Matiö 10:23 - Kuö Dëdrä Jenɛɛsë Rutë

²³ «Üma nʋ 'amɩ ‑gbigba bätälä kä 'mlɩ 'a bäa' nɩ, 'ba sɔ 'lɩ, 'ba mi bätä ‑mölööa 'mlɩ; 'cɩcasa 'n ‑gbala 'amɩ: 'a ‑nëmä Israɛɛlëa bätëa 'fɩɔa 'mlɩ ‑srörökʋ ‑a bɩa 'kä Nyɔɔa 'Jʋ nya ji.

Matiö 10:23 Referans Kwoze

Matiö 16:28

'Cɩcasa 'n ‑gbala 'amɩ, ‑mölöö bä ‑pɩ 'ana ‑tɔrʋpɩɔ, 'ünya Nyɔɔa 'Jʋa jijidɛɛ 'jäa 'ɔa 'Kamapläa 'mlɩ 'fɩɔwʋ ‑a ji 'ümä jä.»

Akëtë 17:10

‑Gbia 'kaa' dotro nɩ, 'cɛcɩnyüü nya fa 'Pɔɔlë nyra Silasë Beree. 'Ü 'tɔa', 'ünya mi juifëa 'sraaplanyüköli.

Akëtë 8:1

Sɔɔlë po nyüülü 'blaa' Etiɛɛnë ‑gälɩ. 'A 'ia ‑srɩlɩa 'mlɩ nyüü 'bala Jerusalɛɛmëa 'cɛcɩnyüüa ‑gbigbanʋnʋkʋ ‑gböösa. Nyüüa 'fɩɔ nya ‑gbaala Judee nyra Samariia ‑tʋtʋ ‑gälɩ 'kä. Apotrëa 'doo 'üü 'nyɩ 'kousɔ.

Marëkë 13:26

'Ia 'taɩn 'lɩ, 'ünya Nyɔɔa 'Jʋ ‑gbru ‑gälɩ 'järäa ‑bɛ 'ɔnya ji, 'ɔ ‑bɛ 'ɔa 'klü nyra 'wliklɩa 'bʋabʋakʋ.

Lukë 21:27

'Ia 'taɩn 'lɩ, 'ünya Nyɔɔa 'Jʋ ‑gbru ‑gälɩ 'järäa ‑bɛ 'ɔnya ji, 'ɔ ‑bɛ 'ɔa 'klü nyra 'wliklɩa 'bʋabʋakʋ.

Lukë 18:8

'Amɔ 'n ‑gbala: 'ɔnya 'üa 'wli 'lɩa ‑gbi 'baa sɔsɔ. ‑Maa 'taɩn 'lɩ Nyɔɔa 'Jʋ 'mäa' ‑tɛ ‑tʋtʋ ‑gälɩ dɛrɩblöö nɩ, 'kä 'ɔnya 'lɩ nyɔsʋaplɛkänyüü jrä?»

Jaan 7:1

'Ia 'fɩɔ ‑sia' nɩ, Galileea ‑tʋtʋ ‑gälɩ Jesu ‑piie. ‑Bɛ juifënyüü 'bataa' 'ɔa 'bablakʋ nɩ, 'ia ‑gʋ 'ɔnyɩ 'bata Judeea mimikʋ ‑a.

Matiö 26:64

'Iibäa' Jesu: «‑Na mlɩ 'i ja. ‑Maa 'cɩcasa 'n ‑gbala 'amɩ, 'bala 'saarɩ ‑gälɩ 'anya *Nyɔɔa 'Jʋ 'Klükä Nyɔsʋa 'dupa 'lɩ 'järäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji.»

Matiö 24:30

«'A ‑plɩɩ Nyɔɔa 'Jʋa tie 'mä cɛa 'mlɩ 'tɔrɔ. ‑Tʋtʋ ‑gälɩa ‑glügbüa nyüüa 'fɩɔ nya ‑sɩsraa. 'Ünya Nyɔɔa 'Jʋ 'jäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji, 'ɔ ‑bɛ 'ɔa 'klü nyra 'wliklɩa 'bʋabʋakʋ.

Akëtë 17:14

'A ‑plɩɩ 'cɛcɩnyüü kʋ dotro 'ünya fa 'Pɔɔlë 'taniea 'pɛlɩ. ‑Maa Silasë nyra Timotee tɩɔ 'lɩ.

Matiö 25:13

'Ii känyrɩ 'anyɩ 'mʋmɔ, 'be 'anyɩ 'taɩnlɩ nyra jrüülü kä 'mlɩ Nyɔɔa 'Jʋ 'mäa' ji ‑a jre.

Matiö 24:48

‑Maa ɔma bä plɛbʋbɔ 'jrʋpafɛnyɔɔ nɩ, 'ɔnya 'daa 'ɔa 'kamanyɔɔ 'a 'lɩwlɛ,

Matiö 24:27

'Be Nyɔɔa 'Jʋa jijitaɩn nya ‑beere ‑mamɛɛa 'bɩbɩ sɔa' 'jrʋa 'wʋsɔrɔfa 'wʋ ‑bɛ 'ɛ 'cerea' 'jrʋa 'pifa 'wʋ.

Matiö 23:34

'A 'ia ‑gʋ 'nyaa 'amɩ nyɔsʋaamlɩpalanyüü, nyra 'lɩglanyüü, nyra ‑dɔkpɩanyüü jaa; 'kä 'anya ‑mölöö 'bla, 'kä 'anya ‑mölöö krʋa ‑gälɩ kolo; 'kä 'anya ‑mölöö ‑gbalɛfi ‑gälɩgba 'ana 'sraaplanyuku ‑wälɩ, 'kä 'anya 'üün bätë o bätëa 'mlɩ prɛrɛ.

Matiö 4:12

Jesu 'nua' ‑maa 'ü 'paa Jaan ‑jie 'lɩ nɩ, 'ɔnya mi Galilee.

Matiö 2:13

Wiijrenyüülü mia' nɩ, 'Pläkänyɔɔa 'aanjë nya 'tɔrɔ Josɛɛfë 'nyü ‑gälɩ, 'ɔnya ‑gbala 'ɔɔn ‑maa: «Sɔwʋ dɔrɔ 'jʋlɔ nyra 'ɔa 'yio 'wʋ, 'ba fɔ 'ba mi Ejiipëtë, 'be Erɔɔdë 'bata 'ɔmä 'jʋlɔ 'bla. 'Ii 'ba kʋ kʋ 'kä 'mɔɔ 'n ‑gbala ‑mɩ 'ba 'blöö.»

Akëtë 20:1

'Ia ‑yrɛlɛ ‑sia' nɩ, 'Pɔɔlë nya we 'cɛcɩnyüü, 'ɔnya 'jrara 'üa 'klü. 'Ɔ cɛrɛa' 'üün nɩ, 'ɔnya mi Masedoanëa 'blɩ ‑gälɩ.

Matiö 16:27

'Be Nyɔɔa 'Jʋ nyra 'ɔa 'aanjë nëmä 'ɔa Tʋa 'wliklɩbʋabʋakʋ ja ‑bɛ 'ɔmä ji ‑o. 'Ia 'taɩn 'lɩ nɩ, ‑moloa nʋnʋgbi 'ɔmä 'klɩtɛ ‑bɛ 'ɔmä 'ɔɔn 'pɛɛ.

Matiö 23:36

'Cɩcasa 'n ‑gbala 'amɩ, ‑taa nyüüglügbölä kʋa' ‑pɩ ‑gälɩ 'ia 'fɩɔlʋ nëmä 'wli tɩɔ.

Matiö 24:34

'Cɩcasa 'n ‑gbala 'amɩ: ‑taa nyüüglügbölä kʋa' ‑pɩa 'fɩɔ ‑nëmä bɩa ‑a bɩa 'kä 'ia 'fɩɔ nya 'lɩjrä.