Marëkë 5:7 - Kuö Dëdrä Jenɛɛsë Rutë

⁷ 'ɔnya 'kpölɩkä: «Wii 'plɛɛ bä 'nyraa ‑mɔ 'sɔa ‑tɔrʋpɩɔ le, 'Wʋsi Nyɔsʋaa 'Jʋ Jesu? 'N bibie ‑mɩ Nyɔsʋaa 'nyrɩklɩa ‑gʋ, ‑nyɩ nʋ 'mɩ ‑gbi ‑gba!»

Marëkë 5:7 Referans Kwoze

Matiö 8:29

'Üa 'kpökpöwiia 'mlɩ, 'ü ‑nëma: «Wii 'plɛɛ bä a nyra ‑mɔ 'sɔa ‑tɔrʋpɩɔ le, Nyɔsʋaa 'Jʋ Jesu? Amɔ ‑ji ‑gbi ‑gba nʋ 'fɩɔwʋ ‑bɛ ana ‑sʋɩa ‑srɩ 'mä 'lɩjrä ‑ale?»

Akëtë 16:17

'Ɔ prɛ amɩ dɛrɩ, amɔ ‑bɛ 'Pɔɔlë, ‑bɛ 'ɔ 'kpöö: «‑Taa nyüülü kʋa' ‑pɩ, 'Wʋsi Nyɔsʋaa 'jrʋpafɛnyüü 'ü bä! 'Ünya ji 'ümä amɩ 'nyʋfɔlʋ 'amäa' fa ‑bɛ 'amäa' 'lɩmlɩwʋ srara!»

Judë 1:6

'Aanjëlü 'nyɩa' bɩa 'üa 'kamablɩa 'mlɩ kʋ ‑bɛ ü sɔa' 'lɩ nɩ, Nyɔsʋa 'pa 'üün 'cɩ 'jöjrüükpü 'lɩ 'plɔʋplɔʋa ‑gʋ, 'ümä ‑gäa ‑srɩ ‑susugbee ‑glaaa.

Matiö 26:63

‑Maa Jesu 'nyɩ mɛ ‑a cɛ. ‑Gbɔsapɛrɩnyɔɔ kpakö nya 'patä 'ɔnya 'bete 'ɔɔn: «'Lɩbä Nyɔsʋaa 'nyrɩklɩa ‑gʋ, ‑gbala 'mɩ! ‑Mɔ bä 'Kriisë, Nyɔsʋaa 'Jʋ?»

'Nyügälɩjawii 12:12

'A 'ia ‑gʋ, 'amɔ nyüülü kʋa' cɛlɩ, abɩa dɔrʋ 'bla 'amɩ! ‑Maa busukʋ nëmä ‑tʋtʋ ‑gälɩa nyüü nyra 'tanie 'lɩa nyüü ‑gälɩjrä! 'Be Sataan 'a 'ana 'pɛlɩ 'cere, 'crɛ 'si 'ɔa plɛklɩ; 'be 'ɔ jre 'iin 'sɩrɩ jrüülü tɩɔa' 'lɩ 'ɔɔn ‑kanyɩa' ‑sümlö.»

Akëtë 19:13

'Ii känyrɩ juifëlü ‑piiea', 'ü prɛa' ‑balʋsisi nɩ, 'Pläkänyɔɔ Jesua 'nyrɩ 'ü nö ‑bɛ 'ü prɛ ‑balʋsisili bäa' nyüü ‑gälɩ. 'Ü ma nö: «Jesulɔ kä ‑gä 'Pɔɔlë 'paaa', 'ɔa 'nyrɩklɩa ‑gʋ a ‑gbala 'amɩ: ‹'Ba 'cie!› »

Lukë 8:28

'Ɔ 'jäa' Jesu nɩ, 'ɔnya blö 'ɔɔn bei 'wʋ; 'ɔnya 'kpölɩkä: «Wii 'plɛɛ bä 'nyraa ‑mɔ 'sɔa ‑tɔrʋpɩɔ le, 'Wʋsi Nyɔsʋaa 'Jʋ Jesu? 'N bibie ‑mɩ, ‑nyɩ nʋ 'mɩ ‑gbi ‑gba!»

Marëkë 3:11

‑Frepasisi ‑mɔmɔɔ, 'asɩ 'i 'jääa' 'ɔɔn 'asɩ 'i 'paa 'ɔa 'klɩ kotifli 'kä 'i ma 'kpökpölɩkä: «‑Mɔ bä Nyɔsʋaa 'Jʋ!»

Matiö 4:3

'Traɩnyɔɔ Sataan nya jijrö 'ɔɔn ‑gba 'ɔnya ‑gbala 'ɔɔn ‑maa: «‑Ama bä Nyɔsʋaa 'Jʋ nɩ, 'pala 'täkëlë kʋa' ‑pɩ wii ‑gba 'ümä 'flɔɔ 'lɩ 'cicri.»

1 Jaan 3:8

Nyɔɔ nöa' ‑balʋ nɩ, Sataan a 'jʋ 'ɔ bä, 'be 'bala 'käkolofa 'wʋ Sataan nö ‑balʋ. ‑Bɛ Nyɔsʋaa 'Jʋ ji 'ɔmä Sataan a 'jrʋpa ‑gblooo.

2 Piɛɛrë 2:4

'A jre 'iin 'sɩrɩ, Nyɔsʋa 'nyɩa' 'aanjëlü nʋa' ‑balʋ 'klɩ ‑a bere, ‑maa 'ɔ be 'üün 'lɩtʋŋlɔbütügbaa 'mlɩ, 'ü 'pala 'cɩ 'jöjrüükpü 'lɩ; 'üa ‑gätʋtaɩn 'ü ‑glaaa.

Marëkë 1:24

«‑Yii! Wii 'plɛɛ bä a nyra ‑mɔ kɔsɔa ‑tɔrʋpɩɔ le, Nasarɛɛtënyɔɔ Jesu? Amɔ ‑ji bʋblɔ? 'N jre nyɔɔlɔ bäa': Nyɔsʋaa 'Nyünanyɔɔ, 'ɔɔ ‑bä!»

Matiö 16:16

Simɔɔ Piɛɛrë nya 'saa 'ɔɔn ‑gälɩ 'ɔ ‑nëma: «‑Mɔ bä 'Kriisë, 'Lɩbä Nyɔsʋaa 'Jʋ.»

Jenɛɛsë 3:15

'Nyaa ‑mɔ bɛ 'ŋlʋʋa ‑tɔrʋpɩɔ ‑yrɛ berea, 'nyaa bɩa ‑na 'jüa 'jü nyra 'ɔa 'jüa jüa ‑tɔrɔpɩɔ ‑yrɛ berea. 'Ɔnya ‑na 'wli 'käsusroa, 'kä ‑nya 'ɔa bɔtötö mlu.»

Ebröönyüü 7:1

Mɛlëkesedɛkëlɔ nɩ, 'ɔ ma bä Salɛmëa 'kɩɩ nyra 'Wʋsi Nyɔsʋaa ‑gbɔsapɛrɩnyɔɔ. Abraamë sɔa' tou 'wʋ, 'ɔ bɔtɔa' 'kɩɩɩ ‑bɛ 'ɔ jöa' nɩ, Mɛlëkesedɛkë 'jrara 'ɔɔn 'klɩ 'ɔnya 'pa 'ɔɔn 'nɩ.

Ebröönyüü 2:14

‑Bɛ 'jülü bäa' nyɔɔa 'jajɛ nyra nyɔɔa ‑toru nɩ, 'asɩ Jesua 'mʋgbɛ 'cicri 'ɔa nyufa nyɔɔ 'lɩ; ‑bɛ ɔma jä nɩ, 'ɔmä nyɔɔlɔ 'klaaa' jäjäa 'klü kälɩ ‑gblooo, ɔ bäa' Sataan.

Akëtë 8:36

'Ü möa' a 'doo nɩ, 'ünya 'tɔ 'nie 'dee ‑gba. Nyɔɔlɔ ‑nëma: «‑Jää 'nie, 'nyɩ 'lɩ ‑a bɩa ‑a 'pala 'nɩwli?»

Jaan 20:31

‑Mɩlɩ kʋa' ‑pɩ nɩ, 'i ‑jɩjra 'kä 'amä 'saa jre Jesu bä 'Kriisë. 'Ɔ bä Nyɔsʋaa 'Jʋ, 'ama toro 'ɔɔn plɛ, 'amä 'klä 'jä 'ɔa 'nyrɩklɩ.

Lukë 6:35

‑Maa 'amɔlɔ nɩ, 'ba ‑wa nyüülü bäa' 'ana 'kpɛɛ 'lɩ, 'kä 'a nö 'üün 'cɩcagbi ‑gba. 'Ba ‑nyɩ 'üün, 'kä 'anyɩ bobo 'ümä 'amɩ dɛɛ ‑nyɩ. 'Ama nʋ 'saa nɩ, 'anya 'pɛɛ kpaki 'jäa, 'kä 'anya 'Wʋsi Nyɔsʋaa 'jü bä. 'Be 'ɔɔlɔ nɩ, nyüülü 'nyɩ jrea' nyüüa 'cɩcagbi, nyra plɛbʋbɔnyüü, 'ɔ nö 'cɩcagbi ‑gba.

Lukë 4:34

«‑Yii! Wii 'plɛɛ bä a nyra ‑mɔ kɔsɔa ‑tɔrʋpɩɔ le, Nasarɛɛtënyɔɔ Jesu? Amɔ ‑ji bʋblɔ? 'N jre nyɔɔlɔ bäa': Nyɔsʋaa 'Nyünanyɔɔ, 'ɔɔ ‑bä!»

Lukë 1:32

'Ɔnya nyɔɔ bäa, 'kä 'ünya 'ɔɔn Nyɔsʋalɔ ‑sia' 'wʋa 'Jʋ 'dara, 'kä 'Wʋsi Nyɔsʋalɔ nya 'ɔɔn 'kɩɩ 'lɩnrörö, ‑beere 'ɔa tʋ Daviidë;

Marëkë 14:61

Jesu 'nyɩ mɛ ‑a cɛ. ‑Gbɔsapɛrɩnyɔɔ kpakö nya 'patä 'ɔnya 'bete 'ɔɔn: «‑Mɔ bä 'Kriisë, Nyɔsʋalɔ 'palaa' 'nɩ, 'ɔa 'jʋ?»

Rɔmënyüü 16:20

Nyɔsʋalɔ ‑nyɛɛɛa' plɛgälɩflɛrɛkʋ jö 'lee 'ɔmä Sataan 'ana bei ‑wälɩ 'käsusro. Abɩa ana 'Pläkänyɔɔ Jesu 'Kriisëa ‑gbinanakʋ bä 'ana ‑tɔrʋpɩɔ. 'Asɩ i bä.

Marëkë 5:6

Jesu 'ciea' ‑gɔlʋ 'lɩ nɩ, 'ɔ ‑ka tʋŋlɔlɩdɛrɩ nyɔɔlɔ nya 'jä 'ɔɔn, 'ɔnya fɔ 'ɔnya ji 'ɔa 'klɔɔtrʋ kotifli 'pa,

Marëkë 5:8

‑Bɛ Jesu ‑ka 'pa ɩ wii: «'Cie nyɔɔlɔ 'lɩ, ‑mɔ ‑taa ‑frepasulu!»

Jaakë 2:19

'Sɩrɩ Nyɔsʋa bäa' 'doo ‑daara 'iin wii; 'i 'na. Domüüa 'mʋgbɛ 'dara 'iin wii, ‑bɛ 'asɩɛ 'ü tɩtrɛ ŋalɛa ‑gʋ.