Matiö 13:22 - Kuö Dëdrä Jenɛɛsë Rutë

²² Papladiili blöa' nänëa mlɩ nɩ, 'a nyɔɔlɔ 'nööa' nyɔsʋaawii 'wli, ‑maa 'ɔa plɛ ‑ka bä ‑tʋtʋ ‑gälɩa dii dɛrɩ, 'ɔa 'nyü ‑ka fɔlɔa' 'bɩɔ dɛrɩ 'fʋflɛsa. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.

Matiö 13:22 Referans Kwoze

1 Timotee 6:17

‑Gbala 'bɩɔjinyüülü bäa' ‑taa 'plälä kʋa' ‑pɩa 'mlɩ nɩ, 'ünyɩ ‑gbalɩ; 'ünyɩ 'pie 'üa plɛ ‑taa 'bɩɔlʋ kʋa' ‑pɩ unyɩ ‑wlɛa' 'lɩ ‑gälɩ. ‑Gbala 'üün ü 'pie 'üa plɛ 'Lɩbä Nyɔsʋa ‑gälɩ, 'ɔɔ ‑nyɛɛ amɩ diia 'fɩɔ, 'kä 'ɔ ‑sööö 'lɩ ‑gba dɔrʋ 'mä amɩ 'bla.

Lukë 8:14

Nänëa mlɩa nulu nɩ, 'a ‑mülü üma 'nua' nyɔsʋaawii 'wli, ‑bɛ ü kä nyɔsʋaawii 'nyɩ mia' 'klɔɔtrʋ. Bobokʋ, 'bɩɔ nyra diili kä 'fɩɔ bäa' ‑pɩ ‑tʋtʋ ‑gälɩ fa 'üa plɛ. 'Ia ‑gʋ 'üa tʋtʋdii 'nyɩ ‑jrɛjrɛ ‑a.

Lukë 12:15

'Ɔnya ‑gbala 'üün: «'Ba ‑tre 'ana nyüfë! 'A 'nɩ kä dɛɛnyü! ‑Bakää nyɔɔ 'nyɩ ji 'bɩɔ, ‑mää 'ɔa käkädii 'nyɩ 'ɔa 'klä ‑gba kälä.»

2 Timotee 4:10

'be Demasë 'a 'mɩ ‑wälɩ 'pala 'pläa ‑wawakʋa ‑gʋ, 'ɔa Tɛsalonikëbätä mi. Klesɛɛsë mi Galasiia 'bre, Titë mi Damasëa 'bre.

Matiö 13:7

‑Moloo böblö nänë 'lɩ. Nänë ‑gaa' 'änya kakla 'uun ‑fʋflʋ 'klɩ.

Lukë 12:21

Jesu nya ‑gbala 'üün: «Nyɔɔlɔ kä 'mʋgbɛ 'paplaa' käkädii ‑gba ‑bɛ ɔnyɩa' Nyɔsʋaa ‑nyɛɛ dɛɛ kälä nɩ, ‑jää wiili jräa' 'ɔɔn ‑gälɩ.»

Lukë 21:34

'Ba ‑tre 'ana nyüfë jijria 'wlisierekʋ 'lɩ, 'nʋa 'mamlakʋ 'lɩ, ‑tʋtʋ ‑gälɩa wiia bobokʋ 'nyɩ 'si 'ana 'wlia 'mlɩ, 'a ‑pɩ 'ia 'mlɩ kʋ ‑bɛ 'ia ‑srɩlɩ ‑pɩ 'amɩ ‑wälɩfu,

Akëtë 8:18

Simɔɔ jrea' 'saa 'Nyüna ‑Susu 'cere 'üün 'lɩ 'taɩn 'lɩ apotrëlü 'pepea' 'üün klʋgbë ‑gälɩ nɩ, 'ɔnya ja mölii 'ɔmä 'üün ‑nyɩ,

Matiö 12:32

Nyɔɔ o nyɔɔ 'mäa' Nyɔɔa 'Jʋa ‑gʋ bʋbɔwii 'pa nɩ, 'ɔa ‑balʋ bä ceresa. ‑Maa nyɔɔ o nyɔɔ nëmäa' 'Nyüna ‑Susua bʋbɔwii 'pa nɩ, 'ia ‑balʋlʋ ‑nëmä 'ɔmɩ ‑a cere 'plɔʋplɔʋ ‑taa 'pläläa 'mlɩ, nyra 'plälä jöa' 'äa 'mlɩ.

Matiö 13:39

'Nyüamlɩjraranyɔɔlɔ plaa' bʋbɔsipi nɩ, Sataan bäsaa; 'ia 'böbökʋlʋ nɩ, 'a 'pläa bɩarafa, nyüülü 'bööa' 'uun nɩ, 'abɩa 'aanjëɩɩ.

Matiö 13:40

'Sɩrɩ 'ü 'bütöa' bʋbɔsipi ‑bɛ 'ü bea' 'iin kapu 'lɩ nɩ, 'asɩ 'pläa bɩarafa 'mä ‑srɩɩ bä.

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

1 Korɛɛntënyüü 1:20

‑A 'jää 'lɩglanyɔɔ le? ‑A 'jää ‑dɔkpɩanyɔɔ le? ‑Bɛ 'plälä kʋa' ‑pɩa dɛtɛnyɔɔ le? Nyɔsʋa 'cicri 'pläa 'lɩgaglakʋ mlüü 'lɩ.

1 Korɛɛntënyüü 2:6

‑Bɛ wiili a 'kpɩaa' nyüülü ‑jrɛa' 'üa ‑tɔrʋpɩɔ nɩ, 'lɩgaglakʋ bäsaa. ‑Mää nyɔɔa në 'lɩgaglakʋ 'nyɩ 'saabä, ‑mää nyüülü 'kamaa' 'blɩlɩ kʋa' ‑pɩ ü nëmäa' ‑pɩ jä nɩ, ‑mää 'üa 'lɩgaglakʋ 'nyɩ 'saabä.

1 Korɛɛntënyüü 2:8

'Kamanyɔɔ 'doo 'nyɩ ‑taa ‑tʋtʋlʋa ‑gälɩ ‑a bä ɔ jrea' ‑taa 'lɩgaglakʋlʋ. 'Üma jre ɩ 'imɩ nɩ, 'ü ‑nëmä 'Pläkänyɔɔlɔ 'sia' 'wliklɩbʋabʋakʋ 'klɩ krʋa ‑gälɩ ‑a kolo.

1 Korɛɛntënyüü 3:18

Nyɔɔ 'nyɩ ‑trɔɔrɔ 'ɔa nyufa. Nyɔɔ ma bä 'ana ‑tɔrʋpɩɔ ‑bɛ ɔma bobo 'ɔ ‑glalɩ ‑beere nyüülü bäa' ‑taa ‑tʋtʋlʋa ‑gälɩ nɩ, ɔ pa mlüü ‑bɛ 'ɔmä 'tasɩrɩ 'lɩgla!

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

Galaatënyüü 1:4

'Kriisëlɔ 'saa' 'ɔa 'klä ana ‑balʋa ‑gʋ, 'ɔmä amɩ ‑taa bʋbɔplälä kʋa' ‑pɩa 'klü mlɩ 'ba, 'sɩrɩ ana Nyɔsʋalɔ bäa' Tʋ 'bataa'.

Ɛfɛsënyüü 2:2

'Ana nʋnʋgbi nyra ‑taa 'plälä kʋa' ‑pɩa nyüü ma bäa' dɛɛ 'dee, ‑bɛ 'a ma prɛ cɛ nyra ‑tʋtʋa ‑tɔrʋpɩɔa 'klüa 'cifi dɛrɩ; 'a 'ia ‑susulu 'uu ‑fɛɛɛrɛ nyüülü 'nyɩ ‑trääräa' 'lɩ Nyɔsʋaa 'kläa 'mlɩ 'jrʋpa.