Lukë 24:47 - Kuö Dëdrä Jenɛɛsë Rutë

⁴⁷ ‑Bɛ kolo Jerusalɛɛmë 'kä, 'ümä ‑tʋtʋ ‑gälɩa nyüüa 'fɩɔ ‑gbala ü torolɩ ‑balʋ ‑gälɩ, ‑bɛ Nyɔsʋa 'mä 'ümɩ 'uun cere.

Lukë 24:47 Referans Kwoze

Akëtë 5:31

'Ɔɔ Nyɔsʋa 'jrara, 'ɔnya nrörö 'ɔɔn 'Cifi nyra 'Lɩmlɩbanyɔɔ 'lɩ, 'ɔmä 'iin nʋ Israɛɛlë 'mä 'lɩ ‑balʋ ‑gälɩtoro, ‑bɛ 'üa ‑balʋ 'mä cere.

Akëtë 2:38

'Iibäa' Piɛɛrë nɩ: «'Ba toro 'lɩ ‑balʋ ‑gälɩ, ‑moloo ma bälɩ 'kä 'ü 'paa 'ɔɔn 'nɩwli Jesu 'Kriisëa 'nyrɩklɩ, 'ɔa ‑balʋ 'mä 'ɔmɩ cere, ‑bɛ Nyɔsʋa 'mä 'amɩ 'Nyüna ‑Susu ‑nyɩ.

Akëtë 20:21

'N ‑gbala juifë nyra grɛɛkë ü 'pie 'üa ‑balʋ 'ümä Nyɔsʋa 'lɩträärä, 'ümä ana 'Pläkänyɔɔ Jesu 'Kriisë plɛtoro.

Akëtë 13:46

'Pɔɔlë nyra Banabasë nya 'pa plɛ 'klü 'lɩ, 'ünya ‑gbala 'üün ‑maa: «Nyɔsʋaa wii kä 'imä 'amɩ ‑gba 'pala ‑kätɩ. ‑Maa 'be 'anyɩ 'bata 'iin ‑a, ‑bɛ 'ama 'jä 'ana nyüfë nɩ, 'anyɩ 'klälä 'nyɩa' blöröfa kä 'klɩ ‑a 'wʋ. 'I känyrɩ nɩ, nyüülü 'nyɩa' juifë bä 'üa 'pɛlɩ a mö.

Matiö 28:19

'Ii känyrɩ, 'ba mi ‑tʋtʋ ‑gälɩa ‑glügbüa 'fɩɔa ‑nyɛɛ, 'ba nrörö 'üün 'na 'wʋnyɛrɛnyüü 'lɩ, 'ba 'pa 'üün 'nɩ 'wli Tʋa 'nyrɩklɩ, 'Jʋa 'nyrɩklɩ nyra 'Nyüna ‑Susua 'nyrɩklɩ,

Akëtë 11:18

'Ü 'nua' wiili Piɛɛrë 'paa' 'wli nɩ, 'ünya trarakä. 'Ünya 'bʋala Nyɔsʋa; 'ü ‑nëma: «‑Ii! Nyɔsʋa ‑nyɩ bɩa nyüülü 'nyɩa' juifë bä 'nyʋfɔ 'ümä 'lɩ 'üa ‑balʋ ‑gälɩtoro ‑bɛ 'ümä 'cɩca 'klä 'jä!»

Akëtë 26:18

'N blɔ ‑mɩ ‑mä 'üa 'nyü ‑jie, ‑bɛ ‑mä 'üün 'jöjrüükpü 'lɩ 'ba ‑mä 'üün ‑srɩ 'klɩ ja; ‑mä 'üün Sataan a 'klü mlɩ 'ba ‑mä 'üün Nyɔsʋa ja. Üma toro 'mɩ plɛ nɩ, 'üa ‑balʋ 'mä 'üün cere ‑bɛ 'ümä ‑jaaa nyüülü Nyɔsʋa berea' 'klɩa ‑tɔrʋpɩɔ kälä.›

Matiö 3:2

‑maa: «'Ba toro 'lɩ ‑balʋ ‑gälɩ, 'be Cɛɩɩa 'kamaplä ‑kanyɩ 'lɩdɛrɩ ‑a tʋŋlɔ!»

Jenɛɛsë 12:3

'Nyaa nyüülü 'paa' ‑mɩ 'nɩ, 'nɩ 'paa, 'kä 'nyaa nyüülü busua' ‑mɩ, busu. ‑Mɔ 'nëmä kälɩ ‑srörö 'mä ‑tʋtʋ ‑gälɩa ‑glügbüa 'fɩɔ 'nɩ 'pa.»

1 Jaan 2:12

'Na 'jü 'amɩ, 'amɔ 'n ‑jɩjra 'wʋ: 'ana ‑balʋ 'a cere 'ɔa 'nyrɩa ‑gʋ.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Akëtë 10:43

'A 'ɔa ‑gä nyɔsʋaamlɩpalanyüüa 'fɩɔ 'pa; 'ü nɩnɩa nyɔɔ o nyɔɔ toroa' 'ɔɔn plɛ nɩ, 'ɔa 'nyrɩklɩa ‑gʋ, nyɔɔlɔa ‑balʋ nya 'ɔɔn cerea.»

Akëtë 4:12

'Lɩmlɩwʋwʋkʋ ‑kanyɩ nyɔɔ ‑moloo kälɩ ‑a bä. ‑A ‑gbala 'amɩ, Nyɔsʋa 'nyɩ 'nyrɩ ‑mɩdoo ‑pɩ ‑tʋtʋ ‑gälɩ ‑a ‑nyɩ i nyɔɔ 'mäa' kälɩ ‑srörö ‑bɛ 'ɔmäa' 'lɩmlɩwʋ.»

Akëtë 3:19

'Ii känyrɩ 'ba toro 'lɩ ‑balʋ ‑gälɩ 'kä 'a ‑siie Nyɔsʋaa 'pɛlɩ kälɩ 'ana ‑balʋ 'mä kpëträ.

Ɛfɛsënyüü 3:8

'Mɔɔ 'padɛrɩtä nyɔsʋaanyünanyüüa 'fɩɔa ‑tɔrʋpɩɔ. ‑Maa 'mɔɔ 'ɔ ‑nyɩ 'ɔa ‑gbinanakʋ 'mä nyüülü 'nyɩa' juifë bä 'Mʋfagogo 'sa. 'Mʋfagogolä nɩ, 'bɩɔ bäsaa, 'unyɩ bɩabɩa ‑a, 'Kriisëa kälɩ 'u sɔ.

Ɛfɛsënyüü 1:6

'Ɔ nʋ 'imɩ amä 'ɔɔn 'lɩbrɛrɛ 'ɔa ‑gbinanakʋa 'wlibʋabʋakʋa ‑gʋ, u 'ɔ ‑sröröa' 'ɔa ‑wawajʋ kälɩ ‑bɛ 'ɔ ‑nyɩa' amɩ.

Rɔmënyüü 5:20

‑Dɔlɔ nɩ, 'u ji bʋbɔgbi 'mä ‑sümlö ‑gböösa. ‑Maa ‑plɩɩlɩ ‑balʋ ‑sümlöa' nɩ, Nyɔsʋaa ‑gbinanakʋ 'papla 'sɔɔwʋ ‑gälɩ.

Akëtë 28:28

'Ii känyrɩ, 'ba jresaa Nyɔsʋaa 'lɩmlɩwʋwʋkʋlʋ nɩ, nyüülü 'nyɩa' juifë bä 'üü 'ɔ ‑nyɩ 'ɔa ‑gogo; 'üülü nɩ, 'ünya 'ɔɔn 'nyaklipoa.»

Akëtë 26:20

Damasëbätäa nyüü ‑kätɩ nyra Jerusalɛɛmëa nyüü 'n 'pala nyɔsʋaawii ‑gba, ‑a mi Judeea ‑tʋtʋ ‑gälɩa 'fɩɔ nyra nyüülü 'nyɩa' juifë bä, 'n ‑gbala 'üün ü toro 'lɩ ‑balʋ ‑gälɩ, ü ‑sie Nyɔsʋaa 'pɛlɩ kälɩ, ü nʋ 'cɩcagbili sraraa' nyüü 'sɩrɩ 'ünya 'a ‑balʋ 'pie.

Lukë 13:34

«‑Awɛɛ Jerusalɛɛmë, Jerusalɛɛmë, ‑mɔ 'blaaa' nyɔsʋaamlɩpalanyüü 'kä ‑kaakla nyüülü 'ü jaa' ‑mɩ 'täkë. 'Wʋ ‑srüplɛɛ 'wʋ 'n 'bata ‑na 'jüa ‑gbapaplakʋ ‑beere sapëgoolu papla 'ua 'jü 'ua ‑pëkateri le? ‑Maa 'anyɩ 'nyie ‑a 'nyie.

Matiö 9:13

'Ba mi 'ba 'bata ‑taa wiili kʋa' ‑pɩa ‑gbaa: ‹Nyatɛplɛ 'n 'bata, ‑maa ‑mää ‑gbɔ 'sasakʋ 'nyɩ 'bata.› 'Nyɩ nyüülü ‑gäa' 'klɩ wekalɩ ‑a ji, ‑maa ‑balʋkänyüü 'n ji we 'ümä ‑balʋ 'pie.»