Marëkë 9:41 - Kuö Dëdrä Jenɛɛsë Rutë

⁴¹ Nyɔɔ o nyɔɔ nëmäa' 'amɩ 'mamlanɩa ‑glasɩ 'dee ‑nyɩ 'kä 'Kriisëa nyüü 'a bäa' 'ia ‑gʋ nɩ; 'cɩcasa 'n ‑gbala 'amɩ, 'ia nyɔɔlɔ nya 'pɛɛrɛa 'mʋfagbili 'ɔ nʋa' 'ia ‑gʋ.»

Marëkë 9:41 Referans Kwoze

Matiö 10:42

Nyɔɔ o nyɔɔ nëmäa' ‑taa 'jülü kʋa' ‑pɩa ‑tɔrʋpɩɔa 'jʋ 'doo 'mamlanɩa ‑glasɩ 'deedee ‑nyɩ, 'kä 'na 'wʋnyɛrɛnyɔɔ 'ɔ bäa' 'ia ‑gʋ nɩ, 'cɩcasa 'n ‑gbala 'amɩ, 'ia nyɔɔlɔ nya 'pɛɛrɛa 'mʋfagbili 'ɔ nʋa' 'ia ‑gʋ.»

Matiö 25:40

'Kä 'kɩɩlɔ nya 'üün ‑gbalaa ‑maa: ‹'Cɩcasa 'n ‑gbala 'amɩ, 'asɩ a nöa' 'ia samaa wii 'jüplüjielüa ‑tɔrʋpɩɔa 'doo bäa' 'na ‑wlajü ‑gba nɩ, 'mɔɔ 'a nʋ 'iin ‑gba.›

2 Korɛɛntënyüü 10:7

'Sɩrɩ 'a 'jääa' dii 'wʋ 'asɩ 'a 'kplaa 'imɩ. Nyɔɔ ma jresaa 'kasa 'Kriisëa nɔ 'ɔ bä nɩ, ɔ jresaa: ana 'mʋgbɛlü nɩ, 'Kriisëa nü a bä!

1 Korɛɛntënyüü 15:23

‑Maa ‑moloo ‑bɛ 'ɔa 'taɩn, 'Kriisë ‑kätɩ sɔwʋ, ‑bɛ 'taɩn 'lɩ 'ɔmäa' dɛrɩ 'blöö nɩ, 'kä nyüülü bäa' 'ɔa nü nya 'wʋsɔ.

Rɔmënyüü 14:15

‑Ama 'jɔklɔ ‑na ‑wlajʋa 'klü jijria ‑gʋ nɩ, ‑mää ‑wawakʋ 'lɩ ‑kanyɩ 'nyɛrɛ. ‑Nyɩ bʋblɔ nyɔɔlɔ kä ‑gʋ 'Kriisë jäa' jijria ‑gʋ.

Rɔmënyüü 8:9

‑Maa 'amɔlɔ nɩ, ‑mää 'jajɛ 'nyɩ 'tiere 'amɩ, 'be Nyɔsʋaa ‑Susu bä 'amɩ 'lɩ. Nyɔɔ ma 'nyɩ 'Kriisëa ‑Susua 'klaa, 'ɔnyɩ 'ɔa nyɔɔ ‑a bä.

Galaatënyüü 5:24

Nyüülü bäa' Jesu 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.

Galaatënyüü 3:29

'Be 'ama bä 'Kriisë 'lɩ nɩ, 'ba jresaa Abraamëa 'jü 'a bä, ‑bɛ wiili Nyɔsʋa 'paa', 'i nrörö 'amɩ ‑jaajijü 'lɩ.

1 Korɛɛntënyüü 3:23

'Kriisë kä 'amɩ, Nyɔsʋa nya kä 'Kriisë.

Marëkë 4:10

Jesu tʋŋlɔa' 'lɩ nyüü dɛrɩ nɩ, 'ɔa 'wʋnyɛrɛnyüü nyra nyüüpʋnyüüsɔɔlü nyra nyüülü prɛa' 'ɔmɩ dɛrɩ nya 'betre 'ɔɔn tapönänëlëa ‑gbaa.