26 ‑Yɛɛ Tʋ, 'a wiili käa' ‑mɩ 'tʋ, 'ii nʋ!
Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.
'A 'sɩrɩ 'ɔ 'daa käa' sököö 'ɔmä ɩa' nʋ, 'asɩ 'i nrörö; ana 'Pläkänyɔɔ Jesu 'Kriisë kälɩ 'i ‑srörö.
A nyra 'ɔɔn bäa' nyüü 'doo nɩ, 'ia ‑gʋ a bä ‑jaajinyüü, 'be Nyɔsʋa 'a kä 'lɩ amɩ 'ba, 'sɩrɩ 'ɔ boboa'; 'sɩrɩ 'ɔ 'daaa' ‑bɛ 'ɔ 'bataa' 'asɩ 'ɔ nʋ diia 'fɩɔ,
'Ɔ srara amɩ dɛɛlɛ ‑sisie ɩa' ɛ 'ɔmä ɩa' nʋ; dɛɛlɛ nɩ, 'ɔ 'a kä 'nyie 'ɔa ‑gbinanakʋ 'lɩ 'ɔmä 'ɛɛn nʋ 'Kriisë 'lɩ.
'Ii känyrɩ 'ɔ 'jää nyɔɔlɔ kä nyatɛplɛ 'ɔ 'bataa' 'ɔmäa' 'jä, 'kä 'ɔ 'bʋala nyɔɔlɔ kä plɛ 'ɔ 'bataa' 'ɔmäa' 'bʋala.
'A 'ia 'taɩn 'lɩ dotro dɔrʋ 'si Jesu 'klɩ 'Nyüna ‑Susu 'lɩ 'ɔ ‑nëma: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ. ‑Yɛɛ, Tʋ, 'a wiili käa' ‑mɩ 'tʋ, 'ii nʋ!
‑maa: «'Na Tʋ, ‑ama ‑wa, tʋŋlɔ 'mɩ 'lɩ ‑taa ‑sʋɩa ‑köwölä dɛrɩ! ‑Maa 'ia 'fɩɔlʋ nɩ, 'na ni 'nyɩ tɩɔ 'lɩ, abɩa ‑na ni tɩɔ 'lɩ.»
Jesu ‑nëma: «'Na tʋ, cere 'ümɩ 'iin; wiili 'ü nöa', 'ünyɩ 'iin jre ‑a jre.» 'Ünya 'pa ‑tɔɔo 'ümä 'ɔa 'koti ‑pä.
'Ünya 'balɩ 'täkälä 'klɩ. Jesu 'jraraa' cɛ 'nyükä 'ɔ ‑nëma: «Tʋ 'n 'trɛɛ ‑mɩ 'sɩrɩ nʋa' ‑bɛ ‑saaa' 'mɩ ‑gälɩ.
«'Na plɛ ‑taaralɩ ɔ, ‑asɩ 'nyaa ‑plɩɩ ‑gba le? Tʋ! 'Ba 'mɩ ‑taa 'taɩnlɩ 'lɩ? ‑Bɛ 'a ‑taa 'taɩnlɩa ‑gʋ 'n ji.
'Na Tʋ, 'bʋala ‑na 'nyrɩ!» Wii nya ja cɛlɩ, 'iibä: «'Nyaa ɩ 'iin 'bʋala, 'kä 'nyaa 'iin 'bʋala 'sɔɔwʋ.»
