Marëkë 9:24 - Kuö Dëdrä Jenɛɛsë Rutë

²⁴ 'A ‑plɩɩ 'jʋlɔa tʋ kʋ dotro 'ɔ ‑nëma: «'N toro Nyɔsʋa plɛ, ‑maa ji 'mɩ ‑gba, 'na nɩ plɛtorokʋ 'nyɩ 'klʋɛɛ 'lɩ ‑a tʋŋlɔ!»

Marëkë 9:24 Referans Kwoze

Lukë 17:5

Apotrë nya ‑gbala 'Pläkänyɔɔ: «'Papla ana nyɔsʋaplɛtorokʋ ‑gälɩ!»

Ebröönyüü 12:2

A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.

Ɛfɛsënyüü 2:8

'Be Nyɔsʋaa ‑gbinanakʋa ‑gʋ 'a 'wʋlɩmlɩ, nyɔsʋaplɛtorokʋ kälɩ 'a ‑srörö 'kä 'a 'jä 'umɩ. ‑Mää 'ana 'mʋgbɛa plɛklɩa wii ‑a, Nyɔsʋa 'ɔɔ ‑nyɛɛ 'iin 'flɛɛlɩ;

2 Tɛsalonikënyüü 1:11

'A 'ia ‑gʋ a bibie 'ana 'wlili 'taɩn a 'fɩɔ 'lɩ, ana Nyɔsʋalɔ wea' 'amɩ 'mä 'lɩ 'amɩ 'kʋɛɛ, ‑bɛ 'ɔmä 'amɩ 'klülɩpa, 'amä wiili kä 'fɩɔ 'naa' nʋ 'ɔa 'klü 'lɩ 'ana nyɔsʋaplɛtorokʋa ‑gʋ.

2 Tɛsalonikënyüü 1:3

‑Wlajü 'amɩ, 'ana ‑gʋ a kä amä Nyɔsʋa 'trɛɛ 'taɩn a 'fɩɔ 'lɩ. 'Inya 'nara 'lɩ, 'be 'ana nyɔsʋaplɛ 'papla ‑gälɩa 'doo, ‑bɛ 'ana ‑wawlakʋa 'mʋgbɛ 'papla ‑gälɩa 'doo.

Filipënyüü 1:29

'Be Nyɔsʋa we 'amɩ 'flɛɛlɩ 'amä 'Kriisëa 'jrʋpafɛnyüü bä, ‑mää 'amä 'ɔɔn plɛtoroa 'doo ‑a, ‑maa 'amä bɩa ‑sʋɩ 'jä 'ɔa ‑gʋ.

2 Korɛɛntënyüü 2:4

'N ‑jɩjraa' 'amɩ 'wʋ nɩ, 'n 'kpɔɔ ‑gböösa, 'na plɛ bäkälɩ ‑bɛ 'mɩɔ 'kɔkɔmlɛ 'cie 'na 'nyüa 'mlɩ. 'Nyɩ 'iin nʋ ‑a nʋ 'mä 'amɩ sɩɔ pala, ‑maa 'n ‑jɩjra 'amɩ 'wʋ 'kä 'amä 'saa jre 'sɩrɩ 'n ‑waa' 'amɩ ‑gböösa.

Ebröönyüü 5:7

'Ɔa 'klälä 'ɔ ‑sia' ‑tʋtʋ ‑gälɩ nɩ, 'Kriisë bibie Nyɔsʋalɔ ɔ 'mrɛɛa' ɔ 'baa' 'ɔmɩ jäjä mlɩ, 'dugu kpaku 'lɩ 'ɔ bibrie 'ɔmɩ. Nyɔsʋa nya 'nu 'ɔa bibiekʋ 'wli, 'be 'ɔ ‑träärälɩ 'ɔmɩ.

Akëtë 10:31

'Ɔnya ‑gbala 'mɩ: ‹Kɔrënɛɛyë, Nyɔsʋa 'nu ‑na bibiekʋ 'wli, 'ɔnyɩ ‑trɔ ‑a ‑trɔ 'sɩrɩ ‑jöa' 'pʋablanyüü ‑gba.

2 Timotee 1:4

'N 'paa ‑na 'mɩɔ plɛ, ‑na 'jäjätʋ 'blaa 'mɩ ‑bɛ dɔrʋ 'mä 'mɩ 'klɩ 'si.

Lukë 7:44

'Ɔnya ‑sie 'ŋlʋʋlɔa ‑nyɛɛa 'pɛlɩ kälɩ 'ɔnya ‑gbala Simɔɔ: «‑Jää 'ŋlʋʋlɔ kʋa' ‑pɩ 'wʋ? 'N paa' ‑na nyukua ‑wälɩ nɩ, ‑nyɩ 'mɩ 'nɩ ‑a ‑nyɩ 'mä 'na bei ‑gba su. ‑Maa 'ɔɔlɔ nɩ, 'ɔa 'mɩɔ 'ɔ nʋ 'ɔnya papla 'na bei 'nɩ, 'ɔnya nʋ 'ɔa 'wlia 'ŋuei 'ɔnya wɔpɔ 'uun.

Lukë 7:38

'Ŋlʋʋlɔ nya 'prɛrɛ 'ɔa dɛrɩ, 'ɔa beia 'pɛlɩ, 'ɔnya 'wu ‑bɛ 'ɔa 'mɩɔ totro Jesua bei 'wʋ. 'Ɔnya nʋ 'ɔa 'ŋuei 'ɔnya wɔpɔ 'uun, 'ɔnya 'kplara 'ɔa bei ‑tɔklʋ 'klɩ, 'ɔnya ‑gblɔɔ 'iin ‑daŋlʋɩnɩ 'wʋ 'kä.

Ebröönyüü 12:17

'A jre 'iin, 'imä 'taɩn käkalɩ mi nɩ, 'ɔ 'bata ɩ abɩa 'ɔa tʋ 'pa 'ɔɔn 'nɩlɩ 'ü 'paaa' kpaköa nɔ, ‑maa 'ɔa tʋ blara. 'Dugulu 'ɔ 'wua' bɩa 'nyɩ 'lɩ ‑a bɩa u ‑nyɩgla dɛɛ 'kä, 'be 'ɔa tʋ ‑kanyɩ 'lɩ ‑a bɩa 'ɔ 'balɩ wiili 'ɔnya ɩa' nʋ.

Akëtë 10:19

Piɛɛrë ‑ka bobo wiili 'ɔ 'jäa', 'ia ‑gbaa 'lɩ dotro, Nyɔsʋa ‑Susu nya ‑gbala 'ɔɔn: «Nyüü tää bä ‑fälɩ, ‑mɔ 'ü 'bata.

Marëkë 9:23

'Iibäa' Jesu nɩ: «‑Ama 'mrɛɛ ‑mä Nyɔsʋa plɛtoro! Nyɔɔlɔ toroa' Nyɔsʋa plɛ, 'ɔ 'mrɛɛ ɔ nʋ diia 'fɩɔ.»

Marëkë 9:25

Jesu 'jääa' nyüü, 'ü 'jajraa' ‑gälɩ 'ü jöa' nɩ, 'ɔnya nyrara ‑frepasusulu 'wli 'ɔ ‑nëma: «‑Susu, ‑mɔ 'nyɩ 'paa' wii ‑bɛ ‑nyɩ 'nua', ‑mɔ 'n ‑gbala, 'wʋ 'jʋlɔ 'lɩ, ‑ka 'nɩ blö 'ɔɔn ‑gälɩ dɛrɩ!»