29 'A ‑plɩɩ ‑torulu kʋ dotro 'unya 'nyüglö; 'ɔa 'mʋgbɛ 'jäa' 'ɔa 'jajɛa 'mlɩ nɩ, 'ɔ jresaa 'ɔ 'a 'pʋ.
Jesu nya ‑gbala 'ɔɔn: «'Na 'jʋ, ‑na nyɔsʋaplɛtorokʋ 'a ‑mɩ 'pʋɔ, mi, abɩa ‑na fugbaa 'mlɩ flɛrɛ! ‑Wusulu 'blaaa' ‑mɩ nɩ, 'u ‑kanyɩ 'bla ‑mɩ.»
'Ɔ 'pʋɔa' ‑wusublanyüü 'kɔkɔmlɛ nɩ, nyüülü kä 'fɩɔ ‑wusu 'blaaa' nɩnɩa 'ümä 'ɔɔn ‑gbafɛ.
'A 'ia 'taɩn 'doo 'lɩa mlɩ, Jesu ‑futo ‑wusublanyüü 'kɔkɔmlɛ nyra nyüü ‑mülü bäa' ‑sʋɩ 'lɩ. 'Ɔnya prɛ ‑balʋsisili bä ɩa' nyüü ‑mölöö 'lɩ. 'Ɔnya ‑jie 'nɔnɔnyüü 'kɔkɔmlɛa 'nyü 'ünya 'jäkä.
'Ŋlʋʋ 'doo bä ɩ ‑plɩɩ, ‑toru 'ciea' 'ɔɔn 'lɩ 'ia ‑sɩ ‑pʋ ‑sɩ 'sɔɔ. 'Ɔnya ja Jesua dɛrɩ 'ɔnya ‑fɛ 'ɔa 'lɩpadɛɛa 'mäklɩ ‑gba.
‑Jää 'sɩ 'ɔ ‑gbaa' 'ɔa plɛklɩ nɩ: «Ama nya ɩ dɩɛ 'ɔa 'lɩpadii ‑gbafɛ, 'nyaa 'pʋa.» 'A 'ia ‑gʋ 'ɔ ‑fɛ Jesua 'kotu ‑gba.