Marëkë 12:14 - Kuö Dëdrä Jenɛɛsë Rutë

¹⁴ 'Ünya ji Jesu 'bete: «'Kpɩkpɩanyɔɔ, a jre 'sɩrɩ ‑saaa' 'lɩ 'cɩcasa, ‑bɛ ‑kpɩaa' 'cɩcasa Nyɔsʋaa 'nyʋfɔ. Nyɔɔ 'nyɩ ‑mɩ ŋalɛ 'wʋ ‑a kä, ‑nyɩ ‑gbasa nyüü 'lɩ ‑a. A kä amä Sesaa dapoo kälɩ 'pɛɛrɛ? ‑Yɛɛ ‑ale 'Woo?»

Marëkë 12:14 Referans Kwoze

1 Tɛsalonikënyüü 2:4

‑Maa Nyɔsʋa jrea' 'saa a 'mrɛɛ a 'sa 'Mʋfagogo nɩ, 'a 'ia 'sa a 'paa wii. Anyɩ 'pawii ‑a 'kä amä nyüü 'tʋkä, ‑maa Nyɔsʋalɔ 'jääa' ana polu 'wʋ 'ɔɔ a nëmä 'tʋkä.

Galaatënyüü 2:6

Nyüülü 'ü 'daraa' 'cɛcɩnyüü kpaku bä ɩ ‑plɩɩ. 'Sɩmɩ 'ünyɩ bä, ‑mää 'na wii ‑a, Nyɔsʋa 'nyɩ ‑gbasa nyüü 'lɩ ‑a. 'Ia nyɔɔ 'doo 'nyɩ 'lɩ wii ‑gälɩ ‑a tʋ.

Galaatënyüü 1:10

'N nöa' 'saa 'n 'paaa' wii nɩ, nyüü 'mä 'mɩ 'bʋalaa, ‑maa Nyɔsʋa? 'Mä nyüü 'tʋ kä, ‑ale ‑maa Nyɔsʋaa? Ama 'bata ɩ 'kä nyüü 'mä 'mɩ ‑wa nɩ, 'nëmä ɩ 'Kriisëa ‑geei ‑a bä.

2 Korɛɛntënyüü 5:16

'A 'ia ‑gʋ, 'bala 'saarɩ ‑gälɩ, 'sɩrɩ ‑pɩ ‑tʋtʋ ‑gälɩa nyɔɔ bäa' ‑mää 'sɩ anyɩ 'jä nyɔɔ 'wʋ. ‑Bakää a 'kpla kä 'saa 'Kriisë nɩ, 'köklesa ‑plɩɩ nɩ, ‑mää 'sɩ a ‑kanyɩ 'kpla 'ɔɔn.

2 Korɛɛntënyüü 5:11

A jre dɛɛlɛ bäa' 'Pläkänyɔɔa pɩpɩkʋ, 'a 'ia ‑gʋ a nö 'imɩ nyüü 'mä 'iin wii 'wʋ 'ba. Nyɔsʋa jre 'tasɩrɩ 'sɩrɩ a bäa' 'wʋ, ‑bɛ 'n jre bɩa 'saa 'a jre amɩ.

2 Korɛɛntënyüü 2:17

Amɔlɔ nɩ, ‑mää nyüü 'kɔkɔmlɛlü nöa' nyɔsʋaawii ü 'paaa' 'peru, ‑mää 'üün anyɩ bä. Amɔlɔ nɩ, ana plɛa 'fɩɔ 'pɔlɔ ‑bɛ a 'paa 'ɔa ‑gä, ‑bɛ 'ɔ 'jää amɩ 'Kriisëa 'jrʋpafɛnyüüa 'sa, 'be 'ɔɔ bäa' Nyɔsʋa 'ɔɔ ja amɩ.

2 Korɛɛntënyüü 2:2

'Be ama nʋ 'iin ‑bɛ 'ama 'kpɔɔ nɩ, nyɔɔ 'plɛɛ ‑ka nya 'mɩ dɔrʋ ‑nyɩ le, ima 'nyɩ 'amɔlɔ 'na 'mʋgbɛ ‑tʋa' 'kpɔkpɔɔkʋ 'lɩ ‑a bä.

Jaan 7:18

Nyɔɔlɔ kä 'mlɔɔ 'palaa' 'ɔa 'mʋgbɛa 'nyrɩklɩ wii nɩ, 'ɔa 'mʋgbɛa 'bʋalakʋ 'ɔ 'bata. ‑Maa ‑mɔlɔ 'bataa' nyɔɔlɔ blɔa' 'ɔɔn 'ɔa 'bʋalakʋ nɩ, 'ɔɔ 'saalɩ 'cɩcasa, ‑gbagblɛ 'nyɩ 'ɔa 'lɩsawiia 'mlɩ ‑a bä.

Rɔmënyüü 13:6

'A 'ia ‑gʋ 'a 'pɛɛ bɩa dapoo: 'be dapookälɩpɛrɛnyüülü nɩ, 'üü Nyɔsʋa ‑tʋ 'lɩ 'ümä 'jrʋpalä ‑fɛ.

Lukë 23:2

'Ü 'tɔa' nɩ, ‑gbagblɛ 'ü ‑tʋ 'ɔɔn ‑gälɩ, 'ü ‑nëma: «Nyɔɔlɔ kʋa' ‑pɩ nɩ, ana 'brea nyüü 'ɔ 'tuto, 'üa 'wli 'lɩ 'ɔ 'paa cacɩwii 'ümä ‑yrɛ be, anya 'kplara 'ɔɔn ‑gälɩ. 'Ɔ ‑gbala 'üün 'ünyɩ 'pɛɛ Sesaa dapoo, ‑bɛ 'ɔ ‑gbala 'üün ‑maa 'ɔɔ bä 'kɩɩlɔ 'ü 'daraa' 'Kriisë.»

Lukë 20:22

A kä amä Sesaa dapoo kälɩ 'pɛɛrɛ? ‑Yɛɛ ‑ale 'woo?»

Marëkë 14:45

Judaalɔ 'tɔa' dotro nɩ ‑gba 'ɔ jijrö 'ɔɔn, 'ɔ ‑nëma: «Rabii!» 'Ɔnya ‑gbere 'ɔɔn.

Matiö 22:17

'Ii känyrɩ, ‑gbala amɩ wiili boboa' ‑taa wiilia ‑gʋ: A kä amä Sesaa dapoo kälɩ 'pɛɛrɛ? ‑Yɛɛ ‑ale 'woo?»

2 Korɛɛntënyüü 4:1

'Bala 'lɩ ‑gälɩ, 'be Nyɔsʋa 'jä ana nyatɛrɩ 'ɔnya ‑nyɩ amɩ 'jrʋpalä, 'ii känyrɩ ana kpati 'nyɩ jä 'lɩ ‑a.

Matiö 22:16

'Ünya blɔ 'üa 'wʋnyɛrɛnyüü nyra Erɔɔdëa nyüü Jesu dɛrɩ, ü 'bete 'ɔɔn: «'Kpɩkpɩanyɔɔ, a jre 'iin 'sɩrɩ ‑saaa' 'lɩ 'cɩcasa, ‑bɛ ‑kpɩaa' 'cɩcasa Nyɔsʋaa 'nyʋfɔ. Nyɔɔ 'nyɩ ‑mɩ ŋalɛ 'wʋ ‑a kä, ‑nyɩ ‑gbasa nyüü 'lɩ ‑a.

Marëkë 12:13

'Ünya blɔ 'ɔɔn Farisinyüü 'doorodoo nyra Erɔɔdëa nyüü 'doorodoo dɛrɩ 'ümä 'ɔa 'papawii kälɩ ‑srörö 'ümä 'ɔɔn 'kpla.

Marëkë 12:15

Jesu jrea' ‑gʋ 'iin 'sɩrɩ 'ü bäa' ‑glagälɩsrörönyüü nɩ, 'ɔnya ‑gbala 'üün: «Dɛplɛɛ kä ‑gʋ 'a ji 'mɩ 'lɩtɛ le? 'Ba ja 'mɩ denie 'dee 'mä 'ɛɛn 'jä.»