Marëkë 10:43 - Kuö Dëdrä Jenɛɛsë Rutë

⁴³ 'Inyɩ bä 'ana ‑tɔrʋpɩɔ. ‑Maa nyɔɔlɔ 'bata 'ɔmäa' kpaköa nɔ bä 'ana ‑tɔrʋpɩɔ nɩ, ɔ bä 'ana 'jrʋpafɛnyɔɔ;

Marëkë 10:43 Referans Kwoze

Lukë 14:11

'A 'ia ‑gʋ nyɔɔ o nyɔɔ 'jraraa' 'ɔa nyufa nɩ, 'ɔnya 'wʋcierea; ‑bɛ nyɔɔ o nyɔɔ 'ciea' 'ɔa nyufa 'wʋ nɩ, 'ɔnya 'jraraa.»

Marëkë 9:35

'Ɔnya kʋwälɩ 'ɔnya we nyüüpʋnyüüsɔɔlü, 'ɔnya ‑gbala 'üün: «Nyɔɔ ma 'bata 'ɔɔ 'mä ‑kätɩa nɔ bä nɩ, ɔ bä nyüüa 'fɩɔa 'täpaa nɔ; ɔ bä nyüüa 'fɩɔa 'jrʋpafɛnyɔɔ.»

Lukë 9:48

'Ɔnya ‑gbala 'üün: «Nyɔɔ ‑o nyɔɔ 'kʋɛɛa' 'lɩ 'samaa 'jʋjɔlɔ kʋa' ‑pɩ, 'na 'nyrɩklɩa ‑gʋ nɩ, 'mɔɔ 'ɔ 'kʋɛɛlɩ bɩa. Nyɔɔ o nyɔɔ 'kʋɛɛa' 'lɩ 'mɩ nɩ, nyɔɔlɔ blɔa' 'mɩ 'ɔɔ 'ɔ 'kʋɛɛ 'lɩ. ‑Mɔlɔ bäa' 'ana 'fɩɔa dɛrɩ 'täpaa nɔ, 'ɔɔ nëmä 'wliklɩa nɔ bä.»

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

Galaatënyüü 5:13

'Na ‑wlajü 'amɩ, 'a ‑kapɩ ‑goou bä 'a 'ia ‑gʋ Nyɔsʋa we 'amɩ. ‑Maa 'anyɩ mala 'iin 'wʋ ‑bɛ 'anyɩ nʋ bʋbɔgbili käa' 'ana plɛ 'tʋ; 'ba jöjrö ‑gba ‑wawlasa.

Jaan 18:36

'Iibäa' Jesu nɩ: «‑Mää ‑pɩ ‑tʋtʋ ‑gälɩ 'na 'kamaplä 'nyɩ bä. 'Na 'kamaplä ma bä ɩ ‑pɩ ‑tʋtʋ ‑gälɩ nɩ, 'na 'jrʋpafɛnyüü nya ɩ 'na 'wli 'lɩa tou ‑fua, 'nyɩ ‑pɩ juifë kälɩ blö. ‑Maa ‑mää 'iin ‑a, 'na 'kamaplä 'nyɩ ‑pɩ ‑tʋtʋ ‑gälɩ ‑a bä.»

Lukë 18:14

'Amɔ 'n ‑gbala: «‑Taa nyɔɔlɔ nɩ, 'ɔɔ ‑gäklɩ Nyɔsʋaa 'klʋɩ ‑gälɩ 'ɔnya mi ‑gbööli, ‑mää ‑mɔlɔ ‑a; 'be nyɔɔ o nyɔɔ 'jraraa' 'ɔa nyufa 'ɔnya 'wʋcierea, ‑maa nyɔɔlɔ 'ciea' 'ɔa nyufa 'wʋ 'ɔnya 'jraraa.»

Marëkë 10:42

Jesu nya we 'üa 'fɩɔ 'ɔnya ‑gbala 'üün: «'A jre 'iin, nyüülü 'nyɩa' juifë bä, nyüülü 'ü 'daraa' 'üa 'kamanyüü, 'üü ‑siie 'plä ‑sʋɩ. ‑Bɛ nyüü kpakü fala 'üa 'kamadɛɛ 'plä ‑gälɩ.

Marëkë 10:44

‑bɛ nyɔɔ o nyɔɔ bäa' 'ana ‑tɔrʋpɩɔ ɔ 'bataa' 'wliklɩa kʋkʋkʋ nɩ, ɔ bä 'ana 'fɩɔa ‑geei.

Lukë 22:26

‑Maa 'inyɩ bä 'ana ‑tɔrʋpɩɔ! Nyɔɔlɔ 'bata 'ɔmäa' 'ana ‑tɔrʋpɩɔa nyɔɔkpakü bä nɩ, ɔ bä 'ana blaaa nɔ; nyɔɔ 'bataa' 'kamakʋ 'ana ‑tɔrʋpɩɔ nɩ, ɔ bä 'ana 'fɩɔa 'jrʋpafɛnyɔɔ.