Lukë 22:17 - Kuö Dëdrä Jenɛɛsë Rutë

¹⁷ 'Ɔnya dɔrɔ ‑köwö 'wʋ, 'ɔ bɩaa' Nyɔsʋa 'tɛtrɛɛkʋ nɩ, 'ɔ ‑nëma: «'Ba blökälɩ, 'ba ‑sie 'uun 'ana ‑tɔrʋpɩɔ.

Lukë 22:17 Referans Kwoze

Lukë 22:19

'Ɔnya dɔrɔ 'flɔɔ 'wʋ; 'ɔ bɩaa' Nyɔsʋa 'tɛtrɛɛkʋ, 'ɔnya 'böblö 'uun ‑tɩa 'ɔnya ‑nyɩ 'ümɩ 'uun; 'ɔ ‑nëma: «'Na fugba bäsaa, ä 'saraa' 'ana ‑gʋ. 'Ba nʋ 'imɩ 'amä 'na ‑gä plɛ 'pa.»

Rɔmënyüü 14:6

Nyɔɔ ma 'daa ‑taa jrüülü ‑si ‑mölöö 'wʋ nɩ, 'Pläkänyɔɔa ‑gʋ 'ɔ nö 'imɩ. ‑Mɔlɔ jöa' diia 'fɩɔ nɩ, 'Pläkänyɔɔa ‑gʋ 'ɔ jö 'imɩ, Nyɔsʋa 'ɔ 'trɛɛ. ‑Bɛ ‑mɔlɔ 'nyɩ jia' diia 'fɩɔ nɩ, 'Pläkänyɔɔa ‑gʋ 'ɔnyɩ ji 'imɩ, Nyɔsʋa 'ɔ 'trɛɛ.

Lukë 9:16

Jesu nya dɔrɔ 'flɔɔbü ‑gböö nyra ‑srü 'sɔɔlü 'wʋ, 'ɔnya 'jrara cɛ 'nyü 'kä, 'ɔnya 'trɛɛ Nyɔsʋa. 'Ɔ bɩaa' Nyɔsʋaa 'tɛtrɛɛkʋ nɩ, 'ɔnya 'böblö 'flɔɔ nyra ‑srülü ‑tɩa, 'ɔnya ‑nyɩ 'iin 'ɔa 'wʋnyɛrɛnyüü 'ümä 'iin nyüülü 'lɩ ‑päälä.

Matiö 14:19

'Ɔnya ‑gbala nyüü ü 'wawla 'sipi ‑gälɩ 'kä. 'Ɔ dɔrɔa' 'flɔɔbü ‑gböölü nyra ‑srü 'sɔɔlü 'wʋ nɩ, 'ɔnya 'jrara cɛ 'nyü 'kä 'ɔnya 'trɛɛ Nyɔsʋa. 'Ɔ bɩaa' Nyɔsʋaa 'tɛtrɛɛkʋ nɩ, 'ɔnya 'böblö 'flɔɔ nyra ‑srülü ‑tɩa, 'ɔnya ‑nyɩ 'iin 'ɔa 'wʋnyɛrɛnyüü 'ümä 'iin nyüülü 'lɩ ‑päälä.

Matiö 15:36

'Ɔnya dɔrɔ 'flɔɔbü ‑uunsɔɔlʋ nyra ‑srülü 'wʋ, 'ɔ 'bɩaa' Nyɔsʋa 'tɛtrɛɛkʋ, 'ɔnya 'böblö 'iin ‑tɩa 'ɔnya ‑nyɩ 'iin 'ɔa 'wʋnyɛrɛnyüü ü ‑päälä 'ümɩ 'iin 'lɩ.

Matiö 26:26

'Ü ‑ka jö ɩ dɛɛ Jesu nya dɔrɔ 'flɔɔ 'wʋ; 'ɔ bɩaa' Nyɔsʋa 'tɛtrɛɛkʋ, 'ɔnya 'böblö 'uun ‑tɩa 'ɔnya ‑nyɩ 'ümɩ 'uun; 'ɔ ‑nëma: «'Ba dɔrɔ 'uun 'wʋ, 'ba ji 'uun, 'na fugba bäsaa.»

Marëkë 14:22

'Ü ‑ka jö ɩ dɛɛ Jesu nya dɔrɔ 'flɔɔ 'wʋ; 'ɔ bɩaa' Nyɔsʋa 'tɛtrɛɛkʋ, 'ɔnya 'böblö 'uun ‑tɩa 'ɔnya ‑nyɩ 'ümɩ 'uun; 'ɔ ‑nëma: «'Ba dɔrɔ 'uun 'wʋ, 'ba ji 'uun, 'na fugba bäsaa.»

1 Korɛɛntënyüü 10:16

'Nɩpaköwölä kä ‑gʋ a 'trɛɛa' Nyɔsʋa nɩ, 'änyɩ nrörö amɩ 'doo 'lɩ 'Kriisëa ‑toru 'lɩ ‑a? ‑Bɛ 'flɔɔlʋ a ‑päpläa' 'lɩ nɩ, 'unyɩ nrörö amɩ 'doo 'lɩ 'Kriisëa 'jajɛ 'lɩ ‑a?

1 Korɛɛntënyüü 11:23

Wiili 'n 'kpɩaa' 'amɩ nɩ, 'Pläkänyɔɔ kälɩ 'n 'ba 'imɩ: ‑Gbialä kä 'mlɩ 'Pläkänyɔɔ Jesu 'saraa' nɩ, 'a ‑gbia 'dööläa 'mlɩ 'ɔ dɔrɔ 'flɔɔ 'wʋ.