Matiö 1:1 - Kuö Dëdrä Jenɛɛsë Rutë

¹ ‑Jää Jesu 'Kriisëa tʋɩɩa tʋɩɩa wii; 'ɔɔlɔ bäa' Daviidë nyra Abraamëa ‑glügbö 'klɩa 'jʋ:

Matiö 1:1 Referans Kwoze

Jenɛɛsë 22:18

‑Trääräa' 'lɩ 'na wii nɩ, 'ia ‑gʋ ‑na 'jüa 'jü 'nëmä kälɩ ‑srörö ‑bɛ 'mä ‑tʋtʋ ‑gälɩa ‑glügbüa 'fɩɔ 'nɩ 'paa.»

Galaatënyüü 3:16

‑Bɛ wiili Nyɔsʋa 'daaa' 'ɔmäa' nʋ nɩ, Abraamë ‑bɛ 'ɔa 'jʋ 'ɔ 'daa. 'Ɔnyɩ 'daa: «'ɔɔ ‑bɛ 'ɔa 'jü» ‑beere nyüü 'kɔkɔmlɛ 'ɔ 'daa. Nyɔɔ 'doo 'ɔ 'daa. 'Ɔ nɩnɩa: «‑nyra ‑na 'jʋ,» 'jʋlɔ, 'ɔɔ bä 'Kriisë.

Rɔmënyüü 1:3

'Ɔa 'jʋa ‑gä 'ä 'paa. Dɛɛlɛ bäa' 'ɔa nyɔɔa 'pɛ nɩ, Daviidëa napio 'klɩa nyɔɔ 'ɔ bä.

'Nyügälɩjawii 22:16

«'A 'mɔɔ Jesu, 'mɔɔ blɔ 'na 'aanjë ɔ 'pala ‑taa wiili 'cɛcʋ 'lɩ. 'Mɔɔ bä Daviidëa tugbluulu ‑gaala 'lɩ ‑gba, 'ɔa ‑glügbö 'klɩa nyɔɔ. 'Mɔɔ bä ‑suwlaa pöplö ‑särëeji.»

Jaan 7:42

Nyɔsʋapɔɔkʋ 'nyɩ 'daa Daviidëa ‑glügbö 'lɩ 'ɔa bätälä 'ü 'daraa' Bɛtëlɛɛmë, 'ii 'Kriisëlɔ 'mä sɔ?»

Jenɛɛsë 12:3

'Nyaa nyüülü 'paa' ‑mɩ 'nɩ, 'nɩ 'paa, 'kä 'nyaa nyüülü busua' ‑mɩ, busu. ‑Mɔ 'nëmä kälɩ ‑srörö 'mä ‑tʋtʋ ‑gälɩa ‑glügbüa 'fɩɔ 'nɩ 'pa.»

Akëtë 2:30

‑Maa 'ɔ bäa' nyɔsʋaamlɩpalanyɔɔ ‑bɛ 'ɔ jre 'iin 'sɩrɩ Nyɔsʋa 'sɔrɩa', ‑bɛ 'ɔ ‑gbalaa' 'ɔɔn ‑maa 'ɔa 'jüa ‑tɔrʋpɩɔ 'ɔmä ‑srɩɩ nyɔɔ 'ba 'ɔmä 'ɔa 'kɩɩkpata ‑gälɩ kʋ.

Matiö 1:18

‑Jäsɩ Jesu 'Kriisë ‑glooroa'. Josɛɛfë ma ‑wlɛɛɛ Marii, Jesua 'yio; ‑maa 'ü ‑kaaŋlʋ nyüköli pa Nyɔsʋaa 'Nyüna ‑Susua 'klü nʋ 'iin 'ɔnya bä nʋgbla 'lɩ.

Rɔmënyüü 9:5

'A 'üü bä tʋɩɩ kpaküa 'jü. ‑Bɛ 'Kriisëlɔ nɩ, dɛɛlɛ bäa' 'ɔa nyɔɔa 'pɛ nɩ, 'a tʋɩɩlüa napio 'klɩa nyɔɔ 'ɔ bä, 'ɔɔ bä diia 'fɩɔa 'wliklɩ, 'ɔɔ bä Nyɔsʋalɔ 'palaa' 'nɩ 'plɔʋplɔʋa ‑gʋ. 'Asɩ i bä.

Rɔmënyüü 4:13

Nyɔsʋa ‑gbala Abraamë nyra 'ɔa 'jü ‑maa 'ɔnya 'üün 'blɩa 'fɩɔ ‑nyɩa, 'a 'üa ‑jaaa. ‑Mää dɛɛlɛ kä ‑gʋ Abraamë ‑trääräa' 'lɩ ‑dɔ nɩ, ‑mää 'ia ‑gʋ 'ɔnyɩ 'iin pa, ‑maa 'ɔa nyɔsʋaplɛtorokʋa ‑gʋ Nyɔsʋa 'dara 'ɔɔn 'klɩgänyɔɔ.

Matiö 15:22

‑Jää Kanaan a 'brea 'ŋlʋʋ 'doo ma bäa' 'lɩ, 'ɔnya jijrö 'ɔɔn ‑gba 'ɔnya 'pawii ‑gböösa 'ɔ ‑nëmä: «'Pläkänyɔɔ, Daviidëa 'Jʋ, 'jä 'na nyatɛrɩ! Domoo sɩara 'na 'ŋlëkayria ‑gböösa!»

Matiö 9:27

Jesu sɔa' nyɔɔlɔa ‑nyɛɛ ‑bɛ 'ɔ möa' nɩ, 'nɔnɔnyüü 'sɔɔ prɛ 'ɔɔn dɛrɩ ‑bɛ 'ü we ‑gböösa: «Daviidëa 'Jʋ, 'jä ana nyatɛrɩ!»

Matiö 3:16

Jesu 'palaa' 'nɩ 'wli, 'nie 'lɩ 'ɔ 'cie dotro ‑bɛ cɛɩɩ ‑jieroklɩ. 'Ɔnya 'jä Nyɔsʋaa ‑Susu 'unya 'cere 'ɔɔn ‑gälɩ ‑beere ‑sögö.

Jenɛɛsë 5:1

‑Jäsɩ Adaan a 'jüa 'jüa wii nʋa' ‑sisidɛɛa ‑pɔɔkʋ. ‑Srɩlɩ kä 'mlɩ Nyɔsʋa nʋa' nyɔɔ, 'ɔa 'sa 'ɔ nʋ 'ɔɔn.

Matiö 1:2

Abraamë bä Isaakëa tʋ. Isaakë bä Jakɔɔbëa tʋ. Jakɔɔbë bä Judaa nyra 'ɔa ‑wlajüa tʋ.

Lukë 1:33

'kä 'ɔnya Jakɔɔbëa 'jüa 'kɩɩ bä 'plɔʋplɔʋ. 'Ɔa 'kamaplä ‑nëmä bɩa ‑a bɩa 'plɔʋ.»

1 Timotee 2:5

'Be Nyɔsʋa bä 'doo, 'diprö nya bä bɩa 'doo Nyɔsʋa nyra nyüüa ‑tɔrʋpɩɔ, 'a nyɔɔlɔ 'ɔɔ bä 'Kriisë Jesu,

2 Timotee 2:8

'Pa Jesu 'Kriisë plɛ: 'ɔɔ sɔ 'kuaabre jäjänyüüa ‑tɔrʋpɩɔ, 'ɔɔ bä Daviidëa ‑gböölia nyɔɔ 'asɩ 'Mʋfagogolä 'n 'saaa' ‑gba.