Marëkë 8:34 - Kuö Dëdrä Jenɛɛsë Rutë

³⁴ 'Ɔnya we 'ɔa 'wʋnyɛrɛnyüü nyra ‑jria 'ɔnya ‑gbala 'üün: «Nyɔɔ o nyɔɔ 'bataa' nyra 'ɔɔn 'mä 'wʋnyɛrɛ nɩ, ɔ ‑trɔ 'ɔa nyufaa ‑gä, ɔ 'pie 'ɔa krʋaa ‑plɩ ‑gälɩ 'kä 'ɔ jö ‑bɛ 'nyraa 'ɔɔn 'mä 'nyɛ.

Marëkë 8:34 Referans Kwoze

Matiö 10:38

Nyɔɔlɔ 'nyɩ ‑gbötöa' 'ɔa krʋa ‑bɛ ɔ 'daaa' 'ɔmä 'mɩ dɛrɩprɛ nɩ, 'ɔnyɩ 'mɩ 'klɩ ‑a 'wʋ.

Jaan 10:27

'Na ‑bablëë 'nöö 'na mlɩa wii 'wli; 'n jre 'üün, ‑bɛ 'ü prɛ 'mɩ dɛrɩ.

Galaatënyüü 5:24

Nyüülü bäa' Jesu 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

1 Jaan 3:16

Amɔlɔ nɩ, a jre dɛɛlɛ bäa' ‑wawakʋ, 'be 'ɔ 'sa 'ɔa 'klä ana ‑gʋ. Ana 'mʋgbɛlü nɩ, a kä amä ana 'klä ‑nyɩ ana ‑wlajüa ‑gʋ.

Matiö 16:24

'I ‑sia' nɩ, Jesu nya ‑gbala 'ɔa 'wʋnyɛrɛnyüü: «Nyɔɔ o nyɔɔ 'bataa' nyra 'ɔɔn 'mä 'wʋnyɛrɛ nɩ, ɔ ‑trɔ 'ɔa nyufaa ‑gä, ɔ 'pie 'ɔa krʋaa ‑plɩ ‑gälɩ 'kä 'ɔ jö ‑bɛ 'nyraa 'ɔɔn 'mä 'wʋnyɛrɛ.

Filipënyüü 3:10

Dɛɛlɛ 'n 'bataa' nɩ, 'iibä ‑a jre 'Kriisë nyra 'ɔa 'kuaabresɔsɔkʋa 'klü; 'nyraa 'ɔɔn 'mä 'ɔa ‑sʋɩ ‑gbötö, 'nyraa 'ɔɔn 'mä 'wʋjärä,

Rɔmënyüü 8:17

‑Bɛ a bäa' 'ɔa 'jü nɩ, a bä bɩa ‑jaajinyüü: Nyɔsʋaa ‑jaajinyüü a bä, a nyra 'Kriisë kɔsɔ, ima 'daa 'kasa a nyra 'ɔɔn 'järä ‑sʋɩ 'wʋ nɩ, a nyra 'ɔɔn nya bɩa 'bʋalaa.

Lukë 9:23

'Ɔnya ‑gbala nyüüa 'fɩɔ: «Nyɔɔ o nyɔɔ 'bataa' 'nyraa 'ɔɔn 'mä 'wʋnyɛrɛ nɩ, ɔ ‑trɔ 'ɔa nyufaa ‑gä, ɔ 'pie 'ɔa krʋa ‑plɩ ‑gälɩ ‑srɩ ‑o ‑srɩ 'kä 'ɔ jö ‑bɛ 'nyraa 'ɔɔn 'mä 'nyɛ.

Kolɔɔsënyüü 3:5

'Ii känyrɩ, 'ba fio diili kä 'fɩɔ bäa' ‑pɩ ‑tʋtʋ ‑gälɩa dii, ibäa' 'amɩ 'lɩa, 'ia ‑gʋ: ‑sagbili Nyɔsʋa 'nyɩ 'bataa', ‑gbili plaa' nyɔɔ ‑fre 'lɩ, dɛɛnyükäkäkʋlʋ bäa' 'nyüsü 'wʋ ‑bɛ u bʋbɔa', nyra diili 'anyɩa' kä 'ia dɛɛnyükäkäkʋ; 'iibä ‑wäsɩa ‑pʋpʋakʋ.

Filipënyüü 3:7

‑Maa 'ia diilia 'fɩɔ 'maa 'jääa' ‑beere 'cɩcadii nɩ, ama 'jä ‑mlatɩ 'imɩ nɩ, 'i ‑beere cacɩ, 'Kriisëa ‑gʋ.

1 Piɛɛrë 4:1

'Sɩrɩ 'Kriisë 'järäa' 'ɔa 'jajɛa 'mlɩ ‑sʋɩ ana ‑gʋ nɩ, 'ana 'mʋgbɛ 'ba 'klaa 'ia bobowli, 'be nyɔɔlɔ 'järäa' 'ɔa fugbaa 'mlɩ ‑sʋɩ nɩ, 'ɔ 'a ‑balʋ 'pie.

Galaatënyüü 6:14

'Mɔɔlɔ nɩ, 'nyɩ 'bata 'na nyufaa srarakʋ ‑a, ima 'nyɩ ana 'Pläkänyɔɔ Jesu 'Kriisëa krʋaa ‑gʋ ‑a bä. 'Äa ‑gʋ 'pläa 'mlɩa diia 'fɩɔ ‑beere jäjädii 'na 'klɩ. ‑Bɛ 'na 'mʋgbɛ 'n ‑beere jäjänyɔɔ 'pläa 'mlɩa diia 'klɩ.

1 Korɛɛntënyüü 15:31

'Na ‑wlajü 'amɩ, ‑srɩ o ‑srɩ jä 'n jä! 'Tasɩrɩa 'cɩcasa bäsaa, 'be 'amɔ bä 'na dɔrʋ ana 'Pläkänyɔɔ 'Kriisë Jesu 'lɩ.

Rɔmënyüü 6:6

A jre 'iin 'sɩrɩ 'ɔɔ ‑bɛ ana ‑kätɩnyɔɔ koloa' ‑pɩɔ 'doo 'wʋ. 'Ii känyrɩ ‑taa ‑balʋfugbalä kä 'ämä bʋblɔ a ‑kapɩ ‑balʋa ‑goou bä.

Lukë 14:33

'Asɩ nyɔɔ o nyɔɔ bäa' 'ana ‑tɔrʋpɩɔ ma 'nyɩ diili kä 'fɩɔ 'ɔ 'klaaa' dɛrɩ ‑a sɔ nɩ, 'ɔnyɩ 'lɩ ‑a bɩa ɔ bä 'na 'wʋnyɛrɛnyɔɔ.»

2 Piɛɛrë 1:14

'Be 'n jresaa 'n jö 'lee 'mä 'ana ‑tɔrʋpɩɔ sɔ, 'sɩrɩ ana 'Pläkänyɔɔ Jesu 'Kriisë sraraa' 'mɩ 'iin.

1 Piɛɛrë 4:13

‑Maa abɩa dɔrʋ 'bla 'amɩ ‑sʋɩlɩ 'a 'jääa' 'Kriisëa ‑gʋ. 'Ia 'taɩn 'lɩ dɔrʋ nya 'amɩ 'klɩ 'sia 'taɩn 'lɩ 'ɔmäa' ‑srɩɩ ji 'ɔa 'wliklɩbʋbʋakʋ 'lɩ.

Titë 2:12

'U 'kpɩa amɩ bʋbɔgbi nyra ‑taa 'pläläa diia ‑wawakʋa ‑wälɩcɛrɛkʋ, amä ‑pɩ ‑tʋtʋ ‑gälɩ kʋ 'lɩglasa, ana 'klä 'mä 'klɩgä ‑bɛ amä 'lɩ Nyɔsʋa ‑träärä.

Kolɔɔsënyüü 1:24

‑Sʋɛlɛ kä 'mlɩ 'n bäa' 'köklesaplɩɩ 'ana ‑gʋ nɩ, 'i kä 'mɩ dɔrʋ 'wʋ. 'Na 'jajɛa 'mlɩ 'n ‑ka 'jää ‑sʋɩlɩ tɩɔa' 'lɩ, i 'Kriisë nëmä ɩa' 'jä 'ɔa fugbalä bäa' 'Cɛcɩ, 'äa ‑gʋ.

Akëtë 14:22

Nyüülü toroa' Jesu plɛ nɩ, 'ü 'paa 'üa nyɔsʋaplɛ 'klü 'lɩ abɩa 'üa nyɔsʋaplɛ ‑sɔɔrɔwʋ. ‑Bɛ 'ü ‑gbala 'üün: «A kä amä ‑sʋɩ 'kɔkɔmlɛ 'lɩ ‑srörö ‑bɛ amä Nyɔsʋaa 'kamapläa 'mlɩ pa.»

Lukë 18:22

'Ɔ 'wlaraa' Jesu nya ‑gbala 'ɔɔn: «Dɛɛ 'dee ‑ka tɩɔ 'lɩ ‑mɩ: mi, 'pa diili kä 'fɩɔ ‑klaaa' 'peru, ‑nyɩ 'iin 'pʋablanyüü, ‑bɛ ‑mä 'bɩɔ cɛlɩ kälä, 'kä ‑jö ‑bɛ 'nyraa ‑mɔ 'mä 'nyɛ.»

Lukë 13:24

«'Ba 'palɩ 'klü 'amä 'mëmla jɔa mlɩ ‑srörö. 'Cɩcasa 'n ‑gbala 'amɩ: nyüü 'kɔkɔmlɛ nya 'daa 'ümä 'lɩ ‑srörö, ‑maa 'ü ‑nëmä 'lɩ ‑a bɩa.

Matiö 27:32

'Ü 'ciea' bätä nɩ, 'ünya 'jä Sirɛɛnëbätäa nyɔɔ 'doo 'ü 'daraa' Simɔɔ. 'Ünya kʋ 'ɔɔn 'klɩ 'ɔmä Jesua krʋa ‑gbötö.

'Nyügälɩjawii 2:10

‑Sʋɩlɩ ‑nëmäa' 'jä 'nyɩ kä ‑mɩ ŋalɛ 'wʋ. Ponyakli. Sataan nya 'amɩ 'traɩn a: 'ɔnya 'ana ‑tɔrʋpɩɔa ‑mölöö 'kplaa kä 'ɔnya 'üün ‑jie 'lɩ 'pa, 'kä 'anya ‑sʋɩ 'jä ‑kpraalɩa jrüü ‑pʋ. ‑Maa ‑sɔɔrɔwʋ ‑bakää 'ünyɩ 'bla ‑mɩ, ‑bɛ 'mä ‑mɩ 'kläa 'wlugbö ‑nyɩ.

Ebröönyüü 13:13

'Ii känyrɩ, a 'cie amä tɛrɩ 'ɔ bäa' mi. A 'nyie 'ümä amɩ 'nyüsü 'blara ‑beere 'ɔɔn.

2 Tɛsalonikënyüü 3:11

‑Bɛ a 'nöö ‑maa 'ana ‑tɔrʋpɩɔa nyüü ‑mölöö bälɩ 'ü ‑fɛ, 'ünyɩ ‑fɛ 'jrʋpa ‑a. ‑Maa nyüüa wiia mlɩ 'ü 'papla 'më.

1 Korɛɛntënyüü 9:19

‑Yɛɛ 'n 'mrɛɛ ‑a nʋ wiia 'fɩɔ, 'n nrörö 'na nyufa nyüüa 'fɩɔa ‑geei 'lɩ 'mä nyüü 'kɔkɔmlɛ 'jä.

1 Korɛɛntënyüü 8:13

'Ii känyrɩ, 'ima 'daa jijrɛ 'n jöa' 'ɛɛ 'mä 'na ‑wlajʋ ‑balʋ 'lɩ bere nɩ, 'n ‑ka ‑nëmä mrɛɛ ‑a ji 'plɔʋ, 'nyɩ ‑pɩ 'ɔɔn ‑balʋ 'lɩ be.

Jaan 19:17

Jesu ‑gbötö krʋalä kä ‑gälɩ 'ümäa' 'ɔɔn kolo, 'ünya 'cie bätä, 'ünya mi ‑plɩɩlɩ 'ü 'daraa' 'Wukapɛa ‑gba; 'ii 'ü 'dara Gɔlëgotaa Ebrööwii 'lɩ.

Lukë 20:45

Nyüüa 'fɩɔ ‑ka ponyakli, Jesu nya ‑gbala 'ɔa 'wʋnyɛrɛnyüü:

Marëkë 10:21

Jesu tɛ 'ɔɔn 'klɩ tee, 'ɔnya ‑wa 'ɔɔn; 'iibä: «Dɛɛ 'dee ‑ka tɩɔ 'lɩ ‑mɩ; mi, 'pa diili kä 'fɩɔ ‑klaaa' 'peru, ‑nyɩ 'iin 'pʋablanyüü, ‑bɛ ‑mä 'bɩɔ cɛlɩ kälä, 'pie ‑na plɛ 'klɩa ni, 'pie ‑na krʋa ‑plɩ ‑gälɩ, 'kä ‑jö ‑bɛ 'nyraa ‑mɔ 'mä 'nyɛ.»

Marëkë 7:14

'I ‑sia' nɩ, Jesu nya we ‑jriaa 'fɩɔ, 'ɔnya ‑gbala 'üün: «'Ana 'fɩɔ 'ba po 'mɩ 'nyakli, 'ba 'nu 'mɩ 'wli!