Matiö 10:1 - Kuö Dëdrä Jenɛɛsë Rutë

¹ Jesu nya we 'ɔa 'wʋnyɛrɛnyüü nyüüpʋnyüüsɔɔ, 'ɔnya ‑nyɛnyɛ 'üün ‑gälɩkamladɛɛ 'ümä ‑frepasisi prɛ, ‑bɛ 'ümä ‑wusua 'kaɩn 'kaɩn nyra ‑nɩarakʋa 'fɩɔ ‑futo.

Matiö 10:1 Referans Kwoze

Lukë 10:19

'Ba ponyakli 'cɩcasa: 'N ‑nyɩ 'amɩ 'klü 'amä 'trii nyra ‑gbätë ‑gälɩ 'nyɛ; 'nyaa ‑nyɩ 'amɩ 'klü 'amä ‑Gbakäklɛnyɔɔ du, 'kä dɛɛ 'dee ‑nëmä 'amɩ bʋblɔ.

Lukë 24:49

‑Bɛ 'mɔɔlɔ nɩ, 'mä 'amɩ dɛɛlɛ 'na Tʋ 'daaa' 'ɔmäa' 'amɩ ‑nyɩ. 'Ii känyrɩ 'ba kʋ Jerusalɛɛmë kʋ kʋ 'kä cɛlɩa 'klü 'cere 'amɩ ‑gälɩ.»

Akëtë 1:8

‑Maa 'Nyüna ‑Susu nya 'amɩ ‑gälɩ 'cerea, 'kä 'unya 'amɩ 'klü ‑nyɩ, ‑bɛ wiili käläa' 'mɩ ‑gba, i 'a 'jäa' nɩ, 'amä 'iin 'lɩsa Jerusalɛɛmë; sɔ bɩa Judee nyra Samariia ‑tʋtʋa 'fɩɔ ‑gälɩ, ‑a ‑tɔɔ ‑tʋtʋa blöröfa 'wʋ.»

Jaan 3:27

'Iibäa' Jaan nɩ: «Dɛɛlɛ cɛ ‑nyɛɛa' nyɔɔ nɩ, 'ɛɛ 'ɔ 'jää.

Lukë 6:13

‑Srɩ paa' nɩ, 'ɔnya we 'ɔa 'wʋnyɛrɛnyüü, 'ɔnya tɛ 'üa ‑tɔrʋpɩɔ 'ɔnya 'balɩ nyüüpʋnyüüsɔɔ. 'Ɔnya 'dara 'üün Apotrë:

Lukë 21:15

'Be 'mɔɔ nëmä 'ana mlɩ wii 'pa; 'mɔɔ nëmä 'amɩ 'lɩgaglakʋ ‑nyɩ. 'Ana 'nyüamlɩjraranyüüa 'fɩɔ ‑nëmä 'amɩ ‑a du 'papawii 'lɩ, 'ü ‑nëmä 'amɩ 'klɩ ‑a 'nyüglö.

Akëtë 19:15

‑Balʋsusulu nya ‑gbala 'üün: «'N jre Jesu, 'n jre nyɔɔlɔ bäa' 'Pɔɔlë; ‑maa 'amɔlɔ nɩ, nyüü 'plɛɛ 'a bä le?»

Jaan 17:2

‑Mɔ ‑nyɩ 'ɔɔn nyüüa 'fɩɔa 'klügälɩkäläkʋ, 'kä nyüülü kä 'fɩɔ ‑nyɩa' 'ɔɔn nɩ, 'ɔmä 'üün 'klälä 'nyɩa' blöröfa kä ‑nyɩ.

Jaan 6:70

Jesu nya ‑gbala 'üün: «‑Mää 'mɔɔ 'nyɩ 'lɩ 'ana nyüüpʋnyüüsɔɔ 'baa? ‑Bɛ 'ana ‑tɔrʋpɩɔa 'doo bä Sataan 'e!»

Jaan 3:35

Tʋ ‑wa 'Jʋ, 'ɔnya ‑nyɩ 'ɔɔn diia 'fɩɔ kälɩ.

'Nyügälɩjawii 12:1

‑Sarawiia tie kpaki nya 'tɔrɔ cɛa 'mlɩ: 'ŋlʋʋ 'doo 'n 'jä, 'jrʋ bä 'ɔa 'sosroodii. ‑Seple bä 'ɔa bei ‑wälɩ, 'ɔa 'wli bä ‑särëeju ‑pʋ ‑bɛ 'sɔɔ ‑beere 'kɩɩwlugbö.

Matiö 26:47

'Ɔ ‑ka 'paa wii dotro ‑bɛ Judaa 'tɔ, nyüüpʋnyüüsɔɔa ‑tɔrʋpɩɔa nyɔɔ 'doo, 'ɔɔ ‑bɛ nyüü 'kɔkɔmlɛ, 'üa kälɩa ‑järë nyra tii. ‑Gbɔsapɛrɩnyüü kpakü nyra juifënyüüa tagbü blɔ 'üün.

Matiö 26:20

‑Gbiajrʋ mia' 'ɔɔ ‑bɛ nyüüpʋnyüüsɔɔ nya 'kʋwälɩ 'ümä dɛɛji.

Matiö 19:28

Jesu ‑nëma: «'Cɩcasa 'n ‑gbala 'amɩ, 'taɩn 'lɩ Nyɔɔa 'Jʋ 'mäa' 'ɔa 'kɩɩkpatalä 'bʋawliklɩ ‑gälɩ kʋ nɩ, 'amɔlɔ prɛa' 'mɩ dɛrɩ nɩ, 'ana 'mʋgbɛ nya 'kɩɩkpatë ‑pʋ ‑bɛ ‑uunsɔɔ ‑gälɩ kɔ kɔa 'amä Israɛɛlëa ‑glügbü ‑pʋ ‑bɛ 'sɔɔa 'cifu bä.

Matiö 6:13

‑Nyɩ tɛ bɩa amɩ 'klɩ anyɩ mi ‑balʋ 'lɩ, ‑maa 'ba amɩ Plɛbʋbɔsusu kälɩ, 'be ‑mɔ kä 'pläa 'kamakʋ, 'klü nyra 'bʋalakʋ 'plɔʋplɔʋ. 'Asɩ i bä.

Matiö 4:23

Jesu nya mi Galileea 'pläa 'fɩɔ ‑gälɩ, 'ɔ 'kpɩa nyüü 'üa 'sraaplanyëka ‑wälɩ ‑bɛ 'ɔ 'sara 'lɩ 'Kamapläa 'mʋfagogo, ‑bɛ 'ɔ 'pʋɔ nyüülü ‑wusu 'blaaa' nyra ü 'jääa' mɩmɩakʋa 'fɩɔ.

Matiö 9:35

'I ‑sia' nɩ, Jesu mö bätë jie nyra bätë kpaküa 'mlɩ ‑bɛ 'ɔ 'kpɩa nyüü 'üa 'sraaplanyëkaa ‑wälɩ, 'ɔ 'sara 'lɩ 'üün 'Kamapläa 'Mʋfagogo, ‑bɛ 'ɔ ‑futo nyüüa ‑wusua 'fɩɔ nyra 'üa mɩmɩakʋa 'fɩɔ.

Matiö 9:38

'Ii känyrɩ, 'ba bibie Nyɔsʋa ɔ bäa' putukänyɔɔ, 'ɔmä 'jrʋpafɛnyüü ‑mölöö ja, 'ümä ji 'ümä 'uun 'bö.»