Marëkë 9:43 - Kuö Dëdrä Jenɛɛsë Rutë

⁴³ ‑Na 'darʋa ‑gʋ ‑ama nʋ ‑balʋ nɩ, 'bölɩ 'uun; fa 'darʋ 'doo ‑a mi Nyɔsʋa 'klɩ ‑siwʋ 'kä ‑mä 'dari 'sɔɔ kä ‑bɛ ‑mä kapulu 'nyɩ 'nyrɔlɔa' 'plɔʋa 'mlɩ mi,

Marëkë 9:43 Referans Kwoze

Matiö 25:41

«'Kä 'ɔnya nyüülü bäa' 'ɔa kʋmla 'pɛlɩ ‑gbala ‑maa: ‹'Ba tʋŋlɔ 'mɩ 'lɩdɛrɩ, busunyüü! 'Ba mi kapulu 'nyɩ 'nyrɔlɔa' 'plɔʋa 'mlɩ, u Nyɔsʋa ‑ëlerea' Sataan nyra 'ɔa 'aanjëa ‑gʋ!

Ebröönyüü 12:1

‑Bɛ 'ia 'samaa' nyüü 'kɔkɔmlɛlü sraraa' 'üa nyɔsʋaplɛtorokʋ traraa' amɩ 'klɩ ‑beere ‑gbru nɩ, 'a 'ia ‑gʋ ana 'mʋgbɛ a 'ba ana ‑gba diili kä 'fɩɔ 'mrɛɛa' imäa' amɩ 'nyʋfɔ ka, nyra ‑balʋlʋ traraa' amɩ 'klɩ sɔsɔ! A ‑sɔɔrɔwʋ a fɔ fʋfɔlʋlʋ bäa' ana 'klɔɔtrʋ.

Matiö 5:22

‑Maa ‑jäsɩ 'n ‑gbalaa' 'amɩ nɩ: Nyɔɔ o nyɔɔ ‑trääräa' 'ɔa ‑moloo 'crɛ ‑gba nɩ, ‑dɔ 'kpla 'ɔɔn. Nyɔɔ ma tɛ 'ɔa ‑moloo 'klɩ: ‹Mlüünyɔɔ›, 'ünya 'ɔɔn juifëa tropina 'lɩ faa 'ümä 'ɔɔn 'pɔnɩ. Nyɔɔlɔ tɛa' 'ɔa ‑moloo 'klɩ ‹Saklanyɔɔ›, 'ünya 'ɔɔn kapulu 'nyɩ 'nyrɔlɔa' 'plɔʋ, 'ua 'mlɩ faa 'ümä 'ɔɔn 'pɔnɩ.

Galaatënyüü 5:24

Nyüülü bäa' Jesu 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.

Matiö 3:12

'Ɔ 'klaa 'ɔa papɛɛ kälɩ 'ɔmä ‑bleeejaju nyra 'ɛa frɩ ‑gbasasra, 'ɔmä 'ɛɛn nyiklili 'jrara, ‑maa 'ɔnya 'ɛa frɩ kapulu 'nyɩ bɩaraa' a mlɩ 'pütröa.»

Titë 2:12

'U 'kpɩa amɩ bʋbɔgbi nyra ‑taa 'pläläa diia ‑wawakʋa ‑wälɩcɛrɛkʋ, amä ‑pɩ ‑tʋtʋ ‑gälɩ kʋ 'lɩglasa, ana 'klä 'mä 'klɩgä ‑bɛ amä 'lɩ Nyɔsʋa ‑träärä.

Kolɔɔsënyüü 3:5

'Ii känyrɩ, 'ba fio diili kä 'fɩɔ bäa' ‑pɩ ‑tʋtʋ ‑gälɩa dii, ibäa' 'amɩ 'lɩa, 'ia ‑gʋ: ‑sagbili Nyɔsʋa 'nyɩ 'bataa', ‑gbili plaa' nyɔɔ ‑fre 'lɩ, dɛɛnyükäkäkʋlʋ bäa' 'nyüsü 'wʋ ‑bɛ u bʋbɔa', nyra diili 'anyɩa' kä 'ia dɛɛnyükäkäkʋ; 'iibä ‑wäsɩa ‑pʋpʋakʋ.

Rɔmënyüü 8:13

'be 'ama nʋ wiili 'ana 'jajɛ 'bataa' nɩ, 'anya jäa. ‑Maa Nyɔsʋaa ‑Susu ma ji 'amɩ ‑gba ‑bɛ 'ama 'bla wiili 'ana fugba 'bataa' nɩ, 'anya 'klä 'jäa.

Lukë 14:13

‑Maa ‑ama pi ‑glɩsɩglɩsɩa jijri nɩ, tupo nyüülü 'nyɩa' dɛɛ kä, nyüülü 'nyɩ 'nyɛa', ü kpaa', nyra 'nɔnɔnyüü.

1 Piɛɛrë 2:1

'Ii känyrɩ, 'ba cɛrɛ plɛbʋbɔkʋ nyra yrʋa 'fɩɔ ‑wälɩ, ‑gbagblɛ, ‑glagälɩsrörökʋ, dɛɛnyükäkäkʋ nyra nyüüsrörökʋ.

1 Korɛɛntënyüü 9:27

'N 'suö 'na 'jajɛ 'wʋ, ‑bɛ 'n 'kplaa 'ɛɛn ‑beere ‑geeigbi. 'N nö 'imɩ 'sɩrɩ 'na 'mʋgbɛlɔ 'palaa' nyüü nyɔsʋaawii ‑gba, ‑pɩa' fʋfɔlʋa 'mlɩ sɔ.

Lukë 14:21

'Jrʋpafɛnyɔɔlɔ nya 'blöö 'ɔnya 'sa 'ɔa 'kamanyɔɔ ‑gogo. 'Kamanyɔɔlɔ nya ‑tʋ 'crɛ 'ɔnya ‑gbala 'ɔa 'jrʋpafɛnyɔɔ: ‹Mi bätëa 'nyifikpakü mlɩ nyra bätëa 'nyifijie mlɩ; ‑gbala 'pʋablanyüü, 'tokonyüü, 'nɔnɔnyüü nyra kpakpanyüü ü ji.›

Matiö 17:27

‑Maa nyüüa 'fɩɔ ‑pɩa' amɩ 'nyügba ‑tʋ nɩ, mi 'nie ‑gba, be 'faflɛ 'nie 'lɩ. ‑Srelɛ ‑kätɩ ‑nëmäa' fɩa nɩ, tɛ 'ɛa mlɩ, ‑nya 'lɩ mölii 'järäa. Dɔrɔ 'iin 'wʋ 'kä ‑pɛɛ ‑na dapoo nyra 'na nä.»

Marëkë 9:44

u kä 'mlɩa tʋa 'nyɩ jäa', ünyɩ sɩaa' nyüüa jijikʋa ‑gʋ, i kä kapu 'nyɩ 'nyrɔlɔa' 'plɔʋ .

Lukë 3:17

'Ɔ 'klaa 'ɔa papɛɛ kälɩ; 'ɔmä ‑bleeejaju nyra 'ɛa frɩ ‑gbasasra, 'ɔmä 'ɛɛn nyiklili 'jrara, ‑maa 'ɔnya 'ɛa frɩ kapulu 'nyɩ bɩaraa' a mlɩ 'pütröa.»