Lukë 8:15 - Kuö Dëdrä Jenɛɛsë Rutë

¹⁵ 'Mʋfatʋtʋlʋ kä ‑gälɩ 'jaju böblöa' nɩ, 'a ‑mülü nʋa' 'üa plɛ ü 'kplaa' nyɔsʋaawii 'cɩcasa, 'ünyɩ ‑trɔa' 'iin, ‑bɛ 'ü tʋäa' ‑bakää ‑sʋɩ bälɩ.

Lukë 8:15 Referans Kwoze

Ebröönyüü 10:36

'Be 'a kä 'amä plɛmlɩpa 'amä bɩa wiili Nyɔsʋa 'bataa' nʋ, ‑bɛ 'amä dɛɛlɛ Nyɔsʋa 'daaa' 'ɔmäa' 'amɩ ‑nyɩ 'jä.

Lukë 6:45

'Cɩcanyɔɔlɔ nɩ, 'ɔa plɛ 'si 'cɩcadii 'klɩ; 'ii 'ɔ tɛ ‑bɛ 'ɔ 'paa 'cɩcawii. Plɛbʋbɔnyɔɔlɔ nɩ, 'ɔa plɛlɛ 'sia' bʋbɔgbi 'klɩ nɩ, 'ii 'ɔ tɛ ‑bɛ 'ɔ 'paa plɛbʋbɔwii. 'Be wiili 'sia' plɛklɩ nɩ, 'ii ja mlɩ.»

1 Jaan 2:3

Ama ‑träärälɩ 'ɔa ‑dɔ nɩ, 'a ‑plɩɩ a jresaa 'sɩrɩ a jrea' 'ɔmɩ.

Kolɔɔsënyüü 1:10

'Ia 'taɩn 'lɩ nɩ, 'a 'mrɛɛ 'amä 'Pläkänyɔɔ 'tʋkä wiia 'fɩɔa 'mlɩ; 'a 'mrɛɛ 'amä 'ɔa 'klʋɩ 'nyɛrɛ. 'Anya 'mʋfagbia 'kaɩn 'kaɩn nʋa ‑beere tuu ‑tʋa', 'kä 'ana nyɔsʋajejrekʋ nya ‑gälɩpapla.

Kolɔɔsënyüü 1:6

'A 'Mʋfagogolä 'tɔa' 'amɩ ‑gba, ‑bɛ 'ää ‑gbaala 'pläa 'fɩɔa 'mlɩ 'kä. 'Ä 'paplagälɩ ‑bɛ 'ä ‑gbagbla 'lɩ 'klɩ kä. 'Asɩ 'i bä bɩa 'ana ‑tɔrʋpɩɔ, 'bala ‑srɩlɩ kä 'mlɩ 'a 'nua' ‑bɛ 'a jrea' Nyɔsʋaa ‑gbinanakʋa 'cɩcasa 'lɩ.

Jaan 14:15

«'Ama ‑wa 'mɩ nɩ, 'ba ‑träärälɩ 'na 'papawii,

Lukë 11:28

‑Maa Jesu nya ‑gbala 'ɔɔn: «Nyüülü poa' nyɔsʋaawii 'nyakli, ‑bɛ ü ‑trääräa' 'lɩ 'imɩ nɩ, 'üü ‑jɔrʋ pala!»

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

Rɔmënyüü 7:4

'Na ‑wlajü 'amɩ, 'asɩ 'a bä bɩa. ‑Dɔa 'mlɩ nɩ, jäjänyüü 'a bä 'be 'Kriisë jäa' nɩ, 'a nyra 'ɔɔn järä ‑pɩɔ 'doo 'wʋ. 'Ii känyrɩ 'ɔɔ kä 'amɩ, 'ɔɔ Nyɔsʋa 'ba 'kuaabre. 'Ii känyrɩ 'ɔɔ kä amɩ amä 'cɩca 'bü tʋ Nyɔsʋaa ‑gʋ.

Rɔmënyüü 6:22

‑Maa dɛɛlɛ a kʋa' ‑plɩɩ ‑gälɩ nɩ, 'anya 'a ‑balʋ mlɩ sɔ, 'anya 'a Nyɔsʋaa ‑goou bä. 'A tʋä 'bölö 'nyɩa' ‑fre pa, 'ii 'tiere 'amɩ 'nyüna 'kläa 'mlɩ ‑bɛ 'amä 'klälä 'nyɩa' blöröfa kä 'jä.

Jaan 15:10

'Ama ‑träärälɩ 'na ‑dɔwii nɩ, 'anya 'na ‑wawakʋ 'lɩ kʋa, 'sɩrɩ 'n ‑trääräa' 'lɩ 'na Tʋa ‑dɔwii ‑bɛ 'n kʋa' 'ɔa ‑wawakʋ 'lɩ.

Matiö 24:13

‑Maa nyɔɔlɔ nëmäa' 'wʋsɔɔrɔ ‑sɔrɔ, ‑bɛ 'imäa' bɩa nɩ, 'ɔnya 'lɩmlɩwʋa.

Ebröönyüü 2:1

'A 'ia ‑gʋ a kä amä wiili a 'nua' 'wli 'kpla 'mʋfasa, a ‑pɩ 'nyʋfɔ 'wʋsɔ.

Ɛfɛsënyüü 2:8

'Be Nyɔsʋaa ‑gbinanakʋa ‑gʋ 'a 'wʋlɩmlɩ, nyɔsʋaplɛtorokʋ kälɩ 'a ‑srörö 'kä 'a 'jä 'umɩ. ‑Mää 'ana 'mʋgbɛa plɛklɩa wii ‑a, Nyɔsʋa 'ɔɔ ‑nyɛɛ 'iin 'flɛɛlɩ;

1 Korɛɛntënyüü 7:19

Nyɔɔa 'böbökʋ 'nyɩ dɛɛ ‑a bä, ‑bɛ nyɔɔ ma 'nyɩ 'bölö ‑a 'bölö 'inyɩ dɛɛ ‑a bä; wiili bäa' wii nɩ, 'iibä Nyɔsʋaa ‑dɔa 'lɩträäräkʋ.

Rɔmënyüü 7:18

'N jre 'iin 'sɩrɩ 'cɩcasa 'nyɩa' 'mɩ 'lɩ bä, 'na 'jajɛ 'n 'daa. 'N 'bata 'cɩcasaa nʋnʋkʋ 'mʋfasa, ‑maa 'nyɩ 'ia 'klü ‑a kä.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Jaakë 1:4

'kä 'ana plɛböblökʋ 'tɔɔ bɩarafa 'wʋ, 'amä ‑jrɛ 'mʋfasa ‑bɛ dɛɛ ‑pɩ 'lɩ 'makɩ.

Lukë 8:14

Nänëa mlɩa nulu nɩ, 'a ‑mülü üma 'nua' nyɔsʋaawii 'wli, ‑bɛ ü kä nyɔsʋaawii 'nyɩ mia' 'klɔɔtrʋ. Bobokʋ, 'bɩɔ nyra diili kä 'fɩɔ bäa' ‑pɩ ‑tʋtʋ ‑gälɩ fa 'üa plɛ. 'Ia ‑gʋ 'üa tʋtʋdii 'nyɩ ‑jrɛjrɛ ‑a.

Lukë 8:16

«Nyɔɔ 'nɩ ‑gölö 'napɛ ‑a ‑bɛ 'ɔmä 'ɛɛn ‑soru ‑gälɩ 'kägbri, 'aiɛ 'ɔmä 'ɛɛn ‑pɔkɩ ‑wälɩ pla. ‑Maa 'napua tii 'wli 'ü 'sree 'ɛɛn 'kä nyɔɔ o nyɔɔ paa' nyukua ‑wälɩ 'mä 'käjä 'cɩcasa.

Rɔmënyüü 8:25

‑Maa ama jresaa anya 'a dɛɛlɛ anyɩ 'jäa' 'wʋ 'jä nɩ, plɛ a blö ‑bɛ a ‑glaaa.