'fɩɔ 'dara Jaan nyɔsʋaamlɩpalanyɔɔ.

Matiö 14:5 Referans Kwoze

Matiö 21:26

‑Maa ama 'daa: ‹Nyüü blɔ kä 'ɔɔn› nɩ, anya 'a nyüüa ‑gbʋʋ 'jä, 'be 'üa 'fɩɔ 'dara Jaan nyɔsʋaamlɩpalanyɔɔ.»

Matiö 11:9

Nyɔɔ 'plɛɛ ‑gbaa 'iin 'a mi 'jä le? Nyɔsʋaamlɩpalanyɔɔ? ‑Yɛɛ, 'amɔ 'n ‑gbala, 'ɔ ‑si 'nɩmɩ nyɔsʋaamlɩpalanyɔɔ 'wʋ.

Akëtë 5:26

'Sʋgɩanyüüa 'cifi nyra 'ɔa nyüü nya mi 'üa 'klɛɛ, ‑maa 'ünyɩ 'iin 'klüsa ‑a nʋ, 'be ŋalɛ 'blaa 'ümɩ nyüü ‑pɩ 'üün 'täkë 'kakla.

Akëtë 4:21

'Ünya ‑flɔɔrɔ 'üün 'nyüa 'mlɩ 'sɔɔwʋ, 'ünya 'cɛrɛ 'üün ‑wälɩ. Wiili kä ‑gʋ 'ümäa' 'üün ‑jie 'lɩ 'pa 'ünyɩ 'jä 'imɩ 'wʋ ‑a, ‑bɛ nyüüa ŋalɛ 'blaa 'üün; 'be nyüüa 'fɩɔ 'bʋala Nyɔsʋaa 'nyrɩ wiili ‑sia' 'ia ‑gʋ.

Lukë 20:6

‑Maa ama 'daa: ‹Nyüü blɔ kä 'ɔɔn› nɩ, nyüüa 'fɩɔ nya amɩ 'täkë 'kaklaa 'kä 'ünya amɩ 'bla, 'be 'ü nɩnɩa Jaan bä nyɔsʋaamlɩpalanyɔɔ.»

Matiö 21:32

'Be Jaanlɔ nɩ, 'klɩgä 'nyʋfɔ 'ɔ ji 'amɩ srara, ‑maa 'anyɩ 'ɔɔn plɛ ‑a toro. ‑Maa dapookälɩpɛrɛnyüü nyra 'tutuŋlëgë toro 'ɔɔn plɛ. 'Amɔlɔ 'jäa' 'ia 'fɩɔlʋ nɩ, 'anyɩ 'cici ‑a 'cici 'amä 'ɔɔn plɛtoro.»