Lukë 9:7 - Kuö Dëdrä Jenɛɛsë Rutë

⁷ 'Kɩɩlɔ 'ü 'daraa' Erɔɔdë, 'ɔ 'nua' wiili kä 'fɩɔ Jesu nöa' 'wli nɩ, 'i 'cakla 'ɔɔn 'lɩ, 'be ‑mölöö nɩnɩa: «Jaan Batiisë bäsaa, 'kuaabre 'ɔ sɔ.»

Lukë 9:7 Referans Kwoze

Lukë 9:19

'Iibäa' 'ɔa 'wʋnyɛrɛnyüü nɩ: «'Ü nɩnɩa ‑mɔ bä Jaan Batiisë; ‑mölöö nɩnɩa Elii ‑bä, ‑bɛ ‑më nö nyɔsʋaamlɩpalanyüülü ‑kätɩ jia' ‑bɛ ü jäa' nɩ, 'üa nyɔɔ 'doo ‑bä.»

Lukë 3:1

Nyɔɔlɔ 'ü 'daraa' Tibɛrë Sesaa 'ɔa 'kama ‑sɩ ‑pʋ ‑sɩ ‑gbööa ‑sʋa 'mlɩ nɩ, Pɔɔsë Pilatë bä kä Judeea ‑gʋmla, Erɔɔdë 'kama Galilee, 'ɔa ‑wlajʋ Filipë 'kama Ituree nyra Trakoni, Lisania 'kama Abilɛɛnë.

Lukë 21:25

«‑Saragbia tie nya 'jrʋa 'klɩ nröröa, 'inya ‑seple nyra ‑särëa 'mlɩ nröröa 'kä 'inya 'amɩ plɛklɩ kalaa. ‑Bɛ ŋalɛ nya ‑glügbüa 'fɩɔ 'blaa ‑gböösa, 'sɩrɩ 'ümäa' nʋ 'ü ‑nëmä 'iin ‑a jre, 'tanie nyra 'ɛa dakëa ‑yrɛa ‑gʋ.

Matiö 11:2

‑Bɛ Jaan Batiisë ‑ka bä käa' ‑jie 'lɩ nɩ, 'ɔ 'nu wiili 'Kriisë nöa' 'wli. 'Ɔnya blɔ 'ɔa 'wʋnyɛrɛnyüü 'sɔɔ,

Marëkë 8:28

'Iibäa' 'ɔa 'wʋnyɛrɛnyüü nɩ: «'Ü nɩnɩa ‑mɔ bä Jaan Batiisë, ‑mölöö nö Elii, ‑bɛ ‑më nö nyɔsʋaamlɩpalanyüüa ‑tɔrʋpɩɔa nyɔɔ ‑bä.»

Lukë 13:31

'Ia ‑srɩ 'lɩ nɩ, Farisinyüü ‑mölöö nya jijrö Jesu ‑gba; 'ünya ‑gbala 'ɔɔn ‑maa: «Mi, sɔ ‑tɛ, Erɔɔdë 'bata 'ɔmä ‑mɩ 'bla.»

Lukë 23:7

'Ɔ 'nua' ‑maa Erɔɔdëa ‑tʋtʋ ‑gälɩa nyɔɔ 'ɔ bä nɩ, 'ɔnya fa 'ɔmɩ 'ɔɔn ‑tɛ 'lɩ Erɔɔdë bäa', 'be 'ia 'taɩn 'lɩ 'ɔa 'mʋgbɛ bä Jerusalɛɛmë.