Marëkë 9:20 - Kuö Dëdrä Jenɛɛsë Rutë

²⁰ 'Ünya ja 'ɔmɩ 'ɔɔn. ‑Susulu 'jäa' Jesu dotro, 'u trara 'jʋlɔ, 'unya 'kpa 'ɔɔn 'kä, ‑bɛ 'ɔ 'kpakpakä, 'ɔa mlɩ 'cie ‑tatrii.

Marëkë 9:20 Referans Kwoze

Marëkë 1:26

‑Frepasusulu nëmäa' 'cie nɩ, 'u trara nyɔɔlɔ, 'unya 'pa 'popowle.

Lukë 4:35

Jesu nya nyrara 'ɔɔn 'wli: «'Kpla ‑na 'mä, 'kä ‑ciie nyɔɔlɔ 'lɩ!» Domoolɔ nya 'kpa nyɔɔlɔ 'kä nyüüa ‑tɔrʋpɩɔ, 'ɔnya 'cie 'ɔɔn 'lɩ; 'ɔnyɩ 'ɔɔn mɩmɩa ‑a mɩmɩa.

1 Piɛɛrë 5:8

'Ba ‑tre 'ana nyüfë, 'anyɩ 'mʋmɔ; 'be 'ana ‑gbakäklɛnyɔɔ Sataan 'nyɛɛ ‑beere sruku 'kpöö u 'bata nyɔɔlɔ 'umäa' ji.

Jaan 8:44

'Amɔlɔ nɩ, 'ana tʋ bä Sataan. Wiili 'ana tʋ 'bataa' 'ii 'a 'bata 'amä nʋ. 'Bala 'pläa 'käkolofa 'wʋ 'ɔ bä nyüüblanyɔɔ, 'ɔnyɩ 'salɩ 'cɩcasa ‑a, 'cɩcasa 'nyɩ 'ɔɔn 'lɩ ‑a bä. Ɔma 'salɩ 'ɔa plɛ 'klɩa wii, 'ia 'fɩɔ bä ‑gbagblɛ. ‑Gbagblɛkänyɔɔ 'ɔ bä, ‑bɛ 'ɔ bä ‑gbagblɛa tʋ.

Lukë 9:42

'Jʋlɔ ‑ka jijrö 'lɩ dotro domoo nya 'kpa 'ɔɔn 'kä 'unya trara 'ɔɔn. ‑Maa Jesu nyrara ‑frepasusulu 'wli 'ɔnya 'pʋɔ 'jʋlɔ, 'ɔnya ‑nyɩ 'ɔɔn 'ɔa tʋ.

Lukë 8:29

'Be Jesu ‑gbala ‑frepasusulu nyaa' nyɔɔlɔ 'lɩ ‑wlɛ u 'cie 'ɔɔn 'lɩ. 'Unya 'ɔɔn 'lɩwlɛ. 'Cɩ 'ü ma 'paa 'ɔa 'dari 'lɩ, 'kä 'ü 'paa 'ɔa bei 'lɩ detu. ‑Maa 'ɔ ma 'köklö 'ia 'fɩɔ 'kä domoo 'tutro 'ɔɔn ‑aaga 'lɩ.

Marëkë 9:26

'U nëmäa' 'cie, 'u 'pa 'popowle, 'unya trara 'jʋlɔ ‑gböösa. 'U 'ciea' 'ɔɔn 'lɩ, 'ɔ ‑beere jäjänyɔɔ, 'kɔkɔmlɛ nɩnɩa 'nɩmɩ: «'Ɔ 'a jä.»

Marëkë 9:18

‑Pɩɔ ‑mɩ uma jrä 'ɔɔn, 'u 'kpaaa' 'ɔɔn 'kä, 'kä ‑tatrii 'cie 'ɔa mlɩ, ‑bɛ 'ɔ jö ‑gla 'kä 'ɔa 'fɩɔ tiolɩ. 'Nyaa bibie ‑na 'wʋnyɛrɛnyüü ü 'ba 'ɔmɩ 'uun ‑gälɩ, ‑maa 'ünyɩ 'lɩ ‑a bɩa.»

Marëkë 9:19

'Iibäa' Jesu nɩ: «'Amɔ nyüü ‑glügbölä kʋa' ‑pɩ, ünyɩ toroa' Nyɔsʋa plɛ. 'Taɩn 'plɛɛ 'a ‑ka 'batra 'saa 'mɩ 'ana ‑tɔrʋpɩɔ le? 'Taɩn 'plɛɛ 'a ‑ka 'bata 'saa ‑a ‑gbötö 'amɩ le? 'Ba ja 'mɩ 'jʋlɔ.»

Marëkë 9:21

Jesu nya 'bete 'jʋlɔa tʋ: «I nöa' 'ɔɔn 'ia jrüü ‑si?» 'Iibäa' 'jʋa tʋ nɩ: «'Ɔ ‑ka bä nyʋklɔ 'unya 'bla 'ɔɔn,

Lukë 9:39

‑Susu 'doo nya 'cere 'ɔɔn ‑gälɩ, 'a ‑plɩɩ 'ɔ kʋ dotro 'unya 'kpölö 'ɔɔn, ‑bɛ 'ɔ tɩtrɛ ‑gböösa, ‑bɛ ‑tatrii 'cie 'ɔa mlɩ. 'U nö 'ɔɔn ‑gbi ‑gba. 'U ma nëmäa' 'ɔɔn ‑gälɩ sɔ 'i klalɩ.