Marëkë 10:24 - Kuö Dëdrä Jenɛɛsë Rutë

²⁴ Jesua wiipadɛɛ kala 'ɔa 'wʋnyɛrɛnyüü plɛ 'klɩ. 'Ɔnya 'patä 'ɔnya ‑gbala 'üün: «'Na 'jü 'amɩ, Nyɔsʋaa 'kamapläa 'mlɩa papakʋ nya 'lɩklaa, 'kä nyüülü kä plɛ bäa' diikäkäkʋ dɛrɩa ‑gʋ.

Marëkë 10:24 Referans Kwoze

'Nyügälɩjawii 3:17

‑Jäsɩ ‑gbaaa' nɩ: ‹'N ji 'bɩɔ, 'n 'jä mölii 'kɔkɔmlɛ, 'n ‑kanyɩ 'bata dɛɛ ‑mɩdee ‑a.› ‑Nyɩ 'iin jre ‑a jre 'sɩrɩ ‑busua', ‑bä nyatɛrɩ 'wʋ! 'Pʋa 'blaa ‑mɩ, ‑nɔɔɔ, ‑nya 'pa ‑gbagba.

1 Timotee 6:17

‑Gbala 'bɩɔjinyüülü bäa' ‑taa 'plälä kʋa' ‑pɩa 'mlɩ nɩ, 'ünyɩ ‑gbalɩ; 'ünyɩ 'pie 'üa plɛ ‑taa 'bɩɔlʋ kʋa' ‑pɩ unyɩ ‑wlɛa' 'lɩ ‑gälɩ. ‑Gbala 'üün ü 'pie 'üa plɛ 'Lɩbä Nyɔsʋa ‑gälɩ, 'ɔɔ ‑nyɛɛ amɩ diia 'fɩɔ, 'kä 'ɔ ‑sööö 'lɩ ‑gba dɔrʋ 'mä amɩ 'bla.

Lukë 16:14

‑Bɛ Farisinyüü po wiili kä 'fɩɔ Jesu 'paaa' 'nyakli, ‑bɛ 'ü srörö 'ɔɔn, 'be 'ü ‑wa mölii.

1 Jaan 2:1

'Na 'jü 'amɩ, 'a ‑pɩ ‑balʋ nʋ 'a 'ia ‑gʋ 'n ‑jɩjra 'amɩ 'wʋ. ‑Maa nyɔɔ ma nʋ ‑balʋ nɩ, a kälä Tʋa ‑gba ana 'wli 'lɩa wiipanyɔɔ: Jesu 'Kriisëlɔ ‑gäa' 'klɩ.

Jaan 13:33

'Na 'jü 'amɩ, jrüü ‑kanyɩ 'mɩ 'lɩ ‑a tɩɔ 'mä 'ana ‑tɔrʋpɩɔ sɔ. 'Anya 'mɩ 'bataa, ‑bɛ 'sɩrɩ 'n ‑gbalaa' juifë, 'ana 'mʋgbɛ 'ii 'n ‑gbala 'amɩ dotro: ‹‑Plɩɩlɩ 'n möa' 'anyɩ 'lɩ ‑a bɩa 'amä 'lɩ ji.›

1 Jaan 5:21

'Na 'jü amɩ, 'anyɩ toro ‑gbagblɛ nyɔsʋaɩɩ plɛ! 'Asɩ i bä.

1 Jaan 4:4

'Amɔlɔ nɩ, 'na 'jüjie 'amɩ, Nyɔsʋaa nü 'a bä; 'anya 'a ‑gbagblɛnyüülü du, 'be ‑susulu bäa' 'amɩ 'lɩ 'u 'bʋa 'unya ‑si ‑mulu bäa' 'pläa 'mlɩ 'wʋ.

Galaatënyüü 4:19

'Na 'jü 'amɩ, 'ana ‑gʋ 'n ‑ka 'jää mɩmɩakʋ, ‑beere 'ŋlʋʋ nëmä ‑gu. 'Ia mɩmɩakʋlʋ nya 'lɩbä bä 'kä 'anya 'Kriisëa 'sa bä.

Jaan 21:5

Jesu nya ‑gbala 'üün: «'Na 'jü 'amɩ, 'a fɩa ‑srü?» 'Ü ‑nëma: «'Woo!»

Jaan 6:60

Jesua 'wʋnyɛrɛnyüüa ‑tɔrʋpɩɔa 'kɔkɔmlɛ bɩaa' 'ɔɔn 'nyaklipopokʋ nɩ, 'ü ‑nëma: «Wiili 'ɔ 'saalɩ, 'i klalɩ; nyɔɔ 'plɛɛ 'mä 'iin 'klɩ 'nyiere le?»

Matiö 19:25

'Ɔa 'wʋnyɛrɛnyüü 'nua' 'iin 'wli nɩ, 'üa plɛklɩkala ‑gböösa, 'ü ‑nëma: «‑Bɛ ‑mɔ 'plɛɛ nya ɔ 'lɩmlɩwʋ le?»

Marëkë 1:27

'I prɛ 'üa 'fɩɔa ‑gälɩa ‑susu, ‑bɛ 'ü 'betre 'lɩ 'üa 'kpɔa ‑tɔrʋpɩɔ: «‑Mɩ 'plɛɛ kʋ 'sɔɔwʋ ‑pɩ le? 'Kpɩkpɩakʋ ‑mɩdoo! 'Kamasa 'ɔ 'paa wii, ‑bakää ‑frepasisi, wiili 'ɔ 'saaa' 'lɩ, 'a 'ii 'ü 'nööwli!»

Marëkë 10:23

Jesu tɩtrɛa' 'ɔa ‑gba 'kä, 'ɔnya ‑gbala 'ɔa 'wʋnyɛrɛnyüü: «'Inya 'lɩklaa 'kä 'bɩɔjinyüü 'mä Nyɔsʋaa 'kamapläa 'mlɩ pa.»