Marëkë 11:25 - Kuö Dëdrä Jenɛɛsë Rutë

²⁵ 'Asɩ 'a nëmäa' 'nyüglö 'amä Nyɔsʋa bibie nɩ, nyɔɔa wii ma bä 'ana 'mlɩ nɩ, 'ba cere 'ɔmɩ 'iin, ‑bɛ 'ana Tʋlɔ bäa' cɛa 'mlɩ 'mä bɩa 'ana ‑balʋ cere.

Marëkë 11:25 Referans Kwoze

Kolɔɔsënyüü 3:13

'Ba jöjrögba, ‑moloo ma nʋ ‑moloo wii ‑gba 'ima 'nyɩ 'ɔɔn 'tʋ ‑a kä nɩ, 'ba cecre wii. 'Sɩrɩ 'Kriisë cerea' bɩa 'amɩ 'ana ni: 'ana 'mʋgbɛ 'ba nʋ bɩa dɛɛ 'dee.

Ɛfɛsënyüü 4:32

'Ba 'nanragbi 'wʋ, abɩa 'ana plɛ 'si ‑wawlakʋ 'klɩ. 'Ba cere wii 'sɩrɩ Nyɔsʋa cerea' 'amɩ 'ana nɩ 'Kriisë 'lɩ.

Lukë 6:37

«'Anyɩ 'bölö 'ana ‑mölöö ‑gä ‑gälɩ, ‑gä ‑pɩ 'amɩ ‑gälɩ 'bölö. 'Anyɩ kala 'ana ‑mölöö dɛrɩ 'plɔʋ, 'a ‑pɩ 'plɔʋ dɛrɩkala; 'ba cere ‑mëa ‑balʋ Nyɔsʋa 'mä 'ana ‑balʋ cere.

Matiö 6:12

Cere amɩ ana ‑balʋ 'sɩrɩ ana 'mʋgbɛ cerea' nyüülü nöa' amɩ ‑balʋ ‑gba, 'üa ‑balʋ.

Matiö 5:23

«'Ii känyrɩ ‑ama ja ‑gbɔsadɛɛ Nyɔsʋaa ‑gbɔsatöwlö ‑gälɩ, ‑bɛ ‑ama 'pa plɛ 'sɩrɩ ‑na wii bäa' ‑na ‑molooa 'mlɩ nɩ,

Jaakë 2:13

Nyɔɔlɔ 'nyɩa' nyatɛplɛ kä, Nyɔsʋaa ‑gä ‑nëmä bɩa 'ɔa nyatɛrɩ ‑a 'jä. Nyatɛplɛ ‑si ‑gäa ‑tʋtʋkʋ 'wʋ.

Matiö 6:5

«‑Ama bibie Nyɔsʋa nɩ, ‑nyɩ nʋ ‑glagälɩsrörönyüüa 'sa. 'Üü ‑wa 'nyüglökʋ üma bibie Nyɔsʋa juifëa 'sraaplanyëka ‑wälɩ nyra 'nyifi ‑gba; 'üü ‑wa nyüü 'mä 'üün 'jäjrä. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Lukë 18:11

Farisinyɔɔlɔ nya 'nyüglö ‑bɛ 'ɔ bibrie Nyɔsʋa 'ɔa plɛklɩ 'ɔ ‑nëma: ‹Nyɔsʋa, 'n 'trɛɛ ‑mɩ 'sɩrɩ 'nyɩa' nyüü ‑mölöö, ü 'jiea', ünyɩa' 'klɩgä, ü 'paaa' bätësa ‑a 'sa bä. 'N 'trɛɛ ‑mɩ ‑gböösa 'sɩrɩ 'nyɩa' ‑taa dapookälɩpɛrɛnyɔɔlɔa 'sa bä.

'Nyügälɩjawii 11:4

'Üa 'sɔɔlü nɩ, 'ü bä oliivë tii 'sɔɔlü nyra 'napua tii 'sɔɔlü 'nyüglöa' ‑tʋtʋ ‑gälɩa 'Pläkänyɔɔa 'klʋɩ.

Lukë 18:13

Dapookälɩpɛrɛnyɔɔlɔ nɩ, 'ɔnya bereklɩ. 'Ɔnyɩ cɛa 'klɩ tɛtɛkʋ ‑a 'bata 'nɩmɩ, 'ɔa ‑tɔklʋ 'ɔ bɔtɔ ‑bɛ 'ɔ nö: ‹Nyɔsʋa, 'jä 'na nyatɛrɩ! ‑Balʋnyɔɔ 'n bä!› »