Marëkë 13:26 - Kuö Dëdrä Jenɛɛsë Rutë

²⁶ 'Ia 'taɩn 'lɩ, 'ünya Nyɔɔa 'Jʋ ‑gbru ‑gälɩ 'järäa ‑bɛ 'ɔnya ji, 'ɔ ‑bɛ 'ɔa 'klü nyra 'wliklɩa 'bʋabʋakʋ.

Marëkë 13:26 Referans Kwoze

'Nyügälɩjawii 1:7

‑Jää! 'Ɔ bä cɛlɩa ‑gbrua 'mlɩ 'ɔɔ jö! Nyüüa 'fɩɔ nya 'ɔɔn 'jäa, 'palɩ nyüülü 'flooa' 'ɔɔn, 'kä ‑tʋtʋ ‑gälɩa ‑glügbüa 'fɩɔ nya 'ɔa ‑gʋ 'wu. 'Cɩcasa! 'Asɩ i bä!

Marëkë 14:62

'Iibäa' Jesu nɩ: «‑Yɛɛ, 'ɔɔ 'n bä. 'Anya Nyɔɔa 'Jʋ 'Klükä Nyɔsʋa 'dupa 'lɩ 'järäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji.»

Matiö 24:30

«'A ‑plɩɩ Nyɔɔa 'Jʋa tie 'mä cɛa 'mlɩ 'tɔrɔ. ‑Tʋtʋ ‑gälɩa ‑glügbüa nyüüa 'fɩɔ nya ‑sɩsraa. 'Ünya Nyɔɔa 'Jʋ 'jäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji, 'ɔ ‑bɛ 'ɔa 'klü nyra 'wliklɩa 'bʋabʋakʋ.

Matiö 16:27

'Be Nyɔɔa 'Jʋ nyra 'ɔa 'aanjë nëmä 'ɔa Tʋa 'wliklɩbʋabʋakʋ ja ‑bɛ 'ɔmä ji ‑o. 'Ia 'taɩn 'lɩ nɩ, ‑moloa nʋnʋgbi 'ɔmä 'klɩtɛ ‑bɛ 'ɔmä 'ɔɔn 'pɛɛ.

Matiö 25:31

«‑Bɛ 'taɩn 'lɩ Nyɔɔa 'Jʋ 'mäa' ‑srɩ 'ɔa 'wliklɩbʋabʋakʋ ja 'ɔmäa' ji, 'ɔɔ ‑bɛ 'nyüna 'aanjëa 'fɩɔ nɩ, 'ɔa 'wliklɩbʋabʋakʋa 'kɩɩkpata ‑gälɩ 'ɔmä kʋ.

Marëkë 8:38

'Ia ‑gʋ nyɔɔ o nyɔɔ 'mɔɔ ‑bɛ 'na mlɩa wii 'mäa' 'nyüsü 'wʋ kä, nyüüglügbölä kʋa' ‑pɩ, ä kä 'mlɩa nyüü 'sia' ‑balʋ 'klɩ, ä sɔa' Nyɔsʋa dɛrɩ nɩ, 'taɩn 'lɩ Nyɔɔa 'Jʋ 'mäa' 'ɔa tʋa 'wliklɩ 'bʋabʋakʋ ja 'ɔɔ ‑bɛ 'nyüna 'aanjëɩɩ 'mäa' ji nɩ, 'ɔnya ‑srɩ 'ɔa 'nyüsü käa bɩa.»

1 Tɛsalonikënyüü 4:16

'Be 'Pläkänyɔɔ nya 'kamanyɔɔa 'sa 'lɩkäkpöa, 'Aanjë Kpakö nya wii 'paa, Nyɔsʋaa dɛglɛ nya wii 'paa, 'kä 'Pläkänyɔɔa 'mʋgbɛ nya cɛa 'mlɩ 'cie, 'kä nyüülü kä 'fɩɔ järäa' 'Kriisë 'lɩ nya ‑kätɩ 'wʋsɔ.

Akëtë 1:11

'Ünya ‑gbala nyüülü tɛ ɩa' cɛ 'lɩ: «Galileenyüü, dɛplɛɛ kä ‑gʋ 'a kʋ ‑plɩɩ ‑bɛ 'a ‑pʋpɔ cɛ 'lɩ le? Jesulɔ Nyɔsʋa 'baa' 'ana ‑tɔrʋpɩɔ ɔ mia' cɛ 'lɩ nɩ, 'sɩrɩ 'a 'jäa' 'ɔɔn ‑bɛ 'ɔ 'jraa' cɛ 'lɩ nɩ, 'asɩ 'ɔmä dɛrɩblöö.»

Matiö 16:17

Jesu nya ‑gbala 'ɔɔn ‑maa: «Simɔɔ, Jonasëa 'Jʋ, abɩa dɔrʋ 'bla ‑mɩ, 'be ‑mää nyɔɔ 'nyɩ ‑mɩ 'iin mlɩ 'pa, ‑maa 'na Tʋlɔ bäa' cɛlɩ, 'ɔɔ 'pa ‑mɩ 'iin mlɩ.

Matiö 16:28

'Cɩcasa 'n ‑gbala 'amɩ, ‑mölöö bä ‑pɩ 'ana ‑tɔrʋpɩɔ, 'ünya Nyɔɔa 'Jʋa jijidɛɛ 'jäa 'ɔa 'Kamapläa 'mlɩ 'fɩɔwʋ ‑a ji 'ümä jä.»

Marëkë 9:1

Jesu nya ‑gbala 'üün 'sɔɔwʋ: «'Cɩcasa 'n ‑gbala 'amɩ, ‑mölöö bä ‑pɩ 'ana ‑tɔrʋpɩɔ, 'ünya Nyɔsʋaa 'kamapläa 'klü 'jäa 'fɩɔwʋ 'kä 'ünya jä.»

Lukë 21:27

'Ia 'taɩn 'lɩ, 'ünya Nyɔɔa 'Jʋ ‑gbru ‑gälɩ 'järäa ‑bɛ 'ɔnya ji, 'ɔ ‑bɛ 'ɔa 'klü nyra 'wliklɩa 'bʋabʋakʋ.

2 Piɛɛrë 1:16

'Taɩn 'lɩ a sraraa' 'amɩ ana 'Pläkänyɔɔ Jesu 'Kriisëa 'klü nyra 'ɔa jijisrɩ nɩ, ‑mää 'nänë anyɩ 'amɩ 'klɩ pala. ‑Maa ana 'nyü 'jä 'ɔa 'bʋabʋakʋ.