24 Pilatë nya 'nyie 'ɔmä wiili 'ü 'daaa' nʋ.
Pilatë nya 'cɛrɛ Barabasë ‑wälɩ. 'Ɔnya ‑gbala 'ɔa nyüü ü bɔtɔ Jesu; 'ü bɩaa' 'ɔɔn ‑gbalɛfi ‑gälɩgbagbakʋ nɩ, 'ɔnya 'sa 'ɔɔn 'ümä 'ɔɔn krʋa ‑gälɩ kolo.
Pilatëlɔ nɩ, nyüülü 'mä ‑gʋ 'ɔɔn ‑wa nɩ, 'ɔnya 'cɛrɛ Barabasë ‑wälɩ. Pilatëa nyüü bɩaa' Jesu ‑gbalɛfi ‑gälɩgbagbakʋ nɩ, 'ɔnya 'sa 'ɔɔn 'ümä 'ɔɔn krʋa ‑gälɩ kolo.
'Ü ‑gbaa' 'saa nɩ, Pilatë nya ‑gbala 'sʋgɩa ü ja Jesu ü ‑gba 'ɔɔn dii ‑gälɩ.
‑Maa 'ü blara, 'ü nɩnɩa 'kpɔɔ ɔ kolo krʋa ‑gälɩ. 'Üa mlɩa wii nyra ‑gbɔsapɛrɩnyüüa mlɩa wii ‑sööö 'wʋ.
Nyɔɔlɔ bea' tou, ɔ 'blaa' nyɔɔ ‑bɛ 'ü 'paa ‑jie 'lɩ nɩ, ɔ 'ü 'daaa' ɔ 'cɛrɛa' ‑wälɩ nɩ, 'ɔnya 'balɩ 'ɔɔn; 'ɔnya 'sara 'üün Jesu kälɩ, 'ü nʋ wiili 'ü 'bataa'.
