Marëkë 4:20 - Kuö Dëdrä Jenɛɛsë Rutë

²⁰ ‑Maa i böblöa' 'mʋfa ‑tʋtʋ ‑gälɩ nɩ, 'a nyüülü 'nöa' nyɔsʋaawii 'wli ‑bɛ 'ü toroa' 'iin plɛ. ‑Gö 'döö tʋä ‑glʋ ‑bɛ ‑pʋ (30), ‑mölöö tʋä ‑glʋɩtää (60) ‑bɛ ‑mölöö tʋä ‑glʋɩgböö (100).»

Marëkë 4:20 Referans Kwoze

Kolɔɔsënyüü 1:10

'Ia 'taɩn 'lɩ nɩ, 'a 'mrɛɛ 'amä 'Pläkänyɔɔ 'tʋkä wiia 'fɩɔa 'mlɩ; 'a 'mrɛɛ 'amä 'ɔa 'klʋɩ 'nyɛrɛ. 'Anya 'mʋfagbia 'kaɩn 'kaɩn nʋa ‑beere tuu ‑tʋa', 'kä 'ana nyɔsʋajejrekʋ nya ‑gälɩpapla.

Lukë 8:15

'Mʋfatʋtʋlʋ kä ‑gälɩ 'jaju böblöa' nɩ, 'a ‑mülü nʋa' 'üa plɛ ü 'kplaa' nyɔsʋaawii 'cɩcasa, 'ünyɩ ‑trɔa' 'iin, ‑bɛ 'ü tʋäa' ‑bakää ‑sʋɩ bälɩ.

Marëkë 4:8

‑Moloo nya böblö 'mʋfa ‑tʋtʋ 'lɩ; 'unya ‑ga, 'unya tʋ 'mʋfasa. ‑Gö ‑mölöö tʋä 'jaju ‑glʋ 'jaju ‑pʋ (30), ‑mölöö tʋä 'jajua ‑glʋɩtää (60) ‑bɛ ‑mölöö tʋä ‑glʋɩgböö (100).»

Matiö 13:23

‑Maa papladiili blöa' 'mʋfa ‑tʋtʋ ‑gälɩ, 'a nyɔɔlɔ poa' nyɔsʋaawii 'nyakli ‑bɛ 'ɔ 'nöa'. 'Ɔɔ ‑beere papladiili kä ‑gö 'döö tʋäa' ‑glʋɩgböö (100), ‑mölöö tʋäa' ‑glʋɩtää (60), ‑bɛ ‑mölöö tʋäa' ‑glʋ ‑bɛ ‑pʋ (30).»

2 Piɛɛrë 1:8

'Be 'ama 'klaa 'samaa nʋnʋgbi nɩ, ‑bɛ 'ima bä 'amɩ 'lɩa 'doo nɩ, 'inya 'iin nʋa 'kä ana 'Pläkänyɔɔ Jesu 'Kriisëlɔ a jrea', 'ɔa 'jrʋpa ‑nëmä tɩɔ ‑a tɩɔ.

Jenɛɛsë 26:12

Isaakë nya pla papladii 'üa 'brea ‑tʋtʋ ‑gälɩ. 'Ia ‑sʋlʋa 'mlɩ, 'ɔa papladii 'wʋlɩmlɩ ‑gböösa; 'ɔa papladii 'wʋlɩ mlɩ 'wʋ ‑glʋɩgböö 'wʋ (100). 'Be Yawe 'paa 'ɔɔn 'nɩ.

Rɔmënyüü 7:4

'Na ‑wlajü 'amɩ, 'asɩ 'a bä bɩa. ‑Dɔa 'mlɩ nɩ, jäjänyüü 'a bä 'be 'Kriisë jäa' nɩ, 'a nyra 'ɔɔn järä ‑pɩɔ 'doo 'wʋ. 'Ii känyrɩ 'ɔɔ kä 'amɩ, 'ɔɔ Nyɔsʋa 'ba 'kuaabre. 'Ii känyrɩ 'ɔɔ kä amɩ amä 'cɩca 'bü tʋ Nyɔsʋaa ‑gʋ.

Jaan 15:16

‑Mää 'amɔ 'nyɩ 'mɩ 'lɩba, ‑maa 'mɔɔlɔ nɩ, 'mɔɔ 'balɩ 'amɩ 'nya ‑tʋ 'lɩ 'amɩ 'amä tʋ, 'ana tʋtʋdii 'mä ‑wɩara. 'Ia 'taɩn 'lɩ nɩ, dɛɛ 'amäa' Tʋ ‑sɛ 'na 'nyrɩklɩ nɩ, 'ɔmä 'amɩ 'ɛɛn ‑nyɩ.

1 Tɛsalonikënyüü 4:1

'Na ‑wlajü 'amɩ, 'a 'kpɩara amɩ ‑gba 'sɩrɩ 'amäa' 'nyɛ ‑bɛ 'amäa' Nyɔsʋa 'tʋkä; 'ii 'a nö ɩ ‑piii. ‑Maa amɔ 'betre 'amɩ 'iin 'lɩ: a bibie 'amɩ, 'sɩrɩ 'a nyra 'Pläkänyɔɔ Jesu bäa' 'doo nɩ, 'ia 'nyrɩklɩ, 'ba 'palɩ 'klü 'ba nʋ 'iin a 'doo.

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

Matiö 13:8

‑Moloo nya böblö 'mʋfa ‑tʋtʋ 'lɩ; 'unya ‑ga, 'unya tʋ 'mʋfasa. ‑Gö ‑mölöö tʋä 'jajua ‑glʋɩgböö (100), ‑mölöö tʋä 'jajua ‑glʋɩtää (60), ‑bɛ ‑mölöö tʋä 'jaju ‑glʋ 'jaju ‑pʋ (30).

Jaan 15:2

Kata o kata 'maaa' 'mɩ ‑gba 'kä, ‑bɛ änyɩ tʋa' nɩ, 'ɔ 'baa 'ään 'lɩ; ‑mälä tʋäa' nɩ, 'ɔ ‑paaa 'ään 'ämä tʋ ‑gböösa.