27 ‑Maa Jesu nya 'kpla 'ɔa 'darʋ 'ɔnya dɔrɔ 'ɔɔn 'wʋ; 'ɔnya sɔ 'wʋ 'ɔnya 'nyüglö.
'Ɔnya 'kpla 'ɔa 'dupa 'darʋ 'ɔnya 'kʋɛɛ 'ɔɔn. 'A ‑plɩɩ 'ɔa bei nyra 'ɔa bɔtütü kʋ 'ünya 'pʋ.
Jesu nya jijrö 'ɔɔn ‑gba, 'ɔnya 'kpla 'ɔa 'darʋa 'mä 'klɩ, 'ɔnya ‑gä 'ɔɔn 'klɩ. 'A ‑plɩɩ ‑wusulu nya sɔ 'ɔɔn 'lɩ. 'Ɔ sɔa' 'wʋ 'üa ‑gä 'ɔ 'pa.
Piɛɛrë nya 'kpla 'ɔa 'darʋ 'ɔnya ‑gä 'ɔɔn 'klɩ. 'Ɔnya we 'ŋlëgëlü nyra 'cɛcɩnyüü ‑mülü, 'ɔnya srara 'üün 'ɔa 'lɩbäa nɔ 'klɩ.
'Ɔnya 'kpla nyɔɔlɔa 'darʋ 'ɔ nyra 'ɔɔn nya 'cie bätä, 'ɔnya 'pa 'ɔa 'nyü 'klɩ ‑tatʋ, 'ɔ 'piea' nyɔɔlɔ klʋgbë ‑gälɩ, 'ɔnya 'bete 'ɔɔn: «‑Jäää dɛɛ 'wʋ.»
'Ɔ dɔrɔa' 'jʋlɔa 'darʋ 'wʋ, 'ɔnya ‑gbala 'ɔɔn: «Talita kumi!» 'Ia ‑gba bä: «'Ŋlëkayria, 'mɔɔ ‑gbala ‑mɩ, sɔwʋ!»
Nyɔɔlɔa nyatɛrɩ nya 'bla Jesu, 'ɔnya to 'darʋ, 'ɔnya ‑fɛ 'ɔɔn ‑gba, 'ɔnya ‑gbala 'ɔɔn: «'N 'bata ‑na 'pɔpʋɔkʋ; 'pʋ!»
'Ɔ bea' nyüülüa 'fɩɔ ‑fälɩ nɩ, 'ɔnya pa ‑plɩlɩ 'ŋlëkayrialɔ 'pia', 'ɔnya 'kpla 'ɔa 'darʋ, 'ŋlëkayrialɔ nya sɔwʋ.
'U nëmäa' 'cie, 'u 'pa 'popowle, 'unya trara 'jʋlɔ ‑gböösa. 'U 'ciea' 'ɔɔn 'lɩ, 'ɔ ‑beere jäjänyɔɔ, 'kɔkɔmlɛ nɩnɩa 'nɩmɩ: «'Ɔ 'a jä.»
Jesu paa' nyukua ‑wälɩ nɩ, 'ɔa 'wʋnyɛrɛnyüü nya 'bete 'ɔɔn 'üa 'kpɔa ‑tɔrʋpɩɔ: «Dɛplɛɛ kä ‑gʋ a prɛ ‑susulu ‑bɛ 'unyɩ mi le?»
'Kamanyɔɔ nya 'kpla 'jʋlɔa 'darʋ 'ɔ nyra 'ɔɔn nya bereklɩ 'ɔnya 'bete 'ɔmɩ: «Wii 'plɛɛ bälɩ le?»