Marëkë 2:17 - Kuö Dëdrä Jenɛɛsë Rutë

¹⁷ Jesu 'nu wiili 'ü 'betea' 'wli, 'ɔnya ‑gbala 'üün: «Nyüülü kä fugbë 'naa' nɩ, ‑mää 'üün 'nyɩ mi ‑dɔta 'lɩ; ‑maa ‑wusublanyüü, 'üü mö ‑dɔta 'lɩ. 'Nyɩ nyüülü ‑gäa' 'klɩ wekalɩ ‑a ji, ‑maa ‑balʋkänyüü 'n ji we 'ümä ‑balʋ 'pie.»

Marëkë 2:17 Referans Kwoze

Lukë 15:7

'Amɔ 'n ‑gbala, 'asɩ dɔrʋ nëmä bɩa cɛa 'mlɩ 'si 'taɩn 'lɩ ‑balʋnyɔɔ 'doo 'doo 'mäa' 'ɔa ‑balʋ 'klɩ 'nyiere ‑bɛ 'ɔmäa' 'ua ‑gʋ fio. Dɔrʋlʋ nya 'bʋaa ‑gböösa 'kä 'unya 'klɩgänyüüa ‑glʋɩmlɔɔ ‑bɛ ‑pʋ ‑bɛ ‑uunmlɔɔlü (99) 'nyɩa' ‑balʋa 'lɩgälɩtorokʋa ‑gä 'lɩbä.

Lukë 19:10

Nyɔɔa 'Jʋ ji 'ɔmä nyüülü 'mɔlɔa' 'bata, 'ɔmä 'üün 'pʋɔ.»

Jaan 9:40

Farisinyüü 'doorodoolü nyra 'ɔɔn bä ɩa' ‑plɩɩ 'nua' 'iin 'wli 'ünya 'bete 'ɔɔn: «A 'nɔɔ bɩaa?»

Lukë 15:10

'Amɔ 'n ‑gbala, 'asɩ dɔrʋ nëmä bɩa Nyɔsʋaa 'aanjë 'bla 'taɩn 'lɩ ‑balʋnyɔɔ 'doo 'doo 'mäa' ‑balʋa 'pie ‑bɛ 'ɔmäa' 'uun 'lɩgälɩtoro.»

Lukë 15:29

'Ɔnya ‑gbala 'ɔa tʋ ‑maa: ‹'N ‑fɛa' ‑na 'jrʋpa 'ia ‑sɩ ‑srüplɛɛ le, ‑kaapɩɔ 'mɩ wii ‑a ‑gbala ‑bɛ 'mä 'daa 'n blara. ‑Kaapɩɔ 'mɩ wluua jɔ ‑a ‑nyɩ 'nyraa 'na ‑mölöö 'mä ‑glɩsɩglɩsɩ 'jä.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Akëtë 20:21

'N ‑gbala juifë nyra grɛɛkë ü 'pie 'üa ‑balʋ 'ümä Nyɔsʋa 'lɩträärä, 'ümä ana 'Pläkänyɔɔ Jesu 'Kriisë plɛtoro.

Lukë 16:15

'Ɔnya ‑gbala 'üün: «'A nö dii ‑beere 'sɩrɩ 'a bäa' 'cɩcanyüü, ‑maa Nyɔsʋa jre 'ana polu. Dɛɛlɛ nyüü 'daraa' dɛɛ nɩ, 'ɛ bä cacɩ Nyɔsʋaa 'klʋɩ ‑gälɩ.

Matiö 18:10

«'Ba ‑tre 'ana nyüfë ‑bɛ 'anyɩ 'pa 'ia ‑tɔrʋpɩɔa 'jʋ 'doo sawʋ, 'be 'n ‑gbala 'amɩ: 'üa 'aanjëlü bäa' cɛlɩ, 'ü kʋ 'na Tʋlɔ bäa' cɛlɩ, 'ɔa 'klɩ 'plɔʋplɔʋ.

Akëtë 26:20

Damasëbätäa nyüü ‑kätɩ nyra Jerusalɛɛmëa nyüü 'n 'pala nyɔsʋaawii ‑gba, ‑a mi Judeea ‑tʋtʋ ‑gälɩa 'fɩɔ nyra nyüülü 'nyɩa' juifë bä, 'n ‑gbala 'üün ü toro 'lɩ ‑balʋ ‑gälɩ, ü ‑sie Nyɔsʋaa 'pɛlɩ kälɩ, ü nʋ 'cɩcagbili sraraa' nyüü 'sɩrɩ 'ünya 'a ‑balʋ 'pie.

Jaan 9:34

'Iibäa' 'üün nɩ: «‑Na 'fɩɔ ‑glooro ‑balʋ 'lɩ, ‑bɛ ‑nö ‑mä amɩ 'kpɩa?» 'Ünya prɛ 'ɔɔn.