Matiö 11:6 - Kuö Dëdrä Jenɛɛsë Rutë

⁶ Abɩa dɔrʋ 'bla nyɔɔlɔ 'nyɩ blöa' ‑balʋ 'lɩ 'na 'nyrɩa ‑gʋ!› »

Matiö 11:6 Referans Kwoze

1 Korɛɛntënyüü 2:14

‑Maa 'bɔɔwlɔɔnyɔɔ 'nyɩ 'lɩ ‑a bɩa ɔ 'jä diili sɔa' Nysɔsʋaa ‑Susu kälɩ, 'be mlüüpawii 'ɔ 'dara 'iin. 'Ɔnyɩ 'lɩ ‑a bɩa 'ɔmä 'iin 'wli 'nu, 'be Nyɔsʋaa ‑Susua 'doo kälɩ nyɔɔ kä 'ɔmä ‑srörö.

Matiö 26:31

Jesu nya ‑gbala 'ɔa 'wʋnyɛrɛnyüü: «'Ana 'fɩɔ nya 'mɩ ‑gba 'kägbaa ‑taa ‑gbiaralä; 'i ‑jɩjra: 'Nyaa ‑bablëëgbanyɛrɛnyɔɔ 'blaa, 'kä ‑bablëëa 'fɩɔ nya 'kägba ‑gba .

Jaan 6:66

'Bala wiili 'ɔ 'paa' 'ia ‑srɩ 'lɩ, 'ɔa 'wʋnyɛrɛnyüü 'kɔkɔmlɛ sɔ 'ɔɔn dɛrɩ, 'ü nyra 'ɔɔn 'sɔ ‑kanyɩ 'nyɛrɛ 'wʋ ‑a.

Matiö 24:10

'Ia 'taɩn 'lɩ nɩ, nyüü 'kɔkɔmlɛ nya Nyɔsʋa dɛrɩ sɔa; 'ünya dɛrɩ sɔsrɔa 'kä 'ünya 'nyüamlɩjajra.

1 Piɛɛrë 2:8

'Änya bä: Nyüükäkpatäkä, 'änya bä 'täkä kpakölä 'kpakpaa' nyüü 'kä . 'Ünyɩ 'lɩ nyɔsʋaawii ‑a ‑träärä 'a 'ia ‑gʋ 'ü böblö; Nyɔsʋa 'ɔɔ ‑tʋ 'lɩ 'imɩ.

Matiö 18:7

«Abɩa busukʋ jrä 'plä ‑gälɩ nyüüa 'käkpakpakʋa ‑gʋ. 'Be diili 'kpakpaa' nyüü 'kä ‑nëmä 'üün ‑a wala, ‑maa busukʋ jrä nyɔɔlɔ 'i jaraa' kälɩ ‑gälɩ!

Galaatënyüü 5:11

'Mɔɔlɔ nɩ, 'na ‑wlajü 'amɩ, ima 'daa nyüü 'n ‑gbala ü 'bölö nɩ, dɛplɛɛ kä ‑gʋ 'ü ‑ka nö 'mɩ ‑gbi ‑gba le? 'Be ima bä 'iin nɩ, krʋaa ‑gogo ‑ka ‑nëmä ɩ 'üa plɛklɩ ‑a fefe!

Lukë 2:34

Simeɔɔn nya 'pa 'üün 'nɩ, 'ɔnya ‑gbala Marii ‑maa: «‑Na 'jʋ nya Israɛɛlëa ‑tʋtʋ ‑gälɩ nyüü 'kɔkɔmlɛ bea, 'ɔnya 'kɔkɔmlɛ 'jraraa; 'kä 'ɔnya Nyɔsʋaa totolä nyüü ‑nëmäa' 'klɩnyiere bä,

Matiö 5:29

‑Na 'dupa 'nyiöa ‑gʋ ‑ama nʋ ‑balʋ nɩ, 'balɩ 'ään, be 'ämɩ kpaun 'klʋɛɛ. 'I ‑siwʋ ‑a ‑mɔɔlɔ ‑na fugbaa 'pɛ 'dee 'kä 'ümä ‑na 'fɩɔ kapulu 'nyɩ 'nyrɔlɔa' 'plɔʋa 'mlɩ be.

Matiö 13:21

‑maa 'ɔa plɛ 'nyɩ 'iin 'kpla ‑a 'kpla 'cɩcasa. 'Ɔnyɩ ‑tʋ wii 'nyügba ‑a. 'Pɩrɩgälɩ nɩ, ɔma bä ‑sʋɩ 'lɩ, 'aiɛ üma jrara 'ɔɔn 'nyüamlɩ nyɔsʋaawiia ‑gʋ nɩ, 'köklesaplɩɩ 'ü 'wʋä nyɔsʋaawii dɛrɩ.

Marëkë 6:3

‑Mää Mariia nyɩbɛjʋlɔ bäa' 'kamëdɛ, ‑mɔ ‑a? ‑Mää Jaakë, Josɛɛsë, Judë nyra Simɔɔɩɩa nɔ ‑wlajʋlɔ ‑a? ‑Mää ‑mɔlɔ kä ‑wlayörü a nyra 'üün kʋa' bätä ‑a!» 'A 'ia 'fɩɔlʋa ‑gʋ 'ünyɩ 'ba 'ɔa mlɩa wii nyɔɔ 'wʋ ‑a.

Lukë 7:23

Abɩa dɔrʋ 'bla nyɔɔlɔ 'nyɩ blöa' ‑balʋ 'lɩ 'na 'nyrɩa ‑gʋ!› »

Jaan 16:1

«'A ‑pɩ Nyɔsʋaa 'nyʋfɔwʋ 'wʋ 'a 'ia ‑gʋ 'n ‑gbala 'amɩ 'iin.