Matiö 10:22 - Kuö Dëdrä Jenɛɛsë Rutë

²² Nyüüa 'fɩɔ nëmä 'amɩ 'nyüamlɩjraraa 'na 'nyrɩa ‑gʋ, ‑maa nyɔɔlɔ ‑nëmäa' 'iin 'klɩfɔlɔ, ɔmäa' 'ia bɩarafa 'wʋ 'tɔ nɩ, 'ɔnya 'lɩmlɩwʋa.

Matiö 10:22 Referans Kwoze

Matiö 24:13

‑Maa nyɔɔlɔ nëmäa' 'wʋsɔɔrɔ ‑sɔrɔ, ‑bɛ 'imäa' bɩa nɩ, 'ɔnya 'lɩmlɩwʋa.

Jaakë 1:12

Abɩa dɔrʋ 'bla nyɔɔlɔ ‑sɔɔrɔa' 'wʋ ‑sʋɩa 'mlɩ. Ɔma 'nyɩ fɔlɔ ‑sʋɩ 'klɩ ‑a nɩ, 'ɔnya 'pɛɛrɛa: 'ɛɛ bä 'klälä 'Pläkänyɔɔ 'daaa' 'ɔmäa' nyüülü ‑waa' 'ɔɔn ‑nyɩ.

'Nyügälɩjawii 2:10

‑Sʋɩlɩ ‑nëmäa' 'jä 'nyɩ kä ‑mɩ ŋalɛ 'wʋ. Ponyakli. Sataan nya 'amɩ 'traɩn a: 'ɔnya 'ana ‑tɔrʋpɩɔa ‑mölöö 'kplaa kä 'ɔnya 'üün ‑jie 'lɩ 'pa, 'kä 'anya ‑sʋɩ 'jä ‑kpraalɩa jrüü ‑pʋ. ‑Maa ‑sɔɔrɔwʋ ‑bakää 'ünyɩ 'bla ‑mɩ, ‑bɛ 'mä ‑mɩ 'kläa 'wlugbö ‑nyɩ.

Marëkë 13:13

Nyüüa 'fɩɔ nëmä 'amɩ 'nyüamlɩjraa 'na 'nyrɩa ‑gʋ; ‑maa nyɔɔlɔ ‑nëmäa' 'iin 'klɩfɔlɔ, ɔmäa' 'ia bɩarafa 'wʋ 'tɔ nɩ, 'ɔnya 'lɩmlɩwʋa.»

Matiö 10:39

Nyɔɔlɔ 'bataa' 'ɔa 'kläa ‑wälɩtʋtʋkʋ, 'ɔnya 'ään 'mɔlɔa. ‑Maa nyɔɔlɔ 'mɔlɔa' 'ɔa 'klä 'na ‑gʋ nɩ, 'ɔnya 'ään 'jäa.

1 Jaan 3:13

'Na ‑wlajü 'amɩ, 'plä ma jrara 'amɩ 'nyüa 'mlɩ, 'inyɩ kala 'amɩ plɛ 'klɩ.

Matiö 24:9

«'A ‑plɩɩ 'ümä 'amɩ nyüü kälɩ 'sara 'amä 'üü ‑sʋɩ kälɩ 'järä 'kä 'ünya 'amɩ 'babla. Nyüülü kä 'fɩɔ 'nyɩa' Nyɔsʋa jre nya 'amɩ 'nyüamlɩjraraa 'na 'nyrɩa ‑gʋ.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Ebröönyüü 6:11

‑Maa a 'bata ‑mɔ ma bälɩ ɔ nʋ 'saa 'doo 'ɔ fumöa 'doo kä ‑gälɩ 'blörö jrüü jrälɩ, 'kä wiili kä 'fɩɔ 'a 'bataa' nrörö.

Jaan 17:14

'N 'kpɩa 'üün ‑na mlɩa wii. 'Plä nya jrara 'üün 'nyüamlɩ. Dɛɛlɛ kä ‑gʋ, 'ünyɩa' 'pläa 'mlɩa nyüü bä ‑beere 'mɔɔ.

Galaatënyüü 6:9

'Ii känyrɩ, anyɩ fio 'cɩcagbia nʋnʋkʋ ‑a ‑gʋ. Ama 'nyɩ 'ia ‑gʋ ‑a fio nɩ, 'ia 'taɩn ma jrä ‑srɩɩ 'lɩ anya 'iin jia.

Lukë 6:22

«Abɩa dɔrʋ 'bla 'amɩ nyüü ma jrara 'amɩ 'nyüa 'mlɩ, üma 'pala 'amɩ ‑wälɩ, üma ‑jejre 'amɩ, üma bʋblɔ 'ana 'nyrɩ Nyɔɔa 'Jʋa ‑gʋ.

2 Korɛɛntënyüü 4:11

A bälɩ, ‑maa a 'jää jäjäwʋ 'taɩn a 'fɩɔ 'lɩ Jesua ‑gʋ, 'kä 'ɔa 'klä 'mä bɩa 'wʋcrɛrɛ ana jäjäfugbaa 'mlɩ.

Matiö 5:11

«Abɩa dɔrʋ 'bla 'amɩ nyüü ma ‑jejre 'amɩ, üma nʋ 'amɩ ‑gbi ‑gba, üma 'pa 'ana ‑gʋ bʋbɔwii nyra üma ‑tʋ bɩa 'amɩ ‑gbagblɛ ‑gälɩ 'na ‑gʋ.

'Nyügälɩjawii 2:17

«Nyɔɔlɔ käa' 'nyakli ɔ po wiili Nyɔsʋaa ‑Susu ‑gbalaa' 'Cɛcʋ 'nyakli! «Nyɔɔlɔ nëmäa' 'wʋsi 'nyaa 'ɔɔn 'maanëlë ‑sisiea' ‑nyɩa 'ɔmä 'ään ji; 'kä 'nyaa 'ɔɔn 'pɔlɔ 'täkä ‑nyɩ. 'Ü ‑jɩjra 'täkäläa ‑gälɩ 'nyrɩ dëdrä nyɔɔ 'nyɩa' jre ima 'nyɩ nyɔɔlɔ 'ü ‑nyɩa' 'ään ‑a bä.»

Jaan 7:7

'Plä 'nyɩ 'lɩ ‑a bɩa ä jrara 'amɩ 'nyüa 'mlɩ; 'mɔɔlɔ nɩ, 'ä jrara 'mɩ 'nyüa 'mlɩ, dɛɛlɛ kä ‑gʋ 'n 'daaa' 'äa nʋnʋgbi bʋbɔ.

Lukë 8:15

'Mʋfatʋtʋlʋ kä ‑gälɩ 'jaju böblöa' nɩ, 'a ‑mülü nʋa' 'üa plɛ ü 'kplaa' nyɔsʋaawii 'cɩcasa, 'ünyɩ ‑trɔa' 'iin, ‑bɛ 'ü tʋäa' ‑bakää ‑sʋɩ bälɩ.

'Nyügälɩjawii 3:21

Nyɔɔlɔ nëmäa' 'wʋsi nɩ, 'nyraa 'ɔɔn nya 'na 'kɩɩkpata ‑gälɩ kʋa, 'sɩrɩ 'na 'mʋgbɛ ‑sia' 'wʋ ‑bɛ 'n mia' ‑bɛ 'mɔɔ ‑bɛ 'na Tʋ kʋa' 'ɔa 'kɩɩkpata ‑gälɩ.

'Nyügälɩjawii 2:7

«Nyɔɔlɔ käa' 'nyakli ɔ po wiili Nyɔsʋaa ‑Susu ‑gbalaa' 'Cɛcʋ 'nyakli! Nyɔɔlɔ nëmäa' 'wʋsi nɩ, 'nyaa 'ɔɔn 'kläa tuulu bäa' Nyɔsʋaa Paradii 'lɩa 'bü ‑nyɩa 'ɔmä 'üün ji.»

Ebröönyüü 3:14

'Be diili kä 'fɩɔ bäa' 'Kriisëa dii, amɔ kä 'imɩ, ‑maa a kä amä ana plɛgälɩpiepiekʋ 'lɩ kʋ kʋ ‑a ji 'plä 'mä bɩa,

'Nyügälɩjawii 2:26

«‑Bɛ ‑mɔlɔ nëmäa' 'wʋsi nɩ, 'iibä nyɔɔlɔ ‑ka ‑trääräa' 'lɩ 'mɩa 'doo, ɔmäa' 'iin nʋ nʋ ‑bɛ 'ɔmäa' jä nɩ, 'nyaa 'ɔɔn ‑glügbüa 'fɩɔa 'kamakʋ kälɩ ‑nyɩa.

Akëtë 9:16

‑Sʋɛlɛ kä 'fɩɔ 'ɔmäa' 'jä 'na 'nyrɩklɩa ‑gʋ nɩ, 'nyaa 'ɔmɩ 'ɛɛn sraraa.»

'Nyügälɩjawii 2:3

‑Jää ‑sʋɩ ‑nya ‑sɔɔrɔwli 'wʋ 'na 'nyrɩa ‑gʋ, ‑nyɩ ‑sɩa ‑a ‑sɩa ‑nya ‑fɛ 'na 'jrʋpa.

Lukë 21:17

Nyüüa 'fɩɔ nëmä 'amɩ 'nyüamlɩjraa 'na 'nyrɩa ‑gʋ.

Lukë 21:19

'Ii känyrɩ 'a 'nɩ fɔlɔ 'iin 'klɩ: 'asɩ 'anya 'lɩmlɩwʋ.