Matiö 11:7 - Kuö Dëdrä Jenɛɛsë Rutë

⁷ 'A mö nyüülü mö ɩ, ‑bɛ Jesu 'paa Jaan a ‑gä ‑jria 'klɩ: «Dɛplɛɛ 'a mi ‑aaga 'lɩ 'järä le, 'kugbasugö ‑fʋflʋ 'dögöa' 'kä?

Matiö 11:7 Referans Kwoze

Jaakë 1:6

‑Maa ɔ nʋ nyɔsʋaaplɛ ‑bɛ ɔ ‑sɛ 'imɩ, 'ɔa plɛ 'nyɩ ‑pi 'lɩ 'klɩ. Nyɔɔlɔ kä plɛ ‑piiea' 'lɩ 'klɩ nɩ, 'ɔ ‑beere 'sɩrɩ ‑fʋflʋ dɔrɔa' 'tanie 'lɩa dakë 'wʋ, ‑bɛ 'u faa' 'üün ‑plɩɩlɩ 'u ‑waa'.

Jaan 5:35

Jaan ‑beere kä 'napɛlɛ 'ü ‑gölöa', ɛ ŋʋaa'. 'Anya nʋ 'ɛa dɔrʋ 'taɩn jie ‑a 'mlɩ.

Ɛfɛsënyüü 4:14

'Ia 'taɩn 'lɩ, a ‑ka ‑nëmä 'jü ‑a bä. A ‑ka ‑nëmä ‑beere 'sɩrɩ 'taniea 'nɩdakë faa' ‑gɔlʋ ‑a. ‑Gbagblɛnyüülüa 'kpɩkpɩakʋ ‑ka ‑nëmä amɩ 'lɩklɩ ‑a ‑piie. 'Ü ‑ka ‑nëmä amɩ ‑gbagblɛ ‑a 'sara 'ümä amɩ ‑trɔɔrɔ.

Jenɛɛsë 49:4

‑Beere 'puplunɩ, ‑ka ‑nëmä ‑kätɩjʋ ‑a bä; ‑jraa ‑na tʋa ‑pɔkɩ ‑gälɩ nya 'pi 'lɩ, ‑nya pla 'na ‑pɔkɩ ‑fre 'lɩ, ‑pia' 'lɩ.

Lukë 8:18

'Ii känyrɩ 'ba ‑tre 'sɩrɩ 'a poa' nyɔsʋaawii 'nyakli; 'be nyɔɔlɔ 'klaaa' diijie, Nyɔsʋa nya 'iin 'wlibɩaa. ‑Maa nyɔɔlɔ 'nyɩa' dɛɛ 'klaa nɩ, 'ɔnya 'ɔɔn 'nɩmɩ wiili 'ɔ boboa' 'ɔ 'klaaa' kälɩ 'baa.»

Matiö 21:25

‑A 'plɛɛ Jaan a nyüüa 'nɩwlipajrʋpa sɔrɔ le? Cɛlɩ ‑maa nyüü kälɩ? 'Üa 'kpɔa ‑tɔrʋpɩɔ 'ü 'pawii ɔ: Ama 'daa: ‹Nyɔsʋa blɔ kä 'ɔɔn›, 'ɔnya 'daa: ‹‑Bɛ dɛplɛɛ kä ‑gʋ 'anyɩ wiili Jaan 'saalɩ wiidara le?›

Matiö 3:5

Jerusalɛɛmëa nyüü, Judeea ‑tʋtʋ ‑gälɩ nyra Jurëdɛɛn a 'nie ‑gba nyüüa 'fɩɔ ma mö 'ɔa 'pɛ 'lɩ.

Jaan 1:38

Jesu ‑siea' kälɩ ‑bɛ 'ɔ 'jäa' 'üün nɩ, 'ɔnya 'bete 'üün: «Dɛplɛɛ 'a 'bata le?» 'Ünya 'bete 'ɔɔn: «Rabii, ‑a 'plɛɛ kʋ le?» Rabiia ‑gbaa bä «'Kpɩkpɩanyɔɔ».

Matiö 11:8

‑Bɛ dɛplɛɛ 'a mi 'jä le? Nyɔɔ bälɩ 'ɔ 'sroo 'mʋfakoti, 'ɔɔ 'a mi 'jä? ‑Bɛ nyüülü 'srooa' 'mʋfakoti nɩ, 'kɩɩɩa nyüköli 'ü kɔkɔ.

Matiö 12:20

'Ɔ ‑nëmä 'kugbasulu 'kpria' 'lɩ ‑a 'kata, 'ɔ ‑nëmä bɩa 'napɛlɛ nyaa' 'nyrɔlɔkʋ bɩa ‑a 'nyrɔlɔ. 'Asɩ 'ɔnya nʋ nʋ 'kä 'klɩgägäkʋ nya 'wʋsi ‑gböösa.