Matiö 13:25 - Kuö Dëdrä Jenɛɛsë Rutë

²⁵ ‑Maa 'taɩn 'lɩ nyüü 'mʋmɔa' nɩ, 'ɔa 'nyüamlɩjraranyɔɔ nya ji, 'ɔnya papla bleeejajulu 'ɔ pla ɩa' a 'mlɩ bʋbɔsipi 'ɔnya mi.

Matiö 13:25 Referans Kwoze

1 Piɛɛrë 5:8

'Ba ‑tre 'ana nyüfë, 'anyɩ 'mʋmɔ; 'be 'ana ‑gbakäklɛnyɔɔ Sataan 'nyɛɛ ‑beere sruku 'kpöö u 'bata nyɔɔlɔ 'umäa' ji.

2 Piɛɛrë 2:1

'Be ‑kätɩsa nɩ, ‑gbagblɛ nyɔsʋaamlɩpalanyüü 'cie nyüüa ‑tɔrʋpɩɔ, 'asɩ ‑gbagblɛ 'kpɩkpɩanyüü 'mä bɩa 'ana ‑tɔrʋpɩɔ bä. ‑Gbagblɛwii 'ümä 'amɩ 'kpɩa, 'ümä ‑gʋ 'amɩ 'käkpa. 'Ünya 'iin nʋ nʋ 'kä 'ünya 'daa 'ünyɩ 'nɩmɩ 'cifilɔ ‑sua' 'üün ‑a jre. 'Asɩ 'ü were 'üa nyüfë ‑sʋɩ 'wʋ sɔsɔ.

Matiö 13:39

'Nyüamlɩjraranyɔɔlɔ plaa' bʋbɔsipi nɩ, Sataan bäsaa; 'ia 'böbökʋlʋ nɩ, 'a 'pläa bɩarafa, nyüülü 'bööa' 'uun nɩ, 'abɩa 'aanjëɩɩ.

'Nyügälɩjawii 12:9

‑Gblɔtrɔ kpakulu, ‑kätɩ trɔɔlʋ 'ü 'daraa' ‑Balʋsusu 'aiɛ Sataan, ɔ ‑trɔɔrɔa' nyüülü kä 'fɩɔ bäa' ‑tʋtʋ ‑gälɩ. 'Ünya be 'uun ‑tʋtʋ ‑gälɩ, 'ɔɔ ‑bɛ 'ɔa 'aanjëɩɩa 'fɩɔ.

Ebröönyüü 12:15

'Ba ‑tre 'ana nyüfë nyɔɔ 'doo ‑pɩ Nyɔsʋaa ‑gbinanakʋ wala, wasäa tigblii ‑pɩ 'ana ‑tɔrʋpɩɔ ‑gaaala, 'i ‑pɩ 'amɩ 'lɩcakla ‑bɛ 'i ‑pɩ nyüü 'kɔkɔmlɛ bʋblɔ.

Matiö 25:5

‑Bɛ ɔ 'tiea' ‑wlɛa' dɛrɩ nɩ, 'mʋmʋ nya 'bla 'üün 'ünya 'mʋmɔ.

Galaatënyüü 2:4

‑Bɛ 'ia 'fɩɔlʋ kʋa' ‑pɩ nɩ, 'a ‑gbagblɛwlajülü palaa' ana ‑tɔrʋpɩɔ, 'üü nʋ 'imɩ. Yrʋsa 'ü prɛ amɩ dɛrɩ, 'ümä 'iin 'jä 'sɩrɩ a ‑kanyɩa' ‑goou bä Jesu 'Kriisë 'lɩ. 'Be 'ü 'bata 'ümä amɩ ‑dɔa ‑goou 'lɩnrörö.

'Nyügälɩjawii 2:20

‑Maa wiili kä ‑gʋ 'mäa' ‑mɩ 'daa nɩ, ‑taa 'ŋlʋʋlɔ 'ü 'daraa' Jesabɛɛlë ɔ 'daraa' 'ɔa nyufa nyɔsʋaamlɩpalaŋlʋʋ, ‑bɛ ‑cɛɛrɛa' ‑wälɩ ɔ ‑trɔɔrɔa' 'na 'jrʋpafɛnyüü nɩ, 'ɔa ‑gʋ 'mä ‑mɩ 'daa. 'Ɔ 'kpɩa 'üün ‑sagbili Nyɔsʋa 'nyɩ 'bataa', 'kä 'ü jö mrɛɛlɛ nyra mlaalü 'ü 'saraa' ‑wäsɩa 'wʋ.

'Nyügälɩjawii 13:14

‑Saragbia tie 'ɛ ma nö ‑bɛ 'ɛ ‑trɔɔrɔ nyüü, ‑bɛ 'ɛmä 'iin ‑kätɩa nɛ mrɛɛlɛa 'klɩ nrörö, 'a 'ia ‑gʋ 'klülü ‑nyrɛɛlɛ 'ɛmɩ. 'Ɛnya ‑gbala nyüü ü ‑pa dɛɛ ɛ ‑beerea' mrɛɛlɛ 'ü nʋa' ‑jɛrɛ 'ü 'kapaa' ‑bɛ ɛ ‑ka bäa' 'lɩ.

Matiö 13:24

Jesu nya ja tapönänä ‑mölöö, 'ɔ nɩnɩa: «Cɛɩɩa 'kamaplä ‑beere 'sɩrɩ nyɔɔ plaa' 'cɩcadii 'ɔa putu 'lɩ.

Matiö 13:26

‑Bleeelɛ ‑gaa' 'ɛnya tʋ, bʋbɔsipi nya ‑ga bɩa.

Matiö 13:27

Putukänyɔɔa 'jrʋpafɛnyüü nya ji 'ɔɔn 'bete: ‹'Kamanyɔɔ, ‑mää 'cɩca papladii ‑nyɩ ɩ ‑na putu 'lɩ pla? ‑Bɛ ‑a 'plɛɛ ‑taa bʋbɔ 'sipili sɔ le?›

Matiö 13:29

'Ɔnya ‑gbala 'üün: ‹'Woo! 'Ama 'dɛdɩɛ bʋbɔsipi nɩ, 'i 'mrɛɛ i 'dɛdɩɛ bɩa ‑bleeelɛ.

Matiö 13:30

'Ba 'cɛrɛ 'iin ‑wälɩ ‑bleeea 'sasataɩn 'mä 'lɩjrä. 'Ɛa 'sasataɩn 'lɩ nɩ, 'nyaa 'jrʋpafɛnyüü ‑gbalaa: 'Ba 'böbö ‑kätɩ bʋbɔsipi 'amä 'iin 'pütö. ‑Maa ‑bleeelɛ nɩ, 'ba ‑teere 'ɛɛn 'na nyikli 'lɩ.› »