30 Jesu nya jre 'iin dotro 'sɩrɩ 'klü 'ciea' 'ɔɔn 'lɩ. 'Ɔ ‑siea' kälɩ, ‑jria 'ɔ 'bete: «Nyɔɔ 'plɛɛ ‑fɛ 'na 'lɩpadɛɛ ‑gba le?»
Nyüüa 'fɩɔ 'bata 'ümä 'ɔɔn ‑gbafɛ, 'be 'klü 'cie 'ɔɔn 'lɩ 'kä 'ɔ 'pʋɔ 'üa 'fɩɔ.
‑Maa Jesu ‑nëma: «Nyɔɔ ‑fɛ 'mɩ ‑gba, 'be 'klü 'cie 'mɩ 'lɩ.»
'Taɩn 'doo 'lɩ, ‑bɛ Jesu 'kpɩa' nɩ, Farisinyüü nyra ‑dɔkpɩanyüü bä ‑plɩɩ. 'Ü sɔ Galilee nyra Judeea bätëa 'fɩɔ ‑gälɩ. ‑Mölöö sɔ bɩa Jerusalɛɛmë. ‑Bɛ 'Pläkänyɔɔ Nyɔsʋaa 'klülü bäa' 'ɔɔn ‑gälɩ ‑futo ‑wusublanyüü.
‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.
'Iibäa' 'ɔa 'wʋnyɛrɛnyüü nɩ: «‑Jää nyüü 'ü 'kakla ‑mɩ 'klɩ, ‑bɛ ‑beete: ‹Ɔ ‑fɛ 'mɩ ‑gba le?› »