Lukë 6:13 - Kuö Dëdrä Jenɛɛsë Rutë

¹³ ‑Srɩ paa' nɩ, 'ɔnya we 'ɔa 'wʋnyɛrɛnyüü, 'ɔnya tɛ 'üa ‑tɔrʋpɩɔ 'ɔnya 'balɩ nyüüpʋnyüüsɔɔ. 'Ɔnya 'dara 'üün Apotrë:

Lukë 6:13 Referans Kwoze

'Nyügälɩjawii 21:14

'Täkë ‑pʋ ‑bɛ 'sɔɔ ‑gälɩ bätä kpaköläa 'klɩklorodiili 'srikä, 'ünya ‑jɩjra 'üa ‑gälɩ ‑Bablëëjʋa Apotrë ‑pʋ ‑bɛ 'sɔɔa 'nyrɩ.

Ɛfɛsënyüü 4:11

'A 'ɔɔ ‑nyɩ ‑mölöö apotrëdɛɛ, ‑mölöö bä nyɔsʋaamlɩpalanyüü, ‑mölöö bä 'Mʋfagogoa 'sasanyüü, ‑bɛ ‑mölöö bä 'pɛrɩnyüü ‑mölöö nya bä 'kpɩkpɩanyüü.

Marëkë 6:30

Apotrëlü Jesu blɔ käa' nya trara 'ɔɔn 'klɩ ‑bɛ 'ü 'saa 'ɔɔn ‑gogo, wiili kä 'fɩɔ 'ü nʋa' nyra 'ii kä 'fɩɔ 'ü 'kpɩaa' nyüü.

Marëkë 6:7

Jesu nya we nyüüpʋnyüüsɔɔlü, 'ɔnya blɔ 'üün 'sɔɔrɔsɔɔ, 'ɔnya ‑nyɛnyɛ 'üün ‑gälɩkamladɛɛ 'ümä ‑frepasisi 'klü ‑gälɩ kälä.

Matiö 9:36

'Ɔ 'jäa' nyüü 'kɔkɔmlɛa ‑jria, 'üa nyatɛrɩ nya ‑sie 'ɔɔn 'wli, 'üa sɩsɩakʋ nyra 'üa 'klüa 'lɩjäjäkʋa ‑gʋ. 'Ü ‑beere ‑bablëëlë 'nyɩa' ‑gbanyɛrɛnyɔɔ kä.

'Nyügälɩjawii 18:20

Abɩa cɛ bä dɔrʋ 'lɩ 'äa ‑gʋ! Abɩa nyɔsʋaanyünanyüü, nyra apotrëɩɩ, nyra nyɔsʋaamlɩpalanyüü bä bɩa dɔrʋ 'lɩ, 'be ‑balʋlʋ 'ä nʋa' 'amɩ ‑gba, 'ua ‑gʋ Nyɔsʋa 'bö 'äa ‑gä!

'Nyügälɩjawii 12:1

‑Sarawiia tie kpaki nya 'tɔrɔ cɛa 'mlɩ: 'ŋlʋʋ 'doo 'n 'jä, 'jrʋ bä 'ɔa 'sosroodii. ‑Seple bä 'ɔa bei ‑wälɩ, 'ɔa 'wli bä ‑särëeju ‑pʋ ‑bɛ 'sɔɔ ‑beere 'kɩɩwlugbö.

2 Piɛɛrë 3:2

'amä wiili 'nyüna nyɔsʋaamlɩpalanyüü ‑gbala käa' 'amɩ plɛpa, ‑bɛ 'amä bɩa 'Pläkänyɔɔlɔ bäa' ana 'Lɩmlɩbanyɔɔ 'ɔa 'kamaawiili amɔ bäa' apotrë a 'kpɩaa' 'amɩ nɩ, amä 'iin plɛpa.

Ebröönyüü 3:1

'A 'ia ‑gʋ 'na 'nyüna ‑wlajü 'amɩ, 'amɔlɔ Nyɔsʋa werea' cɛlɩ, 'ba tɛ Jesu 'Kriisë 'klɩ 'cɩcasa. 'Ɔɔ Nyɔsʋa blɔ 'ɔnya bä ‑gbɔsapɛrɩnyɔɔ kpakö, 'ii a toroplɛ, 'ii a 'pala ‑pɩɔa 'fɩɔ.

Ɛfɛsënyüü 2:20

'A ‑beere nyukulu kä 'käsri ‑tokoa 'täkë bäa' apotrë, nyɔsʋaamlɩpalanyüü, ‑bɛ Jesu 'Kriisëa 'mʋgbɛ bäa' nyukulua ‑wälɩtoŋlotäkä.

Akëtë 1:13

'Ü jia' nɩ 'ünya 'jra ‑gälɩkɔklɔnyëkaa 'klöölä kä ‑wälɩ 'ü kʋ ɩa'. ‑Jää nyüülü bä käa' 'lɩ: Piɛɛrë, Jaan, Jaakë, nyra Andree, Filipë, Tomaa, Batëlemii, Matiö, Alëfeea 'jʋ Jaakë, nyra Simɔɔlɔ 'ü 'daraa' bɩa Selɔtë, nyra Jaakëa 'jʋ Judaa.

Lukë 22:30

'kä 'amä 'na 'kamapläa 'mlɩ 'töwlö ‑gälɩ tara ‑bɛ 'amä 'lɩ 'mlara. 'Amä 'kɩɩkpatë ‑gälɩ kɔ kɔ, 'amä Israɛɛlëa ‑glügbü ‑pʋ ‑bɛ 'sɔɔa 'cifu bä.»

Lukë 11:49

'A 'ia ‑gʋ Nyɔsʋaa 'lɩgaglakʋ 'lɩ nɩ, ‑bɛ 'ɔ 'daa: ‹'Nyaa 'üün 'na nyɔsʋaamlɩpalanyüü nyra apotrëɩɩ jaa. 'Ünya 'üa ‑tɔrʋpɩɔ ‑mölöö 'blaraa, 'kä 'ünya ‑mölöö prɛ›

Matiö 19:28

Jesu ‑nëma: «'Cɩcasa 'n ‑gbala 'amɩ, 'taɩn 'lɩ Nyɔɔa 'Jʋ 'mäa' 'ɔa 'kɩɩkpatalä 'bʋawliklɩ ‑gälɩ kʋ nɩ, 'amɔlɔ prɛa' 'mɩ dɛrɩ nɩ, 'ana 'mʋgbɛ nya 'kɩɩkpatë ‑pʋ ‑bɛ ‑uunsɔɔ ‑gälɩ kɔ kɔa 'amä Israɛɛlëa ‑glügbü ‑pʋ ‑bɛ 'sɔɔa 'cifu bä.

Matiö 10:2

‑Jää apotrë ‑pʋ ‑bɛ 'sɔɔlüa 'nyrɩ: 'klɩsaa nɔ 'ü 'dara Simɔɔ, 'ɔɔ 'ü 'dara bɩa Piɛɛrë, nyra 'ɔa ‑wlajʋ 'ü 'daraa' Andree, nyra nyɔɔlɔ 'ü 'daraa' Sebedee, 'ɔa 'jü Jaakë nyra 'ɔa ‑wlajʋ Jaan,

Lukë 6:14

Simɔɔlɔ 'ɔ 'daraa' bɩa Piɛɛrë nyra 'ɔa ‑wlajʋ Andree, Jaakë nyra Jaan, Filipë, Batëlemii,

Jaan 4:33

'Ɔa 'wʋnyɛrɛnyüüa 'kpɔa ‑tɔrʋpɩɔ 'ü 'paa wii ɔ: «‑Ii! Nyɔɔ ‑moloo ‑beere dɛɛ ja 'ɔɔn jijrɛ?»