Lukë 23:47 - Kuö Dëdrä Jenɛɛsë Rutë

⁴⁷ 'Sʋgɩakamanyɔɔ 'jäa' wiili nröröa' nɩ, Nyɔsʋa 'ɔ 'bʋala; 'ɔ ‑nëma: «'Cɩcasa, nyɔɔlɔ kʋa' ‑pɩ 'ɔ ‑gä ɩ 'klɩ.»

Lukë 23:47 Referans Kwoze

Marëkë 15:39

'Sʋgɩakamanyɔɔlɔ bä ɩa' ‑plɩɩ 'jäa' 'sɩrɩ Jesu 'kpöa' ‑bɛ 'sɩrɩ 'ɔ nʋa' ‑fʋflʋa 'lɩbadɛɛ nɩ, 'ɔ ‑nëma: «Nyɔɔlɔ kʋa' ‑pɩ bä ɩ 'kasa Nyɔsʋaa 'Jʋ!»

Matiö 27:54

'Sʋgɩakamanyɔɔ nyra ‑mülü ‑glaara ɩa' Jesu ‑gälɩ 'jäa' ‑tʋtʋa tɩtrɛdɛɛ nyra wiilia 'fɩɔ ‑sia' nɩ, ŋalɛ nya 'blaa 'üün ‑gböösa. 'Ü ‑nëma: «Nyɔɔlɔ kʋa' ‑pɩ bä ɩ 'kasa Nyɔsʋaa 'Jʋ!»

Lukë 23:41

Ana nɩlɩ nɩ, 'ü kä ‑gä 'ümä amɩ 'pɔnɩ, 'be wiili a nʋa' 'ia 'pɛɛ bäsaa. ‑Maa ‑taa nyɔɔlɔ nɩ, 'ɔnyɩ ‑balʋ ‑a nʋ.»

Matiö 9:8

‑Jria 'lɩa nyüü 'jäa' 'imɩ nɩ, 'üa plɛklɩkala ‑bɛ 'ü 'bʋala Nyɔsʋalɔ ‑nyɩa' nyüü 'ia 'samaa 'kamakʋlʋ.

Jaan 19:7

'Iibäa' juifë nɩ: «A kä ‑dɔ. Ana ‑dɔ nɩnɩa 'ɔ kä 'ɔmä jä, dɛɛlɛ kä ‑gʋ 'ɔ 'daraa' 'ɔa nyufa Nyɔsʋaa 'Jʋ.»

Matiö 27:51

'A ‑plɩɩ dɔʋlʋ pösö ɩa' Nyɔsʋaanyuku kpaku ‑wälɩ ‑gaalalɩ ‑plou, kolo 'ua 'wlugba 'kä ‑a ‑tɔɔ 'lɩ ‑wälɩ. ‑Tʋtʋ tɩtrɛ, 'täkë ‑gaglalɩ.