52 ‑bɛ 'ünyɩa' bobokʋ kä nɩ, 'flɔɔa ‑saragbili Jesu nʋa', 'ünyɩ 'ia ‑gbaa 'wli ‑a 'nu.
'Ɔnya ‑gbala 'üün: «Abɩa 'amɔ 'nyɩ 'lɩgla! Wiili kä 'fɩɔ nyɔsʋaamlɩpalanyüü 'paa' 'anyɩ 'iin plɛ ‑a toro. Abɩa 'ana 'nunukʋ klalɩ!
'I mia' blökalɩ nɩ, 'üa nyüüpʋnyɔɔdoo jö ɩ dɛɛ, 'ɔnya 'tɔrɔ 'üa ‑tɔrʋpɩɔ; 'ü 'jäa' 'ɔa 'kuaabresɔdɛɛ ‑bɛ 'ünyɩa' 'iin wii 'dara, 'ia ‑gʋ 'ɔ 'daa 'üün 'sɩrɩ 'ü 'sua' 'nyakliwli ‑bɛ 'ünyɩ toroa' 'ɔɔn plɛ.
‑Asɩ anya ‑gba le? Dɛɛlɛ Israɛɛlë 'bataa' 'ünyɩ 'ɛɛn 'jä ‑a 'jä, ‑maa ‑mülü Nyɔsʋa 'baa' 'lɩ nɩ, 'ü 'jä dɛɛlɛ 'ü 'bataa'. ‑Mülü nɩ, Nyɔsʋa nya bälä 'üa plɛ kälɩ,
'Ɔnya ‑gbala 'üün: «'Ana 'mʋgbɛ ‑kaaŋlʋ 'saa 'lɩgla? 'Anyɩ 'saa ‑a jre 'sɩrɩ dɛɛlɛ sɔa' ‑fälɩ ɛ möa' nyɔɔa 'mlɩ, ‑mää 'ɛɛ 'nyɩ pla 'ɔɔn ‑fre?
'Üa plɛbʋbɔkʋ pa 'ɔɔn ‑gba 'crɛsa 'ɔnya ‑piie 'üün 'nyü ‑gälɩ, 'ɔnya ‑gbala nyɔɔlɔ: «To ‑na klʋgba.» Nyɔɔlɔ toa' 'ɔa klʋgba, 'änya 'pʋ ‑beere klʋgba ‑mälä.
'Ɔ 'nɔɔrɔ 'ümɩ; 'ɔnya 'bʋala 'üa plɛ, 'ü ‑pɩ 'nyü nʋ 'ü ‑pɩ 'käjä, 'üa plɛ ‑pɩ wii 'wli 'nu, 'ü ‑pɩ 'na 'pɛlɩ tɛ 'nyɩ ‑pɩ 'üün 'pʋɔ .