Lukë 6:12 - Kuö Dëdrä Jenɛɛsë Rutë

¹² 'A 'ia 'taɩn 'lɩ Jesu 'jra 'dʋgba 'wli 'ɔmä Nyɔsʋa bibie. ‑Gbialä kä 'fɩɔ kaa' Nyɔsʋa 'ɔ bibie.

Lukë 6:12 Referans Kwoze

Ebröönyüü 5:7

'Ɔa 'klälä 'ɔ ‑sia' ‑tʋtʋ ‑gälɩ nɩ, 'Kriisë bibie Nyɔsʋalɔ ɔ 'mrɛɛa' ɔ 'baa' 'ɔmɩ jäjä mlɩ, 'dugu kpaku 'lɩ 'ɔ bibrie 'ɔmɩ. Nyɔsʋa nya 'nu 'ɔa bibiekʋ 'wli, 'be 'ɔ ‑träärälɩ 'ɔmɩ.

Marëkë 6:46

'Ü 'dɛrɩa' 'ɔɔn 'lɩ, 'ɔnya 'jra 'dʋgba 'wli 'ɔnya mi Nyɔsʋa bibie.

Marëkë 1:35

‑Srɩkägbalawlaa, 'jöjrüükpü ‑ka pa, Jesu nya sɔ 'wʋ 'ɔnya 'cie bätä, 'ɔnya bereklɩ ‑aaga 'lɩ ‑bɛ 'ɔ bibie Nyɔsʋa.

Kolɔɔsënyüü 4:2

'Anyɩ 'nyüglö nyɔsʋabibiekʋa ‑gʋ. 'Ba ‑tre 'imɩ, 'kä 'a 'trɛɛ Nyɔsʋa.

Matiö 6:6

‑Maa ‑mɔ ‑ama 'mä Nyɔsʋa bibie nɩ, pa ‑na nyüköli, 'pa ‑na tatu 'kä bibie ‑na Tʋlɔ bäa' ‑plɩɩlɩ ‑sisrea'. 'Ia 'taɩn 'lɩ ‑na Tʋlɔ 'jääa' diili ‑nöa' ‑sisredii 'lɩ 'mä ‑mɩ ‑jria 'klɩ 'pɛrɛ.

Matiö 5:1

Jesu 'jäa' 'sɩrɩ nyüü ‑sümlöa' nɩ, 'ɔnya 'jra 'dʋgba 'wli 'ɔnya kʋwälɩ. 'Ɔa 'wʋnyɛrɛnyüü nya jijrö 'ɔɔn ‑gba.

Marëkë 3:13

Jesu nya 'jra 'dʋgba 'wli, 'ɔnya were 'lɩ 'ɔa 'wʋnyɛrɛnyüü 'ɔ 'bataa', 'ünya mi 'ɔa 'pɛ 'lɩ.

Lukë 5:16

‑Maa Jesulɔ nɩ, ‑aaga 'lɩa 'doo 'ɔ bereklɩ, 'ii 'ɔ bibrie Nyɔsʋa.

Lukë 6:11

‑Maa 'crɛ 'blaa 'üün; 'ünya dɛtrɛ 'üa 'kpɔa ‑tɔrʋpɩɔ 'sɩrɩ 'ümäa' Jesu nʋ.

Lukë 6:17

Jesu nyra 'üün 'sɔ nya 'cie 'dʋgba 'wli, 'ünya ji ‑plɩɩ blaa' 'kä i 'ɔa 'wʋnyɛrɛnyüü 'kɔkɔmlɛ ‑mölöö bäa'. Nyüülü jia' ‑mää 'üa ‑srɩ 'nyɩ ‑pɛ. 'Ü sɔ Jerusalɛɛmë nyra Judeea ‑tʋtʋ ‑gälɩ. ‑Mölöö nya sɔ bɩa Tiirë nyra Sidɔɔn, 'taniea ‑gba. 'Ü jö 'ɔɔn 'nyaklipo, ‑bɛ ‑mölöö ji bɩa 'üa ‑wusua ‑futokʋa ‑gʋ.

Lukë 9:18

Jrüü 'doo 'lɩ nɩ, Jesu bere ɩ 'klɩ ‑bɛ 'ɔ bibie Nyɔsʋa; 'ɔa 'wʋnyɛrɛnyüü bä ‑plɩɩ. 'Ɔnya 'bete 'üün: «‑Asɩ nyüü ‑gbaaa 'na ‑gʋ le?»

Lukë 9:28

Jesu nʋa' 'saa 'ɔ bɩaa' wii 'papakʋ nɩ, jrüü ‑uundoo 'mä ‑si nɩ, 'ɔnya dɔrɔ Piɛɛrë, Jaan nyra Jaakë 'wʋ, 'ɔ nyra 'üün nya mi 'dʋgba 'döö 'wli 'ümä Nyɔsʋa bibie.

Lukë 9:29

'A Nyɔsʋa 'ɔ bibie, 'ɔa 'klʋɩ nya 'cici, 'ɔa 'koti nya 'pɔlɔ; 'ia 'pɔlɔkʋa ‑gʋ ‑nya 'daa ‑mamɛɛa 'bɩbɩ.

Jaan 6:3

Jesu nya 'jra 'dʋgba 'wli, 'a ‑nyɛɛ 'ɔ ‑bɛ 'ɔa 'wʋnyɛrɛnyüü kʋ.