Lukë 6:48 - Kuö Dëdrä Jenɛɛsë Rutë

⁴⁸ 'Ɔ ‑beere 'sɩrɩ nyɔɔ 'paaa' nyuku ‑bɛ 'ɔ ‑goooa' ‑gböösa, ‑bɛ 'ɔ 'sreea' 'ua ‑toko 'täkä ‑gälɩ 'kä. 'Nʋŋlʋ kpaku da da, 'nʋŋlʋpati kpakü jrä 'uun, ‑maa 'inyɩ 'uun 'kä ‑a 'kpa, 'be 'täkä ‑gälɩ 'u 'pala.

Lukë 6:48 Referans Kwoze

Judë 1:24

Abɩa Nyɔsʋa 'bʋala, 'ɔ 'mrɛɛ 'ɔ 'ba 'amɩ böblökʋ mlɩ, 'ɔɔ 'mrɛɛ ɔ ja 'amɩ 'ɔa 'wliklɩbʋabʋakʋ 'lɩ dɔrʋa 'mlɩ ‑beere nyüülü 'nyɩa' bʋbɔdɛɛ ‑gba kä.

Ɛfɛsënyüü 2:20

'A ‑beere nyukulu kä 'käsri ‑tokoa 'täkë bäa' apotrë, nyɔsʋaamlɩpalanyüü, ‑bɛ Jesu 'Kriisëa 'mʋgbɛ bäa' nyukulua ‑wälɩtoŋlotäkä.

1 Jaan 2:28

'Na 'jü 'amɩ, 'ba kʋ 'ɔɔn 'lɩ. 'Ia 'taɩn 'lɩ ɔma ji ‑srɩɩ nɩ, ana plɛ 'mä nyɔnyrɔ, 'nyüsü ‑pɩ amɩ 'bla 'ɔa jijitaɩn 'lɩ.

2 Timotee 2:19

‑Maa, dɛɛlɛ kä ‑toko Nyɔsʋa 'sria' kä ɛ nyɔnyrɔa' ‑ka bälɩ, 'ɔa mɛ nya bä 'iin ‑gälɩ: «'Pläkänyɔɔ jre nyüülü bäa' 'ɔa nü.» ‑Bɛ: «Nyɔɔlɔ 'daaa' 'Kriisëa nɔ 'ɔ bä nɩ, ɔ be ‑balʋ ‑gälɩ 'klɩ.»

2 Piɛɛrë 1:10

'Na ‑wlajü amɩ, 'a 'ia ‑gʋ 'ba 'palɩ 'klü 'amä 'iin srara 'sɩrɩ 'kasa Nyɔsʋa 'baa' 'lɩ 'amɩ; 'be 'ama nʋ 'imɩ nɩ, 'a ‑nëmä blö ‑a blö 'plɔʋ.

Akëtë 14:22

Nyüülü toroa' Jesu plɛ nɩ, 'ü 'paa 'üa nyɔsʋaplɛ 'klü 'lɩ abɩa 'üa nyɔsʋaplɛ ‑sɔɔrɔwʋ. ‑Bɛ 'ü ‑gbala 'üün: «A kä amä ‑sʋɩ 'kɔkɔmlɛ 'lɩ ‑srörö ‑bɛ amä Nyɔsʋaa 'kamapläa 'mlɩ pa.»

Jaan 16:33

Wiili kä 'fɩɔ 'n ‑gbalaa' 'amɩ nɩ, 'amä 'mɩ 'lɩ kʋ, ‑bɛ 'ana plɛ ‑gälɩ 'mä flɛrɛ. 'Plä nya 'amɩ bʋbɔgbi ‑gba nʋa, ‑maa 'ba ‑sɔɔrɔwʋ, 'nyaa 'plä du.»

Lukë 6:47

Nyɔɔ o nyɔɔ prɛa' 'mɩ dɛrɩ, ɔma po 'na 'papawii 'nyakli ‑bɛ ɔ ‑träärälɩ 'imɩ nɩ, 'sɩrɩ 'ɔ bäa' 'ii nëmä 'amɩ srara.

Lukë 6:49

‑Maa ‑mɔlɔ 'nööa' 'na 'papawii 'wli, ‑bɛ 'ɔnyɩ ‑träärä 'lɩ 'imɩ nɩ, 'ɔ ‑beere 'sɩrɩ nyɔɔ 'paa' nyuku, u kä ‑toko 'nyɩa' 'käsri. 'Nie ‑sia', 'ɛ jräa' 'uun ‑gälɩ nɩ, blö 'u blö dotro. ‑Srɩ 'nyɩ pa ‑a pa 'ua 'fɩɔ nya ‑gblooo 'unya bʋblɔ ‑gböösa.»