Marëkë 13:11 - Kuö Dëdrä Jenɛɛsë Rutë

¹¹ 'Taɩn 'lɩ 'ümäa' 'amɩ 'sakalɩ fa nɩ, 'ana plɛ 'nyɩ ‑taaralɩ wiili 'a nëmäa' 'pa, 'ia ‑gʋ; ‑maa 'ia ‑srɩ 'lɩ nɩ, 'ba 'salɩ wiili nëmäa' 'ana 'wlia 'mlɩ ji. ‑Mää 'ana 'mʋgbɛ ‑nëmä 'iin 'pa, ‑maa 'Nyüna ‑Susu nëmä 'iin 'pa.

Marëkë 13:11 Referans Kwoze

Akëtë 6:10

‑Maa 'ünyɩ 'ɔɔn du ‑a du dɛtʋa 'mlɩ, 'be 'Nyüna ‑Susu ‑nyɛɛ 'ɔɔn dɛtʋa jejrekʋ.

1 Piɛɛrë 1:12

Nyɔsʋa nya srara 'üün 'sɩrɩ wiili 'ɔ ‑tʋa' 'üün mlɩ 'nyɩa' 'üa 'mʋgbɛa ‑gʋ bä, ‑maa 'sɩrɩ 'i bäa' 'ana ‑gʋ. 'A wiili bä 'saarɩ 'Mʋfagogo, 'ää nyüü 'saa 'amɩ 'Nyüna ‑Susua 'klülü sɔa' ‑nyɛɛ cɛa 'mlɩ. 'Aanjëa 'mʋgbɛ 'bata 'ümä 'ia 'mlɩ 'kä 'järä.

1 Korɛɛntënyüü 2:13

‑Bɛ 'ia diili nɩ, ‑mää nyɔɔa 'lɩgaglakʋa 'nyrɩklɩ anyɩ 'pa 'imɩ, ‑maa 'lɩgaglakʋlʋ 'Nyüna ‑Susu 'kpɩaa' amɩ nɩ, 'asɩ a ‑gbala nyüülü 'klaaa' Nysɔsʋaa ‑Susu wiili bäa' ‑Susua wii.

Jaakë 1:5

‑Maa 'lɩgaglakʋ ma 'nyɩ 'ana ‑tɔrʋpɩɔa nyɔɔ 'lɩ ‑a bä nɩ, ɔ ‑sɛ 'iin Nyɔsʋa, 'ɔnya 'ɔmɩ 'iin ‑nyɩa; 'be Nyɔsʋa ‑nyɛɛɛ nyüüa 'fɩɔ 'mʋfasa nyra dɔrʋsa.

Ɛfɛsënyüü 3:5

'Ia ‑sisiewiili nɩ, Nyɔsʋa 'nyɩ kä 'iin ‑kätɩnyüü ‑a srara. ‑Maa dɛɛlɛ a bäa' ‑plɩɩ ‑gälɩ nɩ, 'ɔ srörö ‑Susu kälɩ 'ɔnya srara 'iin 'nyüna apotrëɩɩ nyra nyɔsʋaamlɩpalanyüülü 'ɔ 'baa' 'lɩ.

Akëtë 4:31

'Ü bɩaa' nyɔsʋabibiekʋ nɩ, ‑plɩɩlɩ 'ü traraa' nya tɩtrɛ. 'Nyüna ‑Susu nya 'si 'üa 'fɩɔ 'klɩ, ‑bɛ 'ü 'paa nyɔsʋaawii 'surusa.

Akëtë 2:4

'Nyüna ‑Susu nya 'sesie 'üa 'fɩɔ 'klɩ, ‑bɛ 'ü 'paa nyüü ‑mölööa mlɩa wii; wiili ‑Susu 'paaa' ‑molooa mlɩ, 'ii 'ɔ 'paa.

Akëtë 3:13

Abraamë, Isaakë, Jakɔɔbë nyra ana tʋɩɩa Nyɔsʋa 'doolɔ, 'ɔɔ 'bʋala 'ɔa 'jrʋpafɛnyɔɔ Jesu. 'Amɔ 'sa 'ɔɔn 'anya sɔ 'ɔɔn dɛrɩ Pilatëa 'klɩ, ‑bɛ 'ɔ 'bata ɩ 'ɔa ‑wälɩcɛrɛkʋ.

Jaan 3:27

'Iibäa' Jaan nɩ: «Dɛɛlɛ cɛ ‑nyɛɛa' nyɔɔ nɩ, 'ɛɛ 'ɔ 'jää.

Marëkë 13:9

«'Amɔlɔ nɩ, 'ba kä 'ia plɛ. 'Ünya 'amɩ tropina 'lɩ faa, 'ünya 'amɩ ‑gbalɛfi ‑gälɩ ‑gbagbaa juifëa 'sraaplanyuku ‑wälɩ. 'Na ‑gʋ, 'ünya 'amɩ 'cifu nyra 'kɩɩɩ 'klɩ faa, wiili 'a jrea' 'amä 'iin 'lɩsa.

Matiö 10:17

«‑Maa 'ba ‑gäälä 'ana nyüfë 'nyiöli nyüüa ‑gʋ. 'Ünya 'amɩ juifëa tropina 'lɩa nyüü kälɩ 'saraa, 'kä 'ünya 'amɩ ‑gbalɛfi ‑gälɩgbagba 'üa 'sraaplanyukua ‑wälɩ.

Akëtë 7:55

‑Maa 'Nyüna ‑Susu 'si Etiɛɛnëlɔ 'klɩ. 'Ɔ 'jraraa' cɛ 'nyükä nɩ, 'ɔnya 'jä Jesu ‑bɛ 'ɔ 'nyüglö Nyɔsʋaa 'dupa 'pɛlɩ.

Akëtë 6:15

Nyüülü kä 'fɩɔ bäa' juifëa tropina 'lɩ nɩ, Etiɛɛnë 'ü tɛtɛklɩ tee; 'ɔa 'klʋɩ nya ‑beere 'aanjëa 'klʋɩ.

Marëkë 13:12

‑Wlajʋ nya ‑wlajʋ ‑moloo jäjä mlɩ 'saraa, tʋ nya 'ɔa 'jʋ 'saa; 'jü nyra 'üa tʋɩɩ nya 'wlitotroa, 'kä 'ünya 'üün 'bla.

Lukë 21:12

«‑Maa 'ia 'fɩɔlʋ ma nëmä 'lɩjrä nɩ, 'ünya 'amɩ 'kplaa, 'ünya 'amɩ juifëa 'sraaplanyukua 'wliklɩa nyüü 'klɩ faa, 'kä 'ünya 'amɩ ‑jie 'lɩ 'pa. 'Na 'nyrɩa ‑gʋ, 'ünya 'amɩ 'kɩɩɩ nyra 'cifu 'klɩ faa.