Marëkë 14:2 - Kuö Dëdrä Jenɛɛsë Rutë

² 'Üa 'kpɔa ‑tɔrʋpɩɔ 'ü 'paa wii ɔ: «'I 'nɩ bä ‑glɩsɩglɩsɩa ‑srɩ 'lɩ, nyüü ‑pɩ 'crɛ ‑tʋ.»

Marëkë 14:2 Referans Kwoze

Jaan 12:19

'Ia ‑gʋ Farisinyüüa 'kpɔ 'paa wii: «'Ii 'ana 'mʋgbɛ 'jää 'wʋ ‑o, 'anyɩ 'lɩ ‑a bɩa 'amä dɛɛ nʋ. 'Ɔɔ nyüüa 'fɩɔ bä dɛrɩ.»

Jaan 7:40

‑Jria 'lɩa nyüü 'kɔkɔmlɛ 'nua' wiili 'ɔ 'paaa' 'wli nɩ, 'ü ‑nëma: «Nyɔsʋaamlɩpalanyɔɔ kʋ ‑pɩ 'kasa.»

Lukë 20:6

‑Maa ama 'daa: ‹Nyüü blɔ kä 'ɔɔn› nɩ, nyüüa 'fɩɔ nya amɩ 'täkë 'kaklaa 'kä 'ünya amɩ 'bla, 'be 'ü nɩnɩa Jaan bä nyɔsʋaamlɩpalanyɔɔ.»

Marëkë 11:32

‑Maa ama 'daa: ‹Nyüü blɔ kä 'ɔɔn.› » Nyüülü kä 'fɩɔ kʋa' ‑plɩ 'üa ŋalɛ 'blaa 'üün; nyüülüa 'fɩɔ jre 'iin 'sɩrɩ Jaan bäa' 'tasɩrɩ nyɔsʋaamlɩpalanyɔɔ.

Marëkë 11:18

‑Gbɔsapɛrɩnyüü kpakü nyra ‑dɔkpɩanyüü 'nua' 'iin 'wli nɩ, 'ümä 'ɔɔn 'bla 'ia bei 'ü 'srikä, ‑maa 'ɔa 'kpɩkpɩakʋ pa nyüüa plɛ ‑gba, 'ia ‑gʋ 'ɔa ŋalɛ 'bla 'üün.

Matiö 26:5

'Ü ‑nëma: «Anyɩ kä ‑a kä amä 'iin nʋ ‑glɩsɩglɩsɩa ‑srɩ 'lɩ, nyüü ‑pɩ ‑gbata.»

Matiö 26:2

'Be a jre 'iin anya 'Paakë 'jäa jrüü 'sɔɔa 'mlɩ, 'a ‑plɩɩ 'ümä Nyɔɔa 'Jʋ 'saa 'kä 'ünya 'ɔɔn krʋa ‑gälɩ kolo.

Marëkë 14:1

Jrüü 'sɔɔa 'mlɩ 'ünya 'Paakë nyra 'flɔɔlʋ kä 'mlɩ 'ünyɩ 'paa' levurëa ‑glɩsɩglɩsɩ 'jäa. ‑Gbɔsapɛrɩnyüü kpakü nyra ‑dɔkpɩanyüü 'bata 'sɩrɩ 'ümä Jesu 'kpla yrʋsa 'ümä 'ɔɔn 'bla.

Marëkë 14:3

Jesu bä ɩ Betanii 'jrʋklanyɔɔ Simɔɔa nyuku ‑wälɩ. Jesu jö ɩ dɛɛ, 'ŋlʋʋ 'doo nya pa, 'ɔa kälɩa alebatrëa 'kpala jɔ, 'äa 'mlɩa 'tasɩrɩa 'naarëa ‑daŋlʋɩnɩlɩ kä 'peru 'bʋaa'. 'Ɔ waa' 'kpalaläa 'mä 'klɩ nɩ, 'ɔnya ‑gbäträ 'iin Jesua 'wli 'kä.

Lukë 22:1

'Flɔɔlʋ kä 'mlɩ 'ünyɩ 'paa' levurëa ‑glɩsɩglɩsɩ 'cicrewälɩ; 'ɛɛ 'ü 'dara bɩa 'Paakë.