Matiö 13:23 - Kuö Dëdrä Jenɛɛsë Rutë

²³ ‑Maa papladiili blöa' 'mʋfa ‑tʋtʋ ‑gälɩ, 'a nyɔɔlɔ poa' nyɔsʋaawii 'nyakli ‑bɛ 'ɔ 'nöa'. 'Ɔɔ ‑beere papladiili kä ‑gö 'döö tʋäa' ‑glʋɩgböö (100), ‑mölöö tʋäa' ‑glʋɩtää (60), ‑bɛ ‑mölöö tʋäa' ‑glʋ ‑bɛ ‑pʋ (30).»

Matiö 13:23 Referans Kwoze

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

Jaan 15:16

‑Mää 'amɔ 'nyɩ 'mɩ 'lɩba, ‑maa 'mɔɔlɔ nɩ, 'mɔɔ 'balɩ 'amɩ 'nya ‑tʋ 'lɩ 'amɩ 'amä tʋ, 'ana tʋtʋdii 'mä ‑wɩara. 'Ia 'taɩn 'lɩ nɩ, dɛɛ 'amäa' Tʋ ‑sɛ 'na 'nyrɩklɩ nɩ, 'ɔmä 'amɩ 'ɛɛn ‑nyɩ.

Matiö 12:33

«Tuu ma 'na 'ua 'bü 'naa; tuua 'bü ma bʋbɔ 'u bʋbɔ, 'be tuua 'bü 'ü nö ‑bɛ 'ü jre 'umɩ.

Matiö 13:8

‑Moloo nya böblö 'mʋfa ‑tʋtʋ 'lɩ; 'unya ‑ga, 'unya tʋ 'mʋfasa. ‑Gö ‑mölöö tʋä 'jajua ‑glʋɩgböö (100), ‑mölöö tʋä 'jajua ‑glʋɩtää (60), ‑bɛ ‑mölöö tʋä 'jaju ‑glʋ 'jaju ‑pʋ (30).

Kolɔɔsënyüü 1:6

'A 'Mʋfagogolä 'tɔa' 'amɩ ‑gba, ‑bɛ 'ää ‑gbaala 'pläa 'fɩɔa 'mlɩ 'kä. 'Ä 'paplagälɩ ‑bɛ 'ä ‑gbagbla 'lɩ 'klɩ kä. 'Asɩ 'i bä bɩa 'ana ‑tɔrʋpɩɔ, 'bala ‑srɩlɩ kä 'mlɩ 'a 'nua' ‑bɛ 'a jrea' Nyɔsʋaa ‑gbinanakʋa 'cɩcasa 'lɩ.

Matiö 3:8

'Ba srara nʋnʋgbili ‑gbalaa' nyüü 'sɩrɩ 'anya 'a ‑balʋ 'pie.

Lukë 13:9

Uma tʋ, 'i 'na, ‑maa uma 'nyɩ tʋ ‑a tʋ nɩ, ‑bɛ ‑mä 'uun 'ka.› »

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

2 Piɛɛrë 3:18

‑Maa 'ba 'bʋala Jesu 'Kriisëa ‑gbinanakʋ 'lɩ 'kä 'a jre 'ɔɔn ‑gböösa, 'ɔɔlɔ bäa' ana 'Pläkänyɔɔ nyra ana 'Lɩmlɩbanyɔɔ. 'Ɔɔ kä 'wliklɩbʋbʋakʋ 'köklesaplɩɩ, 'plɔʋplɔʋ! 'Asɩ i bä.

Kolɔɔsënyüü 1:10

'Ia 'taɩn 'lɩ nɩ, 'a 'mrɛɛ 'amä 'Pläkänyɔɔ 'tʋkä wiia 'fɩɔa 'mlɩ; 'a 'mrɛɛ 'amä 'ɔa 'klʋɩ 'nyɛrɛ. 'Anya 'mʋfagbia 'kaɩn 'kaɩn nʋa ‑beere tuu ‑tʋa', 'kä 'ana nyɔsʋajejrekʋ nya ‑gälɩpapla.

Ebröönyüü 8:10

‑Jää kuölä 'nyraa Israɛɛlëa nyüü 'mäa' 'pa, 'ia jrüülü ma ‑si nɩ; 'mɔɔ 'Pläkänyɔɔ ‑gbala 'amɩ: 'Nyaa 'na ‑dɔ 'üa bobowlia 'mlɩ plaa, 'nyaa 'iin 'üa polu ‑gälɩ ‑jɩjraa, 'kä 'nyaa 'üa Nyɔsʋa bä, 'kä 'ünya 'na ‑glügbö bä.

Ebröönyüü 4:2

'Be a 'nu bɩa 'mʋfagogolä 'wli ‑beere ana tʋɩɩ. ‑Maa 'papawiili 'ü 'nua' 'wli nɩ, 'inyɩ 'üün dɛɛ ‑gba ‑a nʋ, 'be nyüülü 'nua' 'iin 'wli nɩ, 'ünyɩ 'iin nyɔsʋaplɛtorosa ‑a 'kpla.

2 Tɛsalonikënyüü 2:10

Yrʋ nyra ‑gbagblɛ 'kɔkɔmlɛ 'ɔmä nʋ ‑bɛ 'ɔmä nyüülü möa' 'mɔlɔ 'nyʋfɔ 'wʋ 'kpla. 'Be 'ünyɩ 'lɩ 'cɩcasalä 'mäa' 'ü 'lɩmlɩba ‑a ‑wa.

1 Tɛsalonikënyüü 4:1

'Na ‑wlajü 'amɩ, 'a 'kpɩara amɩ ‑gba 'sɩrɩ 'amäa' 'nyɛ ‑bɛ 'amäa' Nyɔsʋa 'tʋkä; 'ii 'a nö ɩ ‑piii. ‑Maa amɔ 'betre 'amɩ 'iin 'lɩ: a bibie 'amɩ, 'sɩrɩ 'a nyra 'Pläkänyɔɔ Jesu bäa' 'doo nɩ, 'ia 'nyrɩklɩ, 'ba 'palɩ 'klü 'ba nʋ 'iin a 'doo.

Filipënyüü 4:17

‑Mää 'sɩrɩ 'n 'bataa' 'crɛrɛdii ‑a, ‑maa dɛɛlɛ 'n 'bataa', 'iibä 'jrʋpalä 'a ‑fɛɛɛa' nɩ, 'ba 'järä 'lɩ ‑gälɩa 'doo.

2 Korɛɛntënyüü 9:10

Nyɔsʋalɔ ‑nyɛɛa' papladii paplanyɔɔ ‑bɛ 'ɔ ‑nyɛɛa' 'ɔɔn 'klɩfini jijrɛ nɩ, 'ɔnya 'amɩ papladii ‑nyɩa 'kä 'ɔnya 'ia tʋtʋdii ‑sümlö, ‑bɛ 'ɔmä 'ana plɛnanakʋ ‑gälɩ 'papla.

Akëtë 17:11

'Ia nyüüa plɛ 'na 'ünya ‑si juifëlü bäa' Tɛsalonikëbätä 'wʋ, 'üa nyɔsʋaawii nya fumö ‑gböösa. ‑Srɩ o ‑srɩ 'ü tɩtrɛ nyɔsʋaapɔɔkʋa 'mlɩ 'kä 'ümä 'iin 'jä ima 'daa wiili 'ü ‑gbalaa' 'üün ma bä 'cɩcasa.

Akëtë 16:14

'Dooa 'nyrɩ bä Lidii, Tiratiirëbätä 'ɔ sɔ. 'Ɔ 'paa ‑fɔflɔɔ deili kä 'peru 'bʋaa 'peru. 'Ɔ ‑träärälɩ Nyɔsʋa. 'Nyakli 'ɔ po ɩ, 'Pläkänyɔɔ nya jie 'ɔa bobowli 'klɩ 'ɔmä wiili 'Pɔɔlë 'saalɩ 'nyaklipo 'cɩcasa.

Jaan 8:47

Nyɔɔ bäa' Nyɔsʋa 'jʋ nɩ, Nyɔsʋaa mlɩa wii 'ɔ ponyakli. 'Anyɩ Nyɔsʋaa 'jü ‑a bä, 'ii känyrɩ 'a 'nɩ po 'ɔa mlɩa wii 'nyakli ‑a.»

Lukë 8:15

'Mʋfatʋtʋlʋ kä ‑gälɩ 'jaju böblöa' nɩ, 'a ‑mülü nʋa' 'üa plɛ ü 'kplaa' nyɔsʋaawii 'cɩcasa, 'ünyɩ ‑trɔa' 'iin, ‑bɛ 'ü tʋäa' ‑bakää ‑sʋɩ bälɩ.

Marëkë 10:15

'Cɩcasa 'n ‑gbala 'amɩ, nyɔɔ o nyɔɔ ‑nëmäa' 'jüjiea 'saa Nyɔsʋaa 'kamaplä ‑a 'kʋɛɛ nɩ, 'ɔ ‑nëmä ‑srɩɩ 'äa 'mlɩ ‑a 'jra.»

Marëkë 4:20

‑Maa i böblöa' 'mʋfa ‑tʋtʋ ‑gälɩ nɩ, 'a nyüülü 'nöa' nyɔsʋaawii 'wli ‑bɛ 'ü toroa' 'iin plɛ. ‑Gö 'döö tʋä ‑glʋ ‑bɛ ‑pʋ (30), ‑mölöö tʋä ‑glʋɩtää (60) ‑bɛ ‑mölöö tʋä ‑glʋɩgböö (100).»

Matiö 3:10

‑Bɛ ‑tɛ 'a 'nɩmɩ tiia tigblii 'lɩ 'pala. Tuulu 'nyɩ tʋa' 'cɩca 'bü nɩ, 'unya 'kalaa 'kä 'unya kapu 'lɩ bere.

Ebröönyüü 6:7

'Nʋŋlʋ 'a 'jääa' 'wʋ, uma dara ‑tʋtʋ ‑gälɩ nɩ, 'üa papladii 'mä tʋ, Nyɔsʋa 'ɔɔ 'paa 'uun 'nɩ.

Lukë 8:8

'Jaju ‑moloo nya blö 'mʋfa ‑tʋtʋ 'lɩ; 'u 'bʋaa' nɩ, 'unya tʋ, 'u tʋ 'jajua ‑glʋɩgböö (100).» 'Ɔ bɩaa' wii 'papakʋ nɩ, 'ɔnya ‑gbolomlɩ 'ɔ ‑nëma: «Nyɔɔlɔ käa' 'nununyakli, ɔ 'nu!»