Marëkë 11:23 - Kuö Dëdrä Jenɛɛsë Rutë

²³ 'Cɩcasa 'n ‑gbala 'amɩ, nyɔɔ ma ‑gbala 'dʋgbalä kʋa' ‑pɩ: ‹Sɔ ‑plɩɩlɩ kʋa', mi ‑a blö 'tanie 'lɩ›, 'ɔa plɛ ma ‑si, ɔma jresaa wiili 'ɔ 'saalɩ nya nröröa nɩ, 'ɔa 'klɩ 'kä 'inya nrörö.

Marëkë 11:23 Referans Kwoze

Matiö 17:20

Jesu nya ‑gbala 'üün: «'Ana nyɔsʋaplɛ 'nyɩ 'bʋa ‑a 'bʋa, 'ia ‑gʋ. 'Cɩcasa 'n ‑gbala 'amɩ, 'ama kä nyɔsʋaplɛ, ɛma bä dɩjɔ ‑beere mutarëdëeji nɩ, 'anya ‑taa 'dʋgbalä ‑gbalaa: ‹Sɔ ‑pɩ, mi ‑nyɛɛ!› 'Kä 'änya 'kousɔ. Dɛɛ 'nyɩ 'lɩ ‑a bä 'ɛmä 'amɩ 'nyüglö.

Jaan 15:7

'Ama 'ma 'mɩ ‑gbakä ‑bɛ 'na 'papawii ma bä 'amɩ 'lɩ nɩ, dɛɛlɛ 'a 'bataa' 'ba 'bete 'ɛɛn, 'anya 'ɛɛn 'jäa.

Matiö 21:21

Jesu nya ‑gbala 'üün: «'Cɩcasa 'n ‑gbala 'amɩ, 'ama toro Nyɔsʋa plɛ ‑bɛ 'ana plɛ ma 'nyɩ ‑pilɩklɩ ‑a nɩ, 'anya i 'n nʋa' ‑taa figietuulu ‑gba nʋa, ‑mää ‑plɩɩa 'doo 'a ‑nëmä 'blörö, ‑maa 'anya bɩa 'dʋgbalä kʋa' ‑pɩ ‑gbalaa: ‹Sɔ ‑pɩ, mi ‑a blö 'tanie 'lɩ›, 'kä 'inya nrörö.

Jaan 14:13

‑bɛ diili kä 'fɩɔ 'amäa' 'na 'nyrɩklɩ 'betre, 'nyaa 'iin nʋa, ‑bɛ nyüü 'mä 'iin 'jä 'sɩrɩ Tʋ 'bʋaa' 'wliklɩ.

Lukë 17:6

'Ɔ ‑nëma: «'Ama kä nyɔsʋaplɛ, ɛma bä dɩjɔ ‑beere mutarëdëeji nɩ, 'anya 'mrɛɛa 'kä 'anya ‑taa tuu kpakulu kʋa' ‑pɩ ‑gbala u sɔ ‑fli, u mi u blö 'tanie 'lɩ! 'Kä 'unya 'lɩ 'amɩ ‑träärä.

1 Korɛɛntënyüü 13:2

‑Bɛ ama 'palanyɔsʋamlɩ, ama jre wiilia 'fɩɔ ‑sisiea', ama jre diia 'fɩɔ, ama 'klaa nyɔsʋaplɛ kpakilɛ 'mrɛɛa' ɛmäa' 'dʋgbë 'kou 'sa, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'nyɩ dɛɛ ‑a bä nyrɩkɩnyrɩkɩ.

Matiö 14:13

Jesu 'nua' 'iin 'wli nɩ, 'ɔnya 'jra ‑gɔlʋ 'lɩ 'ɔnya sɔ 'lɩ, 'ɔnya bereklɩ ‑aaga 'lɩ. ‑Maa nyüü 'kɔkɔmlɛ 'nua' 'iin 'wli nɩ, 'ünya 'cie 'ia bätëlë bä bäa' 'lɩ ‑gbaa 'mlɩ, ‑bɛ 'ü ‑gblaara 'nie 'ü ‑mɛɛɛ Jesu ‑gälɩ.