Marëkë 2:5 - Kuö Dëdrä Jenɛɛsë Rutë

⁵ Jesu 'jäa' 'üa nyɔsʋaplɛ nɩ, 'ɔnya ‑gbala nyɔɔlɔ: «'Na 'jʋ, ‑na ‑balʋ 'a ‑mɩ cere.»

Marëkë 2:5 Referans Kwoze

Matiö 9:2

Nyüü nya 'pie kpakpanyɔɔ 'doo 'wʋpidɛɛ ‑gälɩ 'ünya ja 'ɔmɩ 'ɔɔn. Jesu 'jäa' 'üa nyɔsʋaplɛ nɩ, 'ɔnya ‑gbala nyɔɔlɔ: «'Na 'jʋ, 'pa ‑na nyufa 'klü 'lɩ! ‑Na ‑balʋ 'a ‑mɩ cere.»

Jaakë 5:15

Bibiekʋlʋ toroa' Nyɔsʋa plɛ nya ‑wusublanyɔɔlɔ 'pʋɔa. 'Pläkänyɔɔ nya 'ɔmɩ 'wʋdɔrɔa, ‑bɛ ɔma nʋ ‑balʋ nɩ, 'ɔnya 'ɔmɩ 'uun cerea.

Matiö 9:22

Jesu nya ‑siekälɩ, 'ɔ 'jäa' 'ɔɔn 'ɔ ‑nëmä: «'Na 'ŋlëkayria, 'pa ‑na nyufa 'klü 'lɩ! ‑Na nyɔsʋaplɛtorokʋ 'a ‑mɩ 'pʋɔ.» 'A ‑plɩɩ 'ŋlʋʋlɔ kʋ dotro 'ɔnya 'pʋ.

Ɛfɛsënyüü 2:8

'Be Nyɔsʋaa ‑gbinanakʋa ‑gʋ 'a 'wʋlɩmlɩ, nyɔsʋaplɛtorokʋ kälɩ 'a ‑srörö 'kä 'a 'jä 'umɩ. ‑Mää 'ana 'mʋgbɛa plɛklɩa wii ‑a, Nyɔsʋa 'ɔɔ ‑nyɛɛ 'iin 'flɛɛlɩ;

Akëtë 5:31

'Ɔɔ Nyɔsʋa 'jrara, 'ɔnya nrörö 'ɔɔn 'Cifi nyra 'Lɩmlɩbanyɔɔ 'lɩ, 'ɔmä 'iin nʋ Israɛɛlë 'mä 'lɩ ‑balʋ ‑gälɩtoro, ‑bɛ 'üa ‑balʋ 'mä cere.

Jaan 5:14

'I ‑sia' nɩ, Jesu nya jrä 'ɔɔn Nyɔsʋaanyuku kpaku ‑wälɩ; 'ɔnya ‑gbala 'ɔɔn: «‑Jää ‑mɔ, ‑nya 'pʋ; ‑kanyɩ nʋ ‑balʋ, ‑mɩlɩ 'mäa' ‑mɩ ‑gälɩjrä ‑pɩ 'wʋsi.»

Lukë 5:20

Jesu 'jäa' 'üa nyɔsʋaplɛ nɩ, 'ɔnya ‑gbala nyɔɔlɔ: «'Na ‑bei, ‑na ‑balʋ 'a ‑mɩ cere.»

Kolɔɔsënyüü 3:13

'Ba jöjrögba, ‑moloo ma nʋ ‑moloo wii ‑gba 'ima 'nyɩ 'ɔɔn 'tʋ ‑a kä nɩ, 'ba cecre wii. 'Sɩrɩ 'Kriisë cerea' bɩa 'amɩ 'ana ni: 'ana 'mʋgbɛ 'ba nʋ bɩa dɛɛ 'dee.

2 Korɛɛntënyüü 2:10

Nyɔɔlɔ 'a cerea' wii nɩ, 'n cere bɩa 'ɔmɩ 'iin. ‑Bɛ 'mɔɔlɔ nɩ, ama cere wii o wii nɩ, 'ana ‑gʋ 'n nö 'iin, 'Kriisëa 'klʋɩ.

1 Korɛɛntënyüü 11:30

'Abɩa 'ia ‑gʋ, ‑wusu 'blaa 'ana ‑tɔrʋpɩɔa nyüü 'kɔkɔmlɛ, ‑bɛ ‑mölöö kpa, ‑mölöö nya järä 'ia 'mlɩ.

Akëtë 14:9

'Taɩn 'doo 'lɩ nɩ, 'ɔ po 'Pɔɔlë 'nyakli. 'Pɔɔlë nya tɛ 'ɔɔn 'klɩ tee, 'ɔnya 'jä nyɔɔlɔa nyɔsʋaplɛ 'sɩrɩ 'ɔ bäa' 'pɔpʋɔsa.

Akëtë 11:23

'Ɔ 'tɔa' ‑bɛ 'ɔ 'järäa' Nyɔsʋaa ‑gbinanakʋ 'üa ‑tɔrʋpɩɔ nɩ, dɔrʋ 'bla 'ɔɔn, 'ɔnya 'jrara 'üa 'fɩɔa 'klü 'ɔnya ‑gbala 'üün ü nʋ 'üa plɛa 'fɩɔ ü toro 'Pläkänyɔɔ plɛ.

Jaan 2:25

'ɔnyɩ nyɔɔ ‑molooa ‑gäa ‑gbalakʋ ‑a kä, 'ɔ jre wiili bäa' nyɔɔa plɛklɩ.

Lukë 8:48

Jesu nya ‑gbala 'ɔɔn: «'Na 'ŋlëkayria, 'palɩ 'klü o, ‑na nyɔsʋaplɛ 'a ‑mɩ 'pʋɔ. Mi ‑pio, abɩa ‑na fugbaa 'mlɩ flɛrɛ!»

Marëkë 5:34

Jesu nya ‑gbala 'ɔɔn: «'Na 'jʋ, ‑na nyɔsʋaplɛtorokʋ 'a ‑mɩ 'pʋɔ, mi, abɩa ‑na fugbaa 'mlɩ flɛrɛ! ‑Wusulu 'blaaa' ‑mɩ nɩ, 'u ‑kanyɩ 'bla ‑mɩ.»

Jenɛɛsë 22:12

'Aanjë ‑nëma: «‑Nyɩ ‑fɛ 'jʋlɔ ‑gba! ‑Nyɩ nʋ 'ɔɔn dɛɛ ‑gba 'plɔʋ! 'Nyaa 'iin jre 'sɩrɩ ‑trääräa' 'lɩ Nyɔsʋa, ‑bɛ ‑nyɩa' 'mɩ ‑na nyɩbɛjʋ 'doodoo 'klɩblara.»

Matiö 9:5

‑Gbala nyɔɔ ‑maa ‹‑Na ‑balʋ 'a ‑mɩ cere›, ‑bɛ ‑a ‑gbala 'ɔɔn: ‹Sɔwʋ ‑a ‑nyɛɛ!› ‑Mɩ 'plɛɛ 'nyɩ 'lɩkla le?

Marëkë 2:6

‑Dɔkpɩanyüülü bä käa' ‑plɩɩ nɩ, plɛ 'klɩ 'ü 'pala wii: