Matiö 12:18 - Kuö Dëdrä Jenɛɛsë Rutë

¹⁸ ‑Jää 'na 'jrʋpafɛnyɔɔlɔ 'n 'baa' 'lɩ, 'na ‑wawanyɔɔ. 'Ɔɔ kä 'mɩ tʋ ‑gböösa. 'Ɔɔ ‑gälɩ 'mä 'na ‑Susu 'cere, 'kä 'ɔnya 'pläa 'fɩɔ 'klɩgägäkʋa ‑gogo 'sa.

Matiö 12:18 Referans Kwoze

Lukë 4:18

'Pläkänyɔɔa ‑Susu bä 'mɩ ‑gälɩ, 'ɔnya 'balɩ 'mɩ 'mä 'pʋablanyüü 'Mʋfagogo 'sa. 'Ɔ blɔ 'mɩ 'mä nyüülü ‑kanyɩa' plɛtorofa kä plɛlɩpa ; 'mä ‑jienyüü ‑gbala 'sɩrɩ 'ü ‑kanyɩa' ‑jienyüü bä, ‑bɛ 'mä 'nɔnɔnyüü ‑gbala, 'ü 'mrɛɛ 'ü 'jäkä, 'mä nyüülü 'jääa' ‑sʋɩ, ‑sʋɩ 'lɩ 'ba .

Akëtë 10:38

'A jre 'iin 'sɩrɩ Nyɔsʋa ‑tʋa' 'Nyüna ‑Susu nyra 'klü Nasarɛɛtënyɔɔ Jesu ‑gälɩ, ‑bɛ 'ɔ ‑nyɩa' 'ɔɔn 'klü, 'sɩrɩ 'ɔ ‑sröröa' ‑tʋtʋa 'fɩɔ ‑gälɩ, 'ɔ nöa' 'mʋfagbi ‑bɛ 'ɔ ‑futoa' nyüülü kä 'fɩɔ ma bäa' Sataan a ‑goou; 'be Nyɔsʋa bä kä 'ɔɔn dɛrɩ.

Jaan 3:34

'Be nyɔɔ Nyɔsʋa blɔa' nɩ, Nyɔsʋaa mlɩa wii 'ɔ 'paa, Nyɔsʋa 'nyɩ nyaka 'ɔa ‑Susua 'kä 'ɔ 'cere 'ɔmɩ 'uun ‑gälɩ.

1 Piɛɛrë 2:4

'Ba jijrö 'Pläkänyɔɔ ‑gba 'ɔɔ bä 'lɩbä 'täkälä nyüü bea' 'klʋɛɛ. ‑Maa Nyɔsʋa 'ba 'ɔɔn 'lɩ 'ɔnya kä 'peru Nyɔsʋaa 'klɔɔtrʋ.

2 Piɛɛrë 1:17

'Be ana Tʋ Nyɔsʋa ‑nyɩ 'ɔɔn 'nyrɩbʋalakʋ nyra 'wliklɩbʋakʋ, 'taɩn 'lɩ 'papawii sɔa' 'Wʋsi 'Bʋalakʋa ‑nyɛɛ ‑bɛ 'i 'daaa': «'Ɔ kʋa' ‑pɩ, 'ɔɔ bä 'na plɛ ‑gälɩa 'Jʋ, 'ɔɔ 'lɩ 'n ‑tʋ 'na dɔrʋa 'fɩɔ.»

Kolɔɔsënyüü 1:13

'Ɔ 'ba amɩ 'jöjrüükpüa 'klü mlɩ, 'ɔnya fa amɩ 'ɔa ‑Wawa 'Jʋa 'Kamapläa 'mlɩ.

Kolɔɔsënyüü 1:1

'Mɔɔ 'Pɔɔlë, ɔ bäa' Jesu 'Kriisëa apotrëlɔ Nyɔsʋa wea' 'sɩrɩ 'ɔ ‑waa' nɩ, 'mɔɔ ‑bɛ ‑wlajʋlɔ 'ü 'daraa' Timotee,

Ɛfɛsënyüü 1:6

'Ɔ nʋ 'imɩ amä 'ɔɔn 'lɩbrɛrɛ 'ɔa ‑gbinanakʋa 'wlibʋabʋakʋa ‑gʋ, u 'ɔ ‑sröröa' 'ɔa ‑wawajʋ kälɩ ‑bɛ 'ɔ ‑nyɩa' amɩ.

Akëtë 14:27

'Ü 'tɔa' nɩ, 'ünya 'papla 'cɛcɩnyüü ‑gba, 'ünya ‑gbala 'üün wiili kä 'fɩɔ Nyɔsʋa sröröa' 'üün kälɩ 'ɔ nʋa', nyra 'sɩrɩ 'ɔ ‑fɛa' nyüülü 'nyɩa' juifë bäa plɛ ‑gba ‑bɛ 'ü toroa' 'ɔɔn plɛ.

Akëtë 11:18

'Ü 'nua' wiili Piɛɛrë 'paa' 'wli nɩ, 'ünya trarakä. 'Ünya 'bʋala Nyɔsʋa; 'ü ‑nëma: «‑Ii! Nyɔsʋa ‑nyɩ bɩa nyüülü 'nyɩa' juifë bä 'nyʋfɔ 'ümä 'lɩ 'üa ‑balʋ ‑gälɩtoro ‑bɛ 'ümä 'cɩca 'klä 'jä!»

Lukë 23:35

‑Bɛ nyüü 'nyüglö 'ü tɛ tɛ 'üün 'klɩ. 'Kamanyüü nyra nyüü ‑mölöö srörö 'ɔɔn ‑bɛ 'ü nö: «'Ɔ 'pʋɔ nyüü ‑mölöö; ɔma bä 'Kriisëlɔ Nyɔsʋa 'baa' 'lɩ nɩ, 'kä 'ɔ 'baalɩ 'ɔa nyufa mlɩ 'la!»

Lukë 9:35

Mlɩa wii nya ja cɛlɩ, 'i ‑nëma: «'Na plɛ ‑gälɩa 'Jʋ kʋ ‑pɩ: 'ba po 'ɔɔn 'nyakli!»

Lukë 3:22

'Nyüna ‑Susu nya 'cere 'ɔɔn ‑gälɩ ‑beere ‑sögö. Mlɩa wii nya ja cɛa mlɩ: «‑Mɔ bä 'na plɛ ‑gälɩa 'Jʋ, ‑mɔ bä 'na dɔrʋ ‑gböösa.»

Marëkë 9:7

‑Gbru nya ‑gblɔɔ 'üün ‑gälɩ 'kä; mlɩa wii nya ja cɛlɩ: «'Na plɛ ‑gälɩa 'Jʋ kʋ ‑pɩ: 'ba po 'ɔɔn 'nyakli!»

Marëkë 1:11

Mlɩa wii nya ja cɛa mlɩ: «‑Mɔ bä 'na plɛ ‑gälɩa 'Jʋ, ‑mɔ bä 'na dɔrʋ ‑gböösa.»

Matiö 17:5

'Ɔ ‑ka 'paa wii ‑bɛ pöplö ‑gbru ‑gblɔɔ 'üün ‑gälɩ 'kä, mlɩa wii nya ja ‑gbrulua 'mlɩ 'i ‑nëma: «'Na plɛ ‑gälɩa 'Jʋ kʋ ‑pɩ, 'ɔɔ 'lɩ 'n ‑tʋ 'na dɔrʋa 'fɩɔ. 'Ba po 'ɔɔn 'nyakli!»

Matiö 12:17

'Kä wiili nyɔsʋaamlɩpalanyɔɔ Esaii ‑gba käa' 'mä nrörö; 'ɔ nɩnɩa kä: