Marëkë 3:35 - Kuö Dëdrä Jenɛɛsë Rutë

³⁵ Nyɔɔ o nyɔɔ nöa' wiili Nyɔsʋa 'daaa', 'ɔɔ bä 'na ‑wlajʋ, 'ɔɔ bä 'na ‑wladia nyra 'na 'yio.»

Marëkë 3:35 Referans Kwoze

1 Jaan 2:17

‑Bɛ 'plä ‑sööö, 'äa dɛɛnyü ‑sööö, ‑maa ‑mɔlɔ nöa' wiili Nyɔsʋa 'bataa' nɩ, 'ɔ bälɩ 'plɔʋplɔʋa ‑gʋ.

Matiö 7:21

«‑Mää nyüülü kä 'fɩɔ werea' 'mɩ: ‹'Pläkänyɔɔ, 'Pläkänyɔɔ› nɩ, ‑mää ‑nëmä cɛɩɩa 'kamapläa 'mlɩ pa. Nyɔɔlɔ nöa' wiili 'na Tʋlɔ bäa' cɛlɩ ‑gbala 'ɔɔn nɩ, 'ɔa 'doo nëmä 'lɩ pa.

Jaan 7:17

Nyɔɔlɔ 'bataa' Nyɔsʋaa mlɩa wiia 'lɩträäräkʋ nya 'iin jrea 'na 'kpɩkpɩakʋ ma sɔ Nyɔsʋaa ‑nyɛɛ, 'aiɛ ima 'daa 'na 'mʋgbɛa bobowli.

Jaakë 1:25

‑Maa nyɔɔlɔ tɛa' Nyɔsʋaa 'mʋfa ‑dɔlʋ 'pʋɔa' nyüü 'ua 'mlɩ nɩ, ‑bɛ ɔ ‑nëmäa' 'uun dɛrɩ sɔ, 'ɔ ‑nëmäa' ‑trɔ sɔsɔ, ‑maa 'ɔmäa' 'lɩ Nyɔsʋaa ‑dɔ ‑träärä nɩ, 'ia nyɔɔlɔ, dɛɛ o dɛɛ 'ɔmäa' nʋ 'ɛnya 'lɩmlɩwʋa.

Ɛfɛsënyüü 6:6

'Anyɩ ‑fɛ 'jrʋpa 'taɩn 'lɩ 'ü tɛa' 'amɩ 'klɩa 'doo ‑beere 'amä nyüü 'tʋkä. ‑Maa 'ba 'palɩ 'klü 'ba nʋ 'ana plɛa 'fɩɔ 'ba nʋ wiili Nyɔsʋa 'bataa' ‑beere 'Kriisëa ‑goou.

Ebröönyüü 10:36

'Be 'a kä 'amä plɛmlɩpa 'amä bɩa wiili Nyɔsʋa 'bataa' nʋ, ‑bɛ 'amä dɛɛlɛ Nyɔsʋa 'daaa' 'ɔmäa' 'amɩ ‑nyɩ 'jä.

1 Piɛɛrë 4:2

'Ii känyrɩ, 'taɩnlɩ tɩɔa' 'lɩ 'amɩ ‑pɩ ‑tʋtʋ ‑gälɩ nɩ, 'anyɩ prɛ nyüüa bʋbɔ ‑wawadii dɛrɩ; 'ba prɛ wiili Nyɔsʋa 'bataa' dɛrɩ.