Matiö 10:18 - Kuö Dëdrä Jenɛɛsë Rutë

¹⁸ 'Ünya 'amɩ ‑gʋmlanyüü nyra 'kɩɩɩ 'klɩ faa 'na ‑gʋ. ‑Bɛ 'üa 'klʋɩ, 'üü ‑bɛ nyüülü 'nyɩa' juifënyüü bä, 'amä 'üün 'cɩcasalä 'a 'järäa' 'mɩ 'lɩ ‑gbala.

Matiö 10:18 Referans Kwoze

Marëkë 13:9

«'Amɔlɔ nɩ, 'ba kä 'ia plɛ. 'Ünya 'amɩ tropina 'lɩ faa, 'ünya 'amɩ ‑gbalɛfi ‑gälɩ ‑gbagbaa juifëa 'sraaplanyuku ‑wälɩ. 'Na ‑gʋ, 'ünya 'amɩ 'cifu nyra 'kɩɩɩ 'klɩ faa, wiili 'a jrea' 'amä 'iin 'lɩsa.

Matiö 8:4

Jesu nya ‑gbala 'ɔɔn: «‑Nyɩ ‑gbala 'iin nyɔɔ, ‑maa mi ‑a ‑srara ‑na nyufa ‑gbɔsapɛrɩnyɔɔ 'klɩ, 'kä ‑saaa ‑gbɔlʋ Moisë 'daaa' 'ba 'saa'; 'uu nëmä 'nyrɩkä, 'kä nyüüa 'fɩɔ nya 'iin jre 'sɩrɩ 'jrʋ ‑kanyɩa' ‑mɩ kla.»

'Nyügälɩjawii 11:7

'Ü ma bɩa Nyɔsʋaa ‑gä 'papakʋ nɩ, mrɛɛlɛ 'ciea' 'lɩtʋŋlɔbütügbaa 'mlɩ nya 'üün tou jaa. 'Änya 'üün 'wʋsia, 'kä 'änya 'üün 'bla.

'Nyügälɩjawii 6:9

'Taɩn 'lɩ ‑Bablëëjʋlɔ ‑jiea' ‑gböööa nɛ kpasradɛɛ nɩ, 'n 'järä ‑gbɔsatöwlöa ‑wälɩ nyüülü 'ü 'blaa' nyɔsʋaawii nyra wiili 'üa 'nyü 'jäa' ‑bɛ 'ünyɩa' ‑wälɩcɛrɛa ‑gʋ, 'üa ‑sisi. Nyɔsʋaawii 'ü ‑gbalaa' nyüü 'iia ‑gʋ 'ü 'bla 'üün.

'Nyügälɩjawii 1:9

'Mɔɔ Jaan, ɔ bäa' bɩa 'ana ‑wlajʋ nɩ, 'nyraa 'amɩ bä ‑sʋɩ 'lɩ 'Kamaplä 'lɩ nyra Jesu 'Kriisë 'lɩa 'mlɩkpʋkplɔkʋ 'lɩ. Nyɔsʋaawiia ‑gʋ nyra 'cɩcasalä 'paaa' Jesu 'Kriisëa ‑gäa ‑gʋ 'ü nrörö 'mɩ ‑jienyɔɔ 'lɩ dugbalä 'ü 'daraa' Patëmɔsë 'äa 'mlɩ.

2 Timotee 1:8

'Ia ‑gʋ, ana 'Pläkänyɔɔa ‑gäa 'papakʋ 'nyɩ kä ‑mɩ 'nyüsü 'wʋ, ‑nyɩ kä bɩa 'na 'nyüsü, 'mɔɔlɔ bäa' ‑jienyɔɔ 'ɔa ‑gʋ. ‑Maa 'jä ‑sʋɩ 'nyraa ‑mɔ kɔsɔ 'Mʋfagogoa ‑gʋ, 'klülü Nyɔsʋa ‑nyɛɛa' ‑mɩ 'üü ‑a nʋ ‑bɛ a ‑fɛ 'jrʋpa.

Matiö 10:17

«‑Maa 'ba ‑gäälä 'ana nyüfë 'nyiöli nyüüa ‑gʋ. 'Ünya 'amɩ juifëa tropina 'lɩa nyüü kälɩ 'saraa, 'kä 'ünya 'amɩ ‑gbalɛfi ‑gälɩgbagba 'üa 'sraaplanyukua ‑wälɩ.

Matiö 10:19

'Taɩn 'lɩ 'ümäa' 'amɩ 'sakalɩ fa nɩ, 'ana plɛ 'nyɩ ‑taaralɩ wiili 'a nëmäa' 'pa 'ia ‑gʋ. 'Papawii nya 'amɩ ‑nyɛɛrɛa 'ia ‑gliiilɛa 'mlɩ.