41 Ana nɩlɩ nɩ, 'ü kä ‑gä 'ümä amɩ 'pɔnɩ, 'be wiili a nʋa' 'ia 'pɛɛ bäsaa. ‑Maa ‑taa nyɔɔlɔ nɩ, 'ɔnyɩ ‑balʋ ‑a nʋ.»
'Kriisëa ‑torulu käa' ‑gböösa ‑gba, 'uu 'ɔ nʋ. Jesu ‑beere kä ‑bablëëjʋ 'nyɩa' bʋbɔdɛɛ ‑gba kä, ɔ kä ‑gba 'nyɩa' 'kpafa bä.
Pilatë jrea' 'saa 'ɔnyɩ 'lɩ ‑a bɩa ɔ nʋ dɛɛ, ‑bɛ ‑jria nëmäa' 'lɩcakla nɩ, 'ɔnya dɔrɔ 'nɩ 'wʋ 'üa 'klʋɩ 'ɔnya su 'ɔa wlu. 'Ɔnya ‑gbala 'üün ‑maa: «'Klɩgänyɔɔlɔ kʋa' ‑pɩa ‑toru 'nyɩ 'na kälɩ ‑a bä. 'Ana wii 'i bä!»
'Ɔnya ‑gbala 'üün ‑maa: «‑Balʋ 'n nʋ, 'nyaa 'sara nyɔɔlɔ 'nyɩa' dɛɛ nʋ jäjä kälɩ!» 'Iibäa' nyüülü nɩ: «‑Mää ana ‑gbʋʋ ‑a. ‑Na wii bäsaa!»
'Ii känyrɩ, 'ba ‑träärälɩ Nyɔsʋa. 'A 'nɩ ‑nyɩ Sataan 'casɩ, 'ɔmä 'amɩ 'klɩfɔlɔ.
'Sʋgɩakamanyɔɔ nyra ‑mülü ‑glaara ɩa' Jesu ‑gälɩ 'jäa' ‑tʋtʋa tɩtrɛdɛɛ nyra wiilia 'fɩɔ ‑sia' nɩ, ŋalɛ nya 'blaa 'üün ‑gböösa. 'Ü ‑nëma: «Nyɔɔlɔ kʋa' ‑pɩ bä ɩ 'kasa Nyɔsʋaa 'Jʋ!»
'Ɔ ‑ka ‑tʋʋä ɩ ‑gä ‑bɛ 'ɔa 'ŋlʋʋ blɔ nyɔɔ 'doo, ɔ ji ɔ ‑gbala 'ɔɔn: «Nyɔɔlɔ kʋa' ‑pɩa ‑gʋ sanyülü 'n saa' sɩara 'mɩ 'saarɩ; 'ii känyrɩ ‑nyɩ blö 'ɔa wii 'lɩ, 'ɔnyɩ dɛɛ ‑a nʋ.»
‑Maa 'sɔɔa nʋlɔ nya ‑gbala 'ɔa ‑mɔlɔ: «‑Nyɩ 'nɩmɩ Nyɔsʋaa ŋalɛ ‑a kä, ‑mɔ nyra 'ɔmɩ kɔsɔ 'ü ‑tʋa' ‑sʋɛ 'dee 'lɩ?
'Ɔnya ‑gbala Jesu: «'Pläkänyɔɔ, 'taɩn 'lɩ ‑mäa' ‑na 'kamapläa 'mlɩ pa nɩ, 'pa 'na ‑gä plɛ.»
'A 'jä 'imɩ, Nyɔsʋaa 'mʋgbɛ nya 'jä 'imɩ, 'sɩrɩ a 'nyɛrɛa' 'ana ‑tɔrʋpɩɔ 'amɔ bäa' nyɔsʋaa plɛtoronyüü, 'sɩrɩ Nyɔsʋa 'bataa' 'a 'ia 'sa a 'nyɛ. A ‑gäklɩ, anyɩ ‑fre 'lɩ ‑a bä. Nyɔɔ 'nyɩ 'lɩ ‑a bɩa ɔ 'pa ana ‑gʋ bʋbɔwii.
'Ɔɔ 'ü ‑jejreea', 'ɔnyɩ nyɔɔ ‑a ‑jre; 'ɔ 'jääa' ‑sʋɩ nɩ, 'ɔnyɩ nyɔɔ 'crɛ ‑gba ‑a ‑träärä, ‑maa Nyɔsʋalɔ ‑tʋʋäa' ‑gä 'klɩgäsa nɩ, 'ɔɔ ‑nyɩ 'iin kälɩ.