Marëkë 16:19 - Kuö Dëdrä Jenɛɛsë Rutë

¹⁹ 'Pläkänyɔɔ bɩaa' 'üün wii ‑gba 'palakʋ, 'ɔnya sakla cɛlɩ, 'ɔnya kʋ Nyɔsʋaa 'dupa 'pɛ 'lɩ.

Marëkë 16:19 Referans Kwoze

1 Piɛɛrë 3:22

'Ɔ 'jra cɛa 'mlɩ, 'ɔ bä Nyɔsʋaa 'dupa 'pɛlɩ. 'A ‑plɩɩ 'ɔ 'kamlaa 'aanjë, ‑sisili kä 'fɩɔ 'kamaa', nyra ‑sisili kä 'fɩɔ käa' 'klü.

Ebröönyüü 1:3

'A 'Jʋlɔ bä Nyɔsʋa 'wliklɩbʋabʋakʋa srarakʋ, 'ɔɔ bä 'tasɩrɩ 'ɔa 'pije. 'Ɔɔ 'klaa diia 'fɩɔ kälɩ 'ɔa 'wʋsɔɔrɔ 'papawiia 'mlɩ. 'Ɔa 'mʋgbɛ kälɩ 'ɔ ‑srörö 'ɔ bɩaa' amɩ ‑gbafutokʋ ana ‑balʋa ‑gʋ nɩ, 'ɔnya kʋwälɩ cɛ 'lɩ Nyɔsʋalɔ 'bʋaa' 'wliklɩa 'dupa 'lɩ.

Ebröönyüü 12:2

A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.

Rɔmënyüü 8:34

Nyɔɔ 'plɛɛ 'mä 'üün 'pɔnɩ le? 'Kriisë 'ɔ jä! 'Pɩrɩgälɩ nɩ, 'ɔnya sɔ jäjäa ‑tɔrʋpɩɔ, 'ɔ bä Nyɔsʋaa 'dupa 'pɛlɩ ‑bɛ 'ɔ bibie ana 'wli 'lɩ!

Akëtë 2:33

Nyɔsʋa nya 'bʋala 'ɔɔn 'ɔnya ‑tʋ 'ɔɔn 'ɔa 'dupa 'lɩ, Tʋ nya ‑nyɩ Jesu 'Nyüna ‑Susu 'sɩrɩ 'ɔ ‑gba käa'. 'Ɔnya ‑gblɔɔ amɩ 'uun ‑gälɩ 'kä, 'a 'ii 'a 'jää ‑plɩɩ 'wʋ ‑bɛ 'a 'nööwli.

Ebröönyüü 8:1

Wiili kä 'fɩɔ a 'saarɩ nɩ, ‑jää wiili bäa' 'ia 'mlɩa wii: 'iibä a kä ‑gbɔsapɛrɩnyɔɔ kpakö, 'a 'ɔa ‑gä a ‑gbala ɩ ‑plɩɩ 'amɩ. 'Ɔ kʋ cɛa 'mlɩ, Nyɔsʋaa 'kɩɩkpataa 'dupa 'lɩ.

Kolɔɔsënyüü 3:1

'A nyra 'Kriisë ma sɔ 'kuaabre nɩ, 'ba 'bata cɛlɩa dii, 'a ‑nyɛɛ 'Kriisë kʋ Nyɔsʋaa 'dupa 'lɩ.

Jaan 20:17

'Iibäa' Jesu nɩ: «‑Nyɩ ‑fɛ 'mɩ ‑gba, 'n ‑kaaŋlʋ 'na Tʋa ‑nyɛɛ 'jra. ‑Maa mi ‑a ‑gbala 'na ‑wlajü, 'na Tʋa ‑nyɛɛ 'n 'jraa, ɔ bäa' 'ana Tʋ; 'na Nyɔsʋaa ‑nyɛɛ 'n 'jraa, ɔ bäa' 'ana Nyɔsʋa.»

Ebröönyüü 6:20

'A ‑nyɛɛ Jesu pa ana ‑gʋ, 'ɔ ‑ta amɩ 'nyʋfɔ 'klɔɔtrʋ. 'Ɔnya nʋ ‑gbɔsapɛrɩnyɔɔ kpakö 'plɔʋplɔʋa ‑gʋ ‑beere Mɛlëkesedɛkëa ‑gböööa 'klɩtotrokʋ.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

Jaan 6:62

‑Bɛ 'taɩn 'lɩ 'amäa' Nyɔɔa 'Jʋ 'jä 'ɔmäa' ‑plɩɩlɩ 'ɔ ma bäa' 'jra le?

Lukë 9:51

'Taɩn 'lɩ Jesua ‑tʋtʋgälɩbataɩn 'cicrea' ‑wälɩ nɩ, 'ɔnya ‑sɔɔrɔ plɛ 'wʋ 'ɔmä Jerusalɛɛmë mi.

Ebröönyüü 9:24

'Kriisë 'nyɩ papapɩɔ kpakölä nyüüa wlu 'paa' a 'mlɩ ‑a pa, ‑mää 'äa ‑tapaa näa 'mlɩ ‑a, ‑maa cɛa 'mlɩa 'mʋgbɛ 'ɔ pa 'ɔmä ana 'wlili Nyɔsʋaa 'klʋɩ 'nyüglö.

Ebröönyüü 7:26

'A 'samaa 'nyüna ‑gbɔsapɛrɩnyɔɔ kpakö a 'bata, 'ɔ ‑kaapɩɔ bʋbɔgbi nʋ; 'ɔ ‑kaapɩɔ ‑balʋ nʋ, 'ɔnya sɔ ‑balʋnyüü dɛrɩ, Nyɔsʋa nya 'jrara 'ɔɔn cɛɩɩa 'wliklɩ.

Ebröönyüü 4:14

‑Bɛ a käa' ‑gbɔsapɛrɩnyɔɔ kpakö, Nyɔsʋaa 'Jʋ, Jesu ɔ paa' cɛɩɩa 'mlɩ, 'ii känyrɩ a 'kpla ana nyɔsʋaplɛlɛ a 'nyierea' 'klɩ 'mʋfasa.

Akëtë 3:21

'Ɔa 'doo cɛ nëmä 'lɩ 'kʋɛɛ 'fɩɔwʋ ‑a ji jrüülü kä 'mlɩ diia 'fɩɔ 'mäa' dëdrë bä 'mä 'lɩjrä; Nyɔsʋa nyaa' kä 'iin 'ɔa 'nyüna nyɔsʋaamlɩpalanyüüa 'fɩɔ mlɩ ‑srörö.

Jaan 21:22

'Iibäa' Jesu nɩ: «Ama 'bata ɔ kʋ ‑tʋtʋ ‑gälɩ kʋ kʋ 'kä 'n jö nɩ, 'inyɩ ‑na wii ‑a bä. ‑Mɔlɔ nɩ, ‑mɛ 'mɩ ‑gälɩ!»

Jaan 21:15

'Ü bɩaraa' 'lɩ nɩ, Jesu nya 'bete Simɔɔ Piɛɛrë: «Jonaasëa 'jʋ Simɔɔ, ‑wa 'mɩ ‑nya ‑si ü kʋa' ‑pɩ 'wʋ?» 'Ɔ ‑nëma: «‑Yɛɛ! 'Pläkänyɔɔ, 'sɩrɩ 'n ‑waa' ‑mɩ ‑jre 'iin.» 'Iibäa' Jesu nɩ: «'Fini 'na ‑bablëëjü 'klɩ.»

Jaan 17:13

'Köklesaplɩɩ nɩ, ‑na ‑nyɛɛ 'n jö. 'N ‑ka bäa' 'pläa 'mlɩ nɩ, 'ia ‑gʋ 'n 'paa 'ia 'fɩɔ, ‑bɛ dɔrʋlʋ 'blaaa' 'mɩ nɩ, 'umä 'üün 'wlisie.

Jaan 16:28

Tʋa ‑nyɛɛ 'n sɔ, 'nyaa ji 'pläa 'mlɩ; 'köklesaplɩɩ ɔ nɩ, 'pläa 'mlɩ 'n sɔ ‑bɛ 'n mö Tʋa ‑nyɛɛ.»

Jaan 13:1

'Paakëa ‑srɩ ‑ka bä dɛrɩ, ‑bɛ Jesu jre bɩa 'saa 'ɔa 'taɩn 'a 'lɩjrä 'ɔmä 'plälä kʋa' ‑pɩa 'mlɩ sɔ 'ɔmä Tʋa ‑nyɛɛ mi. 'Ɔ ‑wa 'ɔa nyüülü bäa' 'pläa 'mlɩ, 'ɔ ‑wa 'üün 'ɔnya ‑siewli.

Marëkë 16:20

'Ünya mi ‑pɩɔa 'fɩɔ nyɔsʋaawii 'pala. 'Pläkänyɔɔ nyra 'üü ‑fɛɛɛrɛ 'jrʋpa 'wʋ, ‑saragbia tielë 'ü nöa', 'ii 'paa 'üa wii 'ku ‑gälɩ. 'Asɩ i bä!

Lukë 22:69

‑Maa 'bala 'saarɩ ‑gälɩ Nyɔɔa 'Jʋ nya ‑wälɩkʋa 'Klükä Nyɔsʋa 'dupa 'lɩ.

Akëtë 1:22

'bala 'taɩn 'lɩ kä 'mlɩ Jaan 'paa' 'ɔɔn 'nɩwli ‑a ji jrüülü kä 'mlɩ 'ü 'baa' 'ɔɔn ana ‑tɔrʋpɩɔ, amä 'ia nyüülüa ‑tɔrʋpɩɔa 'doo 'ba 'ɔmä amɩ ‑gälɩ blö amä 'lɩsa 'sɩrɩ Jesu sɔa' 'kuaabre.»