Marëkë 6:6 - Kuö Dëdrä Jenɛɛsë Rutë

⁶ 'Ünyɩ 'ɔɔn plɛ ‑a toro; 'i 'kala 'ɔɔn plɛklɩ. 'Ɔnya ‑gblaara bätëlë kɔkɔa' 'lɩ ‑gba, ‑bɛ 'ɔ 'kpɩa.

Marëkë 6:6 Referans Kwoze

Matiö 9:35

'I ‑sia' nɩ, Jesu mö bätë jie nyra bätë kpaküa 'mlɩ ‑bɛ 'ɔ 'kpɩa nyüü 'üa 'sraaplanyëkaa ‑wälɩ, 'ɔ 'sara 'lɩ 'üün 'Kamapläa 'Mʋfagogo, ‑bɛ 'ɔ ‑futo nyüüa ‑wusua 'fɩɔ nyra 'üa mɩmɩakʋa 'fɩɔ.

Matiö 8:10

Jesu 'nua' 'iin 'wli nɩ, 'i kala 'ɔɔn plɛklɩ. 'Ɔnya ‑gbala nyüülü prɛa' 'ɔɔn dɛrɩ ‑maa: «'Cɩcasa 'n ‑gbala 'amɩ, 'nyɩ 'samaa plɛtoronyɔɔ Israɛɛlënyüüa 'mʋgbɛa ‑tɔrʋpɩɔ ‑a 'järä.

Lukë 13:22

Jesu ‑srörö bätë kpakü nyra bätë jiea 'mlɩ, 'ɔ 'kpɩa nyüü ‑bɛ 'ɔ mö Jerusalɛɛmë.

Akëtë 10:38

'A jre 'iin 'sɩrɩ Nyɔsʋa ‑tʋa' 'Nyüna ‑Susu nyra 'klü Nasarɛɛtënyɔɔ Jesu ‑gälɩ, ‑bɛ 'ɔ ‑nyɩa' 'ɔɔn 'klü, 'sɩrɩ 'ɔ ‑sröröa' ‑tʋtʋa 'fɩɔ ‑gälɩ, 'ɔ nöa' 'mʋfagbi ‑bɛ 'ɔ ‑futoa' nyüülü kä 'fɩɔ ma bäa' Sataan a ‑goou; 'be Nyɔsʋa bä kä 'ɔɔn dɛrɩ.

Jaan 9:30

'Iibäa' nyɔɔlɔ nɩ: «'A wiili kalaa' 'mɩ plɛklɩ, 'anyɩ 'ɔa sɔfa ‑a jre, ‑bɛ 'ɔɔ ‑jie 'na 'nyü.

Matiö 4:23

Jesu nya mi Galileea 'pläa 'fɩɔ ‑gälɩ, 'ɔ 'kpɩa nyüü 'üa 'sraaplanyëka ‑wälɩ ‑bɛ 'ɔ 'sara 'lɩ 'Kamapläa 'mʋfagogo, ‑bɛ 'ɔ 'pʋɔ nyüülü ‑wusu 'blaaa' nyra ü 'jääa' mɩmɩakʋa 'fɩɔ.

Lukë 4:44

‑Bɛ 'ɔ 'pala nyɔsʋaawii Galilee 'sraaplanyëka ‑wälɩ.

Lukë 4:31

'Ɔnya mi Kapɛrënaumë, Galileea ‑tʋtʋ ‑gälɩa bätä; ‑bɛ 'ɔ 'kpɩa juifëa ‑fʋflʋpasrɩ 'lɩ.

Marëkë 1:39

'Ɔnya mi Galileea 'pläa 'fɩɔa ‑gälɩ, 'ɔ 'pala 'üa 'sraaplanyëka ‑wälɩ nyɔsʋaawii ‑bɛ 'ɔ prɛ domüü.

Marëkë 10:1

Jesu nya sɔwʋ, 'ɔnya 'prɛrɛ 'nielɛ 'ü 'daraa' Jurëdɛɛn, 'ɛa 'pɛ ‑mɩdee ‑gälɩ, 'i 'ɔ ‑srörö 'ɔnya 'tɔrɔ Judeea ‑tʋtʋ ‑gälɩ. Nyüü nya 'patä 'ünya trara 'ɔɔn 'klɩ; 'kpɩkpɩakʋ bäa' 'ɔa ‑dɔ nɩ, 'ɔ ‑tʋ 'sɔɔwʋ 'lɩ 'üa 'kpɩkpɩakʋ.