16 «'Ba mi! Blɔ 'n blɔ 'amɩ ‑beere ‑bablëëjü bä 'klʋɛɛa ‑fäa ‑tɔrʋpɩɔ. 'Ia ‑gʋ 'ba ‑tre 'ana nyüfë ‑beere ‑trii ‑bɛ 'ba 'wlalɩkä ‑beere ‑sögü.
«'Ba mi! Blɔ 'n blɔ 'amɩ ‑beere nyɔɔ blɔ ‑bablëëjü 'klʋɛɛa ‑fäa ‑tɔrʋpɩɔ.
'ana 'nyü 'mä 'na, 'ü ‑pɩ 'ana 'kläa 'mlɩ ‑balʋ 'järä. 'Amä Nyɔsʋaa 'jülü 'nyɩa' bʋbɔdɛɛ ‑gba kä ‑gbagblɛnyüü nyra plɛbʋbɔnyüüa ‑tɔrʋpɩɔ, 'ana 'klä 'mä 'pläa 'mlɩ ŋʋala.
'Na ‑wlajü 'amɩ, 'anyɩ bobo ‑beere 'jüjie. 'Ba bä 'jüjie ‑balʋa 'pɛ 'lɩ, ‑maa bobokʋ 'lɩ nɩ, 'ba bä tagbü.
'Ba kä 'cɩcagbi nyüülü 'nyɩa' Nyɔsʋa jrea 'klɩ. Wii o wii 'tɔrɔa' 'amɩ 'klɩ, 'ba nʋ dotro dɛɛlɛ 'a nëmäa' nʋ.
'Be 'mɔɔ nëmä 'ana mlɩ wii 'pa; 'mɔɔ nëmä 'amɩ 'lɩgaglakʋ ‑nyɩ. 'Ana 'nyüamlɩjraranyüüa 'fɩɔ ‑nëmä 'amɩ ‑a du 'papawii 'lɩ, 'ü ‑nëmä 'amɩ 'klɩ ‑a 'nyüglö.
'N jre 'iin 'sɩrɩ ama toroa' 'lɩ ‑gälɩ klaklamlaa 'mäa' 'ana ‑tɔrʋpɩɔ pala, 'ü ‑nëmä ‑bablëëjüa nyatɛrɩ ‑a 'jä.
'Sɩrɩ trɔɔ nʋa' ‑bɛ 'u nʋa' 'ua yrʋ 'u ‑trɔɔrɔa' Ɛvë nɩ, 'asɩ ŋalɛ 'blaa 'mɩ 'sɩrɩ 'ana bobowli ma 'kplaa 'kasa 'Kriisë nɩ, 'i ‑pɩ kälɩ ‑sie.
'Sɩmɩ ‑balʋ 'nyɩ 'cicri, 'anyɩ blö 'ua 'mlɩ.
‑Maa 'inyɩ plɛklɩkalawii ‑a bä, 'be Sataan a 'mʋgbɛ nrörö 'ɔa nyufa pöplö 'aanjë 'lɩ ‑o.
'Klʋɛɛa mlaalü kä 'fɩɔ Yawe Nyɔsʋa nʋa' nɩ, trɔɔ 'uu ma kä yrʋ. 'Unya 'bete 'ŋlʋʋlɔ: «'Cɩcasa Nyɔsʋa ‑gbala 'amɩ ‑maa: ‹'Anyɩ ji tiilia 'fɩɔ bäa' ‑taa putulu kʋa' ‑pɩa 'mlɩ, 'ia tʋtʋdii?› »
'A 'jä 'imɩ, Nyɔsʋaa 'mʋgbɛ nya 'jä 'imɩ, 'sɩrɩ a 'nyɛrɛa' 'ana ‑tɔrʋpɩɔ 'amɔ bäa' nyɔsʋaa plɛtoronyüü, 'sɩrɩ Nyɔsʋa 'bataa' 'a 'ia 'sa a 'nyɛ. A ‑gäklɩ, anyɩ ‑fre 'lɩ ‑a bä. Nyɔɔ 'nyɩ 'lɩ ‑a bɩa ɔ 'pa ana ‑gʋ bʋbɔwii.
A 'nua' 'iin 'wli nɩ, 'ia ‑gʋ anyɩ 'nyüglö 'ana 'wli 'lɩa nyɔsʋabibiekʋa ‑gʋ ‑a. Bibie a bibie 'ɔɔn 'ɔmä 'amɩ wiili kä 'fɩɔ 'ɔ 'bataa' srara, ɔ ‑nyɩ 'amɩ wiijejrekʋ nyra 'lɩgaglakʋ 'ɔa ‑Susu 'lɩ.
‑Jää wiili kä ‑gʋ dɔrʋ 'blaaa' amɩ ana bobowlia 'mlɩ: ana nʋnʋgbi 'wlalɩkä, 'inya bä 'cɩcasa nyüüa ‑tɔrʋpɩɔ ‑gböösa. 'Iili nɩ, Nyɔsʋaa ‑nyɛɛ 'i sɔ ‑bɛ 'i jö amɩ ‑gälɩ. Nyɔsʋaa ‑gbinanakʋ 'uu 'tiere amɩ, ‑mää nyɔɔa 'lɩgaglakʋ ‑a.
Ana 'mʋgbɛ 'nyie amä 'iin nʋ, nyɔɔ ‑pɩ amɩ ‑srɛ 'klɩbabamölii 'kɔkɔmlɛ a 'klaaa' 'ia ‑gʋ.
'Ii känyrɩ Yawe Nyɔsʋa nya ‑gbala 'ŋlʋʋ: «Dɛplɛɛ nʋ le?» 'Ŋlʋʋ ‑nëma: «Trɔɔ 'sara 'mɩ ‑gbagblɛ, 'nya ji 'ään.»
'N tɩ ‑srɩ dɛrɩ 'nyaa ‑gbala 'amɩ 'iin.
«'Jrʋpafɛnyɔɔ 'plɛɛ ‑gäklɩ ‑bɛ ɔ ‑glalɩ le, ɔ nyukukänyɔɔ 'mä 'ɔa 'jrʋpafɛnyüüa 'fɩɔ ‑gba tɩ, 'ɔnya 'üün jijri ‑nyɩ 'taɩn ma jräwli le?
‑Gböö bälɩ, 'ü ‑glalɩ ‑bɛ ‑gböö ‑mülü pa mlüü.
‑Maa 'lɩglaa nülü nɩ, 'ü 'pa 'kpɩ 'kpalë 'lɩ 'ünya fa 'iin.
'Iibäa' 'lɩglaa nülü nɩ: ‹'Büa! 'Inyɩ ‑päpäsa ‑a bä. 'Ba mi dotro 'perupanyüüa ‑nyɛɛ 'amä 'ana ni ‑su!›