Matiö 13:11 - Kuö Dëdrä Jenɛɛsë Rutë

¹¹ 'Ɔ ‑nëma: «Nyɔsʋa ‑nyɩ 'amɩ 'klü 'amä 'ɔa cɛɩɩa 'kamapläa 'mlɩa ‑sisiewii jre; ‑maa 'ɔnyɩ 'iin nyüü ‑mülü ‑a ‑nyɩ.

Matiö 13:11 Referans Kwoze

1 Korɛɛntënyüü 2:14

‑Maa 'bɔɔwlɔɔnyɔɔ 'nyɩ 'lɩ ‑a bɩa ɔ 'jä diili sɔa' Nysɔsʋaa ‑Susu kälɩ, 'be mlüüpawii 'ɔ 'dara 'iin. 'Ɔnyɩ 'lɩ ‑a bɩa 'ɔmä 'iin 'wli 'nu, 'be Nyɔsʋaa ‑Susua 'doo kälɩ nyɔɔ kä 'ɔmä ‑srörö.

Matiö 19:11

'Ɔnya ‑gbala 'üün: «‑Mää nyüüa 'fɩɔ ‑nëmä ‑taa wiili 'klɩnyiere, ima 'nyɩ nyüülü kä 'doo Nyɔsʋa ‑nyɩa' 'ɔa 'klü ‑a bä.

Jaakë 1:5

‑Maa 'lɩgaglakʋ ma 'nyɩ 'ana ‑tɔrʋpɩɔa nyɔɔ 'lɩ ‑a bä nɩ, ɔ ‑sɛ 'iin Nyɔsʋa, 'ɔnya 'ɔmɩ 'iin ‑nyɩa; 'be Nyɔsʋa ‑nyɛɛɛ nyüüa 'fɩɔ 'mʋfasa nyra dɔrʋsa.

1 Jaan 2:27

‑Maa 'amɔlɔ 'ɔ 'baa' 'lɩ, ‑bɛ 'ɔ ‑nyɩa' 'Nyüna ‑Susu nɩ, 'u bä 'amɩ 'lɩ. 'A ‑kanyɩ 'kpɩkpɩakʋ ‑a kä, 'be ‑Susulu 'ɔ ‑nyɩa' 'amɩ nɩ, 'u 'kpɩa 'amɩ diia 'fɩɔ. 'U 'salɩ 'cɩcasa, 'u 'nɩ kä ‑gbagblɛ ‑a. 'Sɩrɩ 'u 'kpɩaa' 'amɩ nɩ, 'asɩ 'ba kʋ 'ɔɔn 'lɩ.

1 Jaan 2:20

'Amɔlɔ nɩ, nyɔɔlɔ ‑balʋ 'nyɩa' 'lɩbä 'balɩ 'amɩ 'ɔ ‑nyɩ 'amɩ 'Nyüna ‑Susu, a jre wiia 'fɩɔ.

Matiö 16:17

Jesu nya ‑gbala 'ɔɔn ‑maa: «Simɔɔ, Jonasëa 'Jʋ, abɩa dɔrʋ 'bla ‑mɩ, 'be ‑mää nyɔɔ 'nyɩ ‑mɩ 'iin mlɩ 'pa, ‑maa 'na Tʋlɔ bäa' cɛlɩ, 'ɔɔ 'pa ‑mɩ 'iin mlɩ.

Ɛfɛsënyüü 1:9

'Ɔ srara amɩ dɛɛlɛ ‑sisie ɩa' ɛ 'ɔmä ɩa' nʋ; dɛɛlɛ nɩ, 'ɔ 'a kä 'nyie 'ɔa ‑gbinanakʋ 'lɩ 'ɔmä 'ɛɛn nʋ 'Kriisë 'lɩ.

Ɛfɛsënyüü 5:32

‑Sarawiili bäa' wiili 'n ‑gbalaa' ‑plɩɩ 'amɩ a dɛrɩ nɩ, 'i 'bʋa ‑gböösa: 'iibä 'Kriisë nyra 'Cɛcɩa ‑gä.

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

Lukë 8:10

'Ɔ ‑nëma: «Nyɔsʋa ‑nyɩ 'amɩ 'klü 'amä Nyɔsʋaa 'kamapläa 'mlɩa wii jre; ‑maa ‑mülü nɩ, tapönänë 'n 'pala 'üün 'klɩ, 'kä: Üma ‑pʋpɔ, 'ü ‑pɩ dɛɛ 'wʋjä 'plɔʋ, 'aiɛ üma ponyakli 'ü ‑pɩ 'nu 'plɔʋ .

1 Korɛɛntënyüü 15:51

‑Jää wii ‑sisiea' 'mäa' 'amɩ ‑gbala: ana 'fɩɔ ‑nëmä jä ‑a jä. ‑Maa ana 'fɩɔ nya 'cicria,

1 Korɛɛntënyüü 2:7

Nyɔsʋaa 'lɩgaglakʋlʋ 'ɔ ‑sisre käa' nyüü ‑gba, u 'ünyɩa' 'wli 'nu, 'uu a 'kpɩa 'üün. Nyɔsʋa tɛrɛ kä amɩ 'ia wiijejrekʋ 'fɩɔwʋ 'ɔnya 'mä 'plä nʋ ana 'bʋalakʋa ‑gʋ.

Jaan 6:65

'Ɔnya ‑nëma 'sɔɔwʋ: «'A 'ia ‑gʋ 'n ‑gbala ɩ 'amɩ ‑maa, nyɔɔ Tʋ 'nyɩa' 'mɩ ‑gba 'kʋɛɛrɛ, 'ɔa 'mʋgbɛ 'nyɩ 'lɩ ‑a bɩa ɔ ‑mɛ 'mɩ ‑gälɩ.»

1 Timotee 3:9

'Ü kä 'ümä 'üa 'cɩca bobowli nʋ, 'ümä 'cɩcasalä ‑sisrea' nyɔsʋaplɛtorokʋa 'mlɩ 'kpla 'mʋfasa.

1 Korɛɛntënyüü 13:2

‑Bɛ ama 'palanyɔsʋamlɩ, ama jre wiilia 'fɩɔ ‑sisiea', ama jre diia 'fɩɔ, ama 'klaa nyɔsʋaplɛ kpakilɛ 'mrɛɛa' ɛmäa' 'dʋgbë 'kou 'sa, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'nyɩ dɛɛ ‑a bä nyrɩkɩnyrɩkɩ.

Marëkë 4:11

'Ɔnya ‑gbala 'üün: «'Amɔlɔ nɩ, 'ana 'nyü ‑jieroklɩ, 'a jre Nyɔsʋaa 'kamapläa wiili ‑sisiea'. ‑Maa nyüü ‑mülü 'nyɩ 'nyɛrɛa' 'mɩ ‑gba nɩ, wiili kä 'fɩɔ 'n 'paaa', tapönänë 'n 'pala 'üün 'klɩ,

Kolɔɔsënyüü 2:2

'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

Ɛfɛsënyüü 6:19

'Ba bibie bɩa 'na 'wli 'lɩ, Nyɔsʋa 'mä 'mɩ wii mlɩ 'pa 'kä ama 'salɩ 'Mʋfagogoa 'mlɩa wiili ‑sisiea' nɩ, ŋalɛ ‑pɩ 'mɩ 'bla.

1 Korɛɛntënyüü 4:7

Nyɔɔ 'plɛɛ ‑gbala 'amɩ ‑maa 'a ‑si ‑mölöö 'wʋ le? Dɛplɛɛ Nyɔsʋa 'nyɩ ‑mɩ ‑nyɩ ‑bɛ ‑klaaa le? ‑Bɛ Nyɔsʋa ma ‑nyɩ 'amɩ 'ɛɛn nɩ, dɛplɛɛ kä ‑gʋ 'a ‑gbaaalɩ ‑beere ‑mää ‑nyɩnyɩdɛɛ ‑a le?

1 Korɛɛntënyüü 4:1

'Ii känyrɩ 'ba 'jä amɩ ‑beere 'Kriisëa 'jrʋpafɛnyüü nyra nyüülü käläa' Nyɔsʋaa ‑sisiewiia wii ‑gbaa 'papakʋ.

Jaan 7:17

Nyɔɔlɔ 'bataa' Nyɔsʋaa mlɩa wiia 'lɩträäräkʋ nya 'iin jrea 'na 'kpɩkpɩakʋ ma sɔ Nyɔsʋaa ‑nyɛɛ, 'aiɛ ima 'daa 'na 'mʋgbɛa bobowli.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

Ɛfɛsënyüü 1:18

ɔ ‑jie 'ana bobowli 'klɩ, 'amä diili 'a 'piea' plɛ ‑gälɩ jre ‑bɛ 'amä wiili 'lɩ 'ɔ werea' 'amɩ jre. 'Amä 'nanabɩɔlʋ 'ɔ ‑tʋʋäa' ‑wälɩ 'nyünanyüüa ‑gʋ nɩ, 'amä 'uun jre.

Akëtë 16:14

'Dooa 'nyrɩ bä Lidii, Tiratiirëbätä 'ɔ sɔ. 'Ɔ 'paa ‑fɔflɔɔ deili kä 'peru 'bʋaa 'peru. 'Ɔ ‑träärälɩ Nyɔsʋa. 'Nyakli 'ɔ po ɩ, 'Pläkänyɔɔ nya jie 'ɔa bobowli 'klɩ 'ɔmä wiili 'Pɔɔlë 'saalɩ 'nyaklipo 'cɩcasa.

Matiö 13:10

'Ɔa 'wʋnyɛrɛnyüü nya jijrö 'ɔɔn ‑gba, 'ünya 'bete 'ɔɔn: «Wii 'plɛɛ kä ‑gʋ ‑paalaa' nyüü tapönänë 'klɩ le?»

Matiö 20:23

'Ɔnya ‑gbala 'üün: «'Kasa 'anya 'na ‑köwölä 'mlaa, 'sɩrɩ 'nëmäa' ‑sʋɩa 'nɩwlipala 'kä 'anya 'sa 'nɩwlipalaa; ‑maa wiili bäa' 'na 'dupa 'lɩ nyra 'na kʋmla 'lɩa kʋkʋkʋ nɩ, 'inyɩ 'mɩ ‑gba ‑a kälä, 'na Tʋ 'ɔɔ ‑tʋ ‑plɩɩ kʋfëlë nyüü ‑mölööa ‑gʋ.»

Marëkë 10:40

‑maa wiili bäa' 'na 'dupa 'lɩ nyra 'na kʋmla 'lɩa kʋkʋkʋ nɩ, 'inyɩ 'mɩ ‑gba ‑a kälä. ‑Maa nyüülü kä ‑gʋ kʋfëlë kʋa' ‑plɩɩ 'üü kä 'üün.»

Rɔmënyüü 11:25

'Na ‑wlajü 'amɩ, 'n 'bata 'ba jre wiili ‑sisiea' 'a ‑pɩ bobo ‑maa 'amɔ jre wii: 'iibä Israɛɛlëa 'pɛ 'dee 'bʋala plɛ 'kä nyüülü Nyɔsʋa 'bataa' ünyɩa' juifë bä 'üa 'fɩɔ nya 'ɔa ‑nyɛɛ pa.